நீரிழிவு நோயைக் கட்டுப்படுத்தும் யோகசனம்..

நீரிழிவு நோய்க்கு யோகாசன சிகிச்சை.

நீரிழிவு நோய் என்பது நோய் அல்ல ஒரு நிலை தான். அதாவது இயற்கைக்கும்
நோயாளிக்கும் உள்ள தொடர்பு அறுந்துவிட்டடது என்று பொருள். இந்த சர்க்கரை நோயை யோகசனம் மூலம் குறைதுக் கொள்ள முடியும் என்று ஆய்வுகள் மூலம் சுட்டிக் காட்டப் படுகின்றது.

யோகாசன சிகிச்சை எவ்வாறு நீரிழிவு நோயை கட்டுப் படுத்துகிறது?

நீரிழிவு நோய்க்குத் தரப்படுகின்ற நவீன மருந்து வகைகள் சிறுநீரிலும், இரத்தத்திலும் உள்ள சர்க்கரையின் அளவைக் கட்டுப்படுத்துகினறன. குறைகின்றன என்பது உண்மை தான். ஆனால், இந்த மருந்துகள் இன்சுலினை
சுரக்கச் செய்யும் கணையத்தில் பீட்டா செல்களில் செயல் புரிவது இல்லை. அவற்றை தூண்டி இன்சுலினைச் சுரக்கச் செய்வது இல்லை. இதன் காரணமாக, கணையமும், இன்சுலினைச் சுரக்கும் லாங்கர் ஹான்ஸ் திட்டுக்களும் நாளடைவில் சுருங்கி, சூம்பி விடுகின்றன.

ஓசையின்றி உயிரை பறிக்கும் நோய் நீரிழிவு நோய். இந்நோயால் கால் பாதங்கள், இருதயம், கண்கள், கிட்னி ஆகிய முக்கிய உறுப்புகள் நேரடியாக பாதிக்கப் படும். இன்சுலினைச் சுரக்கச் செய்யும் சுரப்பி, சூம்பி விடாமல் அதைத் தூண்டி அதன் செயலை ஒழுங்கு படுத்துவது யோகாசனங்கள் மட்டுமே ஆகும்.

* நீரிழிவுக்கு உட்பட்ட ஒருவர் தவறாது யோகாசனங்களை செய்யும் போது சிறுநீரில் உள்ள சர்க்கரையின் அளவு குறைகிறது.

* இரத்தத்திள் உள்ள சர்க்கரையின் அளவும் குறைகிறது. அத்துடன் நீரிழிவு நோய்க்கு காரணமாக, தோன்றுகின்ற கண் பார்வைக் குறைவும், வாதத் தொந்தரவும், தலைச் சுற்றல், அசதி போன்றவையும் நீங்குகின்றன.

* உடல் உறுப்பில் கண், காது, மூக்கு, வாய் போன்ற பல உறுப்புகள் வெளிப்பரப்பில் உள்ள சக்தியை வாங்கி உள் பரப்பில் கொடுக்கும், ஆனால், கணையம் மட்டும் உற்பரப்பும், வெளிப்பரப்பும் உறிஞ்சும்.

* இதன் வேலை சக்தியை எடுப்பது தானே ஒழிய கொடுப்பது இல்லை. கணையத்தின் மேல்பரப்பில் இருக்கும் பாசகா என்ற பித்தம் உறிஞ்சுவது நின்றால் இரத்தத்தில் சர்க்கரை நோயும், கணையத்தின் உட்பரப்பில் இருக்கும் சமாணன் என்ற வாயு உறிஞ்சுவது நின்றால் சிறுநீரில் சர்க்கரை நோயும் உண்டாகும் என்கிறது யோக மருத்துவம். இப்பயிற்சிகளுடன் உணவுத் திட்டங்களை கடை பிடித்து, ஒழுக்கக் கட்டுப் பாடுகளை ஏற்படுத்திக் கொண்டால், நோயுடன் போராட வேண்டிய நிலை இருக்காது.