காய்கறிகளில் ஆபத்து

megastar · megastar Wed Aug 04, 2010 5:26 pm

நாம் அன்றாட சமையலுக்காக கடைகளில் சென்று நல்ல சதைப்பற்றுள்ள, விளைந்த காய்கனிகளை பார்த்து, பார்த்து வாங்குகின்றோம். அதில் எதனை ஆபத்துகள் மறைந்துள்ளன தெரியுமா? விவசாயிகள், தங்கள் மகசூலை அதிகரிக்க பயிர்களுக்கு பூச்சி மருந்துகள் தெளிப்பது நாம் அறிந்ததே. ஆனால் அவர்கள் காய்கனிகள் நல்ல சதைப்பற்று பெறுவதற்காக ஹார்மோன் ஊசிகளை இடுகின்றனர். ஆக்சி டாக்சி என்ற ஹார்மோன் மருந்து கருவுற்ற தாய்மார்களுக்கு முன்பு பரிந்துரைக்கப்பட்டிருந்தது. ஆனால் தற்போது அது தடை செய்யப்பட்டு விட்டது. இந்த ஹார்மோன்களை தான் காய்களில் உபயோகப்படுத்துகிறார்கள். இந்த மருந்து விலங்குகளுக்காக தான் உபயோகிக்கப்படவேண்டும். இதனை பயன்படுத்தி விளைவிக்கப்பட்ட காய்களை தொடர்ச்சியாக நாம் உட்கொண்டோமேயானால் நம் உடலில் எதிர் விளைவை ஏற்ர்ப்படுத்தும். இத்தகைய மருந்துகள் மற்றும் காக்சின் என்ற பெயரில் தொடங்கும் மருந்துகள், பாளி, துவாதை போன்றவை கடைகளில் சாதாரணமாக கிடைக்கின்றது. பூச்சிமருந்து தெளிக்கப்பட்ட காய்கனிகளை பயன்படுத்துவதற்கு முன் அதனை, உப்பு கலந்த நீரில் அல்லது வினிகரில் கழுவி எடுத்து பயன் படுத்தப்படவேண்டும். அதிக கவர்ச்சியுள்ள, சதைப்பற்றுள்ள காய்களை தவிர்ப்பது நலம்.