ஐக்கிய அரபு எமிரேட்சில் வேலை செய்யும் இந்தியர்களுக்கு சம்பள உயர்வு

**சிவா** · **சிவா** Thu Mar 17, 2011 9:20 am

ஐக்கிய அரபு எமிரேட்ஸ் நாட்டில் வேலை செய்யும் இந்தியர்களுக்கு அவர்கள் தொழில்திறன் உள்ளவர்களாக இருந்தாலும் சரி, இல்லாதவர்களாக இருந்தாலும் சரி அனைத்து இந்தியர்களுக்கும் ஒட்டுமொத்தமாக சம்பள உயர்வு வழங்கப்படுகிறது. குறைந்தபட்ச சம்பளமே இப்போது உள்ளதை விட 40 முதல் 50 சதவீதம் அதிகரிக்கப்படும். இந்த தகவலை ஐக்கிய அரபு எமிரேட்ஸ் நாட்டுக்கான இந்திய தூதர் எம்.கே.லோகேஷ் உறுதிப்படுத்தினார். அவர் மேலும் கூறியதாவது:-

36 வகையான வேலைகளில் சேரும் இந்திய தொழிலாளர்களுக்கு குறைந்தபட்ச சம்பள உயர்வு கடந்த செவ்வாய்க்கிழமை முதல் நடைமுறைக்கு வந்தது. குறைந்தபட்ச சம்பளம் என்பது ஏற்கனவே உள்ளது தான். இப்போது குறைந்த பட்ச சம்பளத்தை அதிகப்படுத்தி இருக்கிறோம். பல ஆண்டுகளுக்கு முன்பு இது 7 ஆயிரத்து 400 முதல் 12 ஆயிரத்து 450 ஆக இருந்தது. இப்போது உயர்த்தப்பட்ட சம்பளம் ரூ.11 ஆயிரத்து 833 முதல் ரூ.17 ஆயிரத்து 250 ஆக இருக்கும். இந்த அளவு குறைந்த பட்ச சம்பளம் கொடுத்தால் தான் வேலைக்கான காண்டிராக்ட்டை அங்கீகரிப்போம் என்று நிபந்தனை விதித்தோம். வீட்டு வேலை செய்யும் பெண்களுக்கான சம்பளம் கடந்த 2008-ம் ஆண்டு 13 ஆயிரத்து 700 ரூபாயாக உயர்த்தப்பட்டது. அது இப்போது உயர்த்தப்படவில்லை.

கிளீனர்கள், மீனவர்கள், தோட்டக்காரர்கள், விவசாய கூலிகள், ஆபிஸ் பையன்கள், வெய்ட்டர்கள், சலவை தொழிலாளர்கள் ஆகியோருக்கு மாத சம்பளம் ரூ.11,830 ஆக உயர்த்தப்பட்டு உள்ளது. கார் டிரைவர்கள், பெயிண்டர்கள் ஆகியோருக்கு ரூ.16,300 மாத சம்பளமாக கிடைக்கும். டெக்னீஷியன்கள், ஹெல்ப்பர்கள் ஆகியோருக்கு 11,830 ரூபாய் மாத சம்பளமாக கிடைக்கும்.

இவ்வாறு லோகேஷ் தெரிவித்தார்.

ஐக்கிய அரபு எமிரேட்சில் வேலை செய்யும் இந்தியர்களுக்கு சம்பள உயர்வு

ஐக்கிய அரபு எமிரேட்சில் வேலை செய்யும் இந்தியர்களுக்கு சம்பள உயர்வு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக