விழி ஈர்ப்பு விசை

by நியாஸ் அஷ்ரஃப் Thu Mar 17, 2011 12:00 pm

தபு ஷங்கரின் விழி ஈர்ப்பு விசை என்னும் புத்தகத்திலிருந்து

சற்றுமுன் நீ நடந்துபோன
தடயம் எதுவுமின்றி
அமைதியாய் கிடக்கிறது வீதி

எனினும்
அதிவேக ரயிலொன்று
கடந்துபோன தண்டவாளம்போல்
இன்னும் அதிர்கிறது
என் இதயம்.
__________________________________

உன்னை ஏன்
இப்படிக் காதலித்துத் தொலைக்கிறேன்
அடிக்கிற அம்மாவின்
கால்களையே கட்டிக்கொண்டு

அழுகிற குழந்தை மாதிரி.
___________________________________

தொலைபேசியில் எல்லாம்
நீ எனக்கு முத்தம் தராதே
அது உன் முத்தத்தை எடுத்துக்கொண்டு
வெறும் சட்டத்தை மட்டுமே
எனக்குத் தருகிறது.
____________________________________

சூரியன் வந்த பிறகுதான்
நீ வருகிறாய்
என்றாலும்
நீ வரும்போதுதான்
விழிக்கிறது இந்த வீதி
______________________________________