ஒரு குடிமகனின் குமுறல்!

D.SABARINATHAN · D.SABARINATHAN Fri Mar 18, 2011 1:09 am

என்ன நடக்கிறது இன்று தமிழ்நாட்டில்?!
நான்கு கோடி 5000000 வாக்காளர்கள் போல் எனக்கும் குழப்பம்தான்!
தமிழ்நாட்டில் எந்த ஒரு அரசியல் கட்சிக்கும் தனித்து போட்டியிட தகுதியும் இல்லை;தைரியமும் இல்லை.தனக்கு கீழே பெயர்தெரியாத கட்சிகளை சேர்த்துக்கொண்டு தமிழ்நாட்டை துண்டாடி வருகிறார்கள்!தமிழகத்தை பங்குபோடும் உரிமையை இவர்களுக்கு தந்தது யார்?
பொதுசின்னத்தில் போட்டியிட தகுதியில்லாத கட்சிகளுக்கு அரசியல் கட்சிகள் அந்தஸ்து ஏன் வழங்கப்படுகிறது?
என்னதான் செய்துகொண்டிருக்கிறது இந்திய தேர்தல் ஆணயம்?
ஒருகட்சி டெபாசிட் பெறவில்லையென்றால் மக்களிடம் செல்வாக்கு இல்லை தானே!உடனே அந்த கட்சியை ஏன் கலைப்பதில்லை?எல்லா கட்சிகளும் இரண்டே கூட்டணியில் போட்டியிடுகிறதென்றால் ஆயிரம் கட்சிகளுக்கு ஏன் அனுமதி?

நாங்கள் ஆட்சிக்கு வந்தால் இவற்றையெல்லாம் இலவசமாக தருகிறோம் என பட்டியல் போடுகிறார்களே அவர்களது குடும்ப சொத்து,கட்சி சொத்தில் இருந்தா தருகிறார்கள்?நாம் பணம் தானே!
தமிழகத்தின் ஒரு தொகுதியின் வாக்காளர் எண்ணிக்கையில் கூட உறுப்பினர் இல்லாத கட்சிகள் ஆட்சியில் பங்குகேட்டு அறிக்கைவிடுகிறார்கள்!

இன்று நடப்பது மக்கள் ஆட்சியா?குடும்ப ஆட்சிதானே!ஒருகுடும்பம் சொந்த நலனுக்காக தமிழ்நாட்டையும் இந்தியாவையும் விலா எழும்பு தெரியும் வரை சுரண்டிவிட்டு விழா கொண்டாடுகிறார்கள்!ஒரே குடும்பத்தில் 3 மத்திய
அமைச்சர்கள், ஒரு முதல்வர், ஒரு துணைமுதல்வர்.அவர்கள் கட்சியில் அனுபவம் திறமைவாய்ந்த யாருமே இல்லயா? 25 வருடங்கள் முதல்வராய்யிருந்து தமிழகத்தை கொள்ளையடித்துவிட்டு ஆறாவதுமுறை முதல்வராகும் ஆசை வேறு.

தேர்தல் ஏப்ரல் 13, ஓட்டு எண்ணிக்கை மே 13. ஏன் இந்த ஒரு மாத இடைவெளி?பொத்தானை அழுத்தினால் எந்த கட்சிக்கு எத்தனை ஓட்டு என தெரிந்து விடுமே! ஒவ்வொரு கட்சியும் எவ்வளவு வாக்காளர்களை பணம் கொடுத்து வாங்கினோம், எத்தனை கள்ள ஓட்டு போட்டோம்,எந்த கட்சி ஆட்சியமைக்க போகிறது,யாருடன் ஆட்சியில் பேரம் பேசலாம் என கணிப்பதற்க்கா?

நமக்கு பேசுவதற்க்கும் உரிமையில்லை.ஆளுங்கட்சி ஊழல் வெளியில் தெரியாதபடி எதுகை மோனையில் பேச ஏராளமான கவிஞர்கள் இருக்கிறார்கள்!
எழுதுவதற்க்கும் உரிமையில்லை. எல்லா தினசரிகளும் கட்சிகளின் கைகூலிகள்!

நாம் 5 வருடங்களை சிலநூறுகளுக்காய் அடக்குவைத்துவிட்டு எதிர்காலத்தை கணிக்க ஜோசியம் பார்க்கிறோம்!

இதில் நிறைய கேள்விகள் மட்டுமே இருக்கிறதா? உங்களுக்குள்ளே கேட்டுப்பாருங்கள்!

"உங்களுக்கெலாம் சிந்திக்கும் ஆற்றல் எதற்க்கு?எழுத்தறிவு எதற்க்கு?"

இந்த எழுத்துக்கள் என் முகத்தில் உமிழ்வாதாய் ஓர் உணர்வு!
இதற்க்குமேல் எழுத முடியாமல் நான்!

இப்படிக்கு
குமுறலில் ஓர் குடிமகன்!

positivekarthick · positivekarthick Fri Mar 18, 2011 6:45 am

இந்த மனநிலையில் தான் உள்ளோம் நண்பரே!
உங்களுக்குள் விழித்த மிருகம் வெளியே வந்து விட்டது.எங்களுக்குள் கொதித்துக்கொண்டு இருக்கிறது.

ஒரு குடிமகனின் குமுறல்!

ஒரு குடிமகனின் குமுறல்!

Re: ஒரு குடிமகனின் குமுறல்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக