கூவத்தின் கூவல்

தேனி சூர்யாபாஸ்கரன் · 09/06/2010

கூவத்து பக்கத்திலே..நம்ம குடிச இருந்தாலும்..
உசந்த இடத்தில..உன்னத்தான் தங்க வச்சு
படிக்கத்தான் உன்ன வைக்க தினம்
கால் வயிறு கஞ்சி குடுச்சேன்.

குடிகார உங்கப்பன்... கூத்தியளோட சேர்ந்திருக்கான்.
குடிக்க தினமும் காசு நான் தந்தா
குடித்தனம்..எங்கக்கூடயாம்.
குடிக்க காசு தந்துட்டா..உன்ன படிக்க யார் வைப்பா..?

அரசாங்க வேல..கிடைக்காம போயடுமெனு
பள்ளிக்கூட படிப்ப பாதியில நிறுத்திப்புட்டு
சாக்கடைய அள்ள வச்சான்...சண்டாளன்..எங்கப்பன்..
சாகுற வர எம்பொலப்பு சாக்கடைன்னு ஆயிடுச்சு..

ஊருக்குள்ள உள்ள அழுக்க கழுவ
கொஞ்சம் என்னால முடிஞ்சது..மனுச
உடம்புக்குள்ள உள்ள அழுக்க கழுவ
யார் இருக்கா..ஊருக்குள்ள..? அந்த
கவலை எனக்கிருக்கு..

கூவத்தில பிறந்த மக..
கோட்டையில கொடி ஏத்துவா...
நம்ம குறையெல்லாம் தீர்ப்பான்னு..
மனக்கோட்டை கட்டி வச்சிருந்தேன்..
பாவி மக சிறுக்கி...! நீ படிப்பை பாதியில
கை கழுவி கண்றாவி காதல சிக்கி ஓடிப் போனாயே..!
என்னயும்..தல முழுகி தனியாளா ஆக்கினாயே..!

(கரை சேரா ஓடங்கள்.என்ற தலைப்பில்.கவிதை போட்டிக்கு முன்பு எழுதியதை
என் பகுதியில் இணைக்கிறேன்...)

மஞ்சுபாஷிணி · மஞ்சுபாஷிணி Tue Mar 15, 2011 11:48 am

ஏழைகளின் எளிய வாழ்வும்....
ஆனால் வறுமையில் சோர்ந்துவிடாமல் தான் கஷ்டப்பட்டு உழைத்து அல்லல்பட்டாலும் தன் பிள்ளைகள் சாதனைகள் புரியவேண்டும் கல்வி கற்கவேண்டும், கற்றதை பயனுள்ளதாக ஆக்கவேண்டுமென்றும்......
தன் வயிற்றை சுருக்கி தன் பிள்ளைகளின் நலம் மட்டுமே எண்ணத்தில் வைத்து உழைக்கும் தாயை கல்வி கற்கும் வயதில் கல்வி கற்காது காதலை முன்னிறுத்தி அதன் பலனால் தாயை பரிதவிக்கவிட்டு ஓடிப்போன பிள்ளையை நினைத்து மனம் வருந்தி ஏக்கத்துடன் பாடிய பாடல் போன்று அத்தனை அருமை பாஸ்கரா..

எளிய வரிகளில் ஒரு ஏழையின் மனநிலை மிக அழகாக கவிதையாக்கப்பட்டிருக்கிறது....

தொடர்க முயற்சிகள்..... அன்பு வாழ்த்துக்கள் பாஸ்கரா...

தேனி சூர்யாபாஸ்கரன் · 09/06/2010

மஞ்சுபாஷிணி wrote:ஏழைகளின் எளிய வாழ்வும்....
ஆனால் வறுமையில் சோர்ந்துவிடாமல் தான் கஷ்டப்பட்டு உழைத்து அல்லல்பட்டாலும் தன் பிள்ளைகள் சாதனைகள் புரியவேண்டும் கல்வி கற்கவேண்டும், கற்றதை பயனுள்ளதாக ஆக்கவேண்டுமென்றும்......
தன் வயிற்றை சுருக்கி தன் பிள்ளைகளின் நலம் மட்டுமே எண்ணத்தில் வைத்து உழைக்கும் தாயை கல்வி கற்கும் வயதில் கல்வி கற்காது காதலை முன்னிறுத்தி அதன் பலனால் தாயை பரிதவிக்கவிட்டு ஓடிப்போன பிள்ளையை நினைத்து மனம் வருந்தி ஏக்கத்துடன் பாடிய பாடல் போன்று அத்தனை அருமை பாஸ்கரா..

எளிய வரிகளில் ஒரு ஏழையின் மனநிலை மிக அழகாக கவிதையாக்கப்பட்டிருக்கிறது....

தொடர்க முயற்சிகள்..... அன்பு வாழ்த்துக்கள் பாஸ்கரா...

அக்காவின் வாழ்த்து மழையில் நனைகிறேன்... கூவத்தின் கூவல் 154550