யாரையும் தாக்கும் மன அழுத்தம்

by மீனு Wed Sep 02, 2009 12:16 am

First topic message reminder :

எல்லோருமே வாழ்வில் ஒரு கட்டத்தில் சற்று சோகமாக இருப்போம். ஏதாவது ஏமாற்றம், இழப்பு இதற்குக் காரணமாக இருக்கும். ஆனால், ஒருவருக்கு சோகமே வாழ்க்கையாக இருக்கிறது, எந்த நேரமும் என்னத்த கண்ணைய்யாவைப் போல "என்னத்த வாழ்க்கை" என்று பேசுகிறார் என்றால், அவருக்கு ஏதோ சீரியஸான பிரச்னை என்று அர்த்தம். உண்மையில் அவர் ஒரு மனஅழுத்த நோயாளி.

இந்த மன அழுத்த நோய் உலகம் முழுவதும் சுமார் 34 கோடிப் பேரைப் பாதித்திருக்கிறது. யாரும் இந்த நோயிலிருந்து தப்ப முடியாது. எல்லா தரப்பைச் சேர்ந்தவர்களுக்கும் இந்த நோய் வரக்கூடும். நான்கில் ஒரு பெண்ணுக்கும் பத்தில் ஓரு ஆணுக்கும் அவர்கள் வாழ்நாளில் ஒரு முறையாவது இந்த நோய் தாக்கக்கூடும். குழந்தைகளையும் இந்நோய் விட்டுவைப்பதில்லை. 12 வயதுக்குட்பட்ட குழந்தைகளில் 50ல் ஒருவருக்கு இந்த நோய் வரும் வாய்ப்பிருக்கிறது. ஒரு மனிதரின் நடத்தை முழுவதையுமே இது பாதிக்கிறது. இந்த நோயிலிருந்து ஒருவர் தாமாக வெளியில் வரவே முடியாது. நிச்சயம் சிகிச்சை எடுத்தாக வேண்டிய நோய் இது. இல்லாவிட்டால் வருடக்கணக்கில் மன அழுத்தத்தில் தவிக்க வேண்டியதுதான்
இந்த மன அழுத்த நோயில் பல வகைகள் உண்டு.

பெரும் மன அழுத்தம் - நீங்கள் வேலை செய்யும், படிக்கும், சாப்பிடும், தூங்கும் முறைகள் எல்லாவற்றையும் இது பாதிக்கும். உங்களால் சந்தோஷமாக இருக்கவே முடியாது. இம்மாதிரியான மன அழுத்தம் ஒருவருக்கு ஒரு முறையே ஏற்படும்.

டிஸ்தீமியா - இந்த மன அழுத்தம் நீண்ட காலத்திற்கு இருக்கும். ஆனால், ஒருவரின் செயல்பாட்டைப் பெரிதாக பாதிக்காது.

பைபோலார் டிஸ்ஆர்டர் - இந்த நிலையில் மனநிலை தொடர்ந்து மாறிக்கொண்டே இருக்கும். தீவிர மன அழுத்தம், பிறகு அதிலிருந்து விடுதலை என மாறி மாறி வரும். நீங்கள் சிந்திக்கும், முடிவெடுக்கும் திறன் இதனால் கடுமையாக பாதிக்கப்படும்.

ஒருவருக்கு மன அழுத்தம் வருவதற்குப் பல காரணங்கள் இருக்கின்றன. பெரும்பாலும் பின்வரும் காரணங்களால் மன அழுத்தம் ஏற்படுகிறது.
1. நியூரோ டிரான்ஸ்மிட்டர்ஸ் எனப்படும் மூளை ரசாயனங்களில் ஏற்படும் மாற்றம்.

2. புற்றுநோய், இதய நோய், பார்கின்சோனியன் நோய், அல்ஸைமர்ஸ், நீரிழிவு, ஹார்மோன் மாறுதல்கள் ஆகியவை மன அழுத்தத்தை ஏற்படுத்தும்.

3. சிலர் தொடர்ந்து எதிர் நிலையிலேயே சிந்திப்பார்கள். எதுவும் நல்லதாக நடக்காது என்று நினைப்பார்கள். அவர்கள் தன்னம்பிக்கை மிக குறைவாக இருக்கும். அதிகமாக வேலை பார்ப்பார்கள். அதிகமாக கவலைப்படுவார்கள். வாழ்வில் நடக்கும் சம்பவங்களின் மீது தங்களுக்கு எந்தக் கட்டுப்பாடும் இல்லை என்று நினைப்பார்கள். இவர்களுக்கு பெரும்பாலும் மன அழுத்தம் ஏற்படும்.

4. ஒரு குடும்பத்தில் ஒருவருக்கு இருந்தால், அது பரம்பரையாகத் தொடர வாய்ப்பு உண்டு. குடும்பத்தில் அதுவரை யாருக்கும் இல்லாவிட்டாலும்கூட, மன அழுத்தம் வரும் வாய்ப்பு இருக்கிறது.

5. மிகச் சிக்கலான தருணங்கள் ஒருவருக்கு மன அழுத்தத்தை ஏற்படுத்தும். நெருக்கமானவர்கள் இறந்து போவது, மண முறிவு, பொருளாதார நெருக்கடி, புதிய இடத்திற்குச் செல்வது, பெரிய இழப்பு போன்றவற்றாலும் மன அழுத்தம் ஏற்படும்.

6. சில மருந்துகள் மருத்துவ ரீதியான மன அழுத்தத்தை ஏற்படுத்தும். அதனால், ஏதாவது சில மருந்துகளால், உங்கள் மனநிலையில் மாற்றம் ஏற்பட்டால் உடனடியாக உங்கள் மருத்துவரிடம் தெரிவிக்க வேண்டும்.

7. தொடர்ந்து அதிக அளவில் மது அருந்துவதாலும் மன அழுத்தம் ஏற்படும்.

மன அழுத்தத்தின் அறிகுறிகள்.

1. தொடர்ந்து வெறுமையாக உணர்வது.

2. மிகக் குறைவாகவோ, மிக அதிகமாகவோ தூங்குவது.

3. பசி குறைவு, எடை இழப்பு, பசி அதிகரிப்பு, எடை அதிகரிப்பு.

4. அதிகம் குடிப்பது

5. குற்ற உணர்ச்சி, கையாலாகத்தனமாக இருப்பதாக நினைப்பது

6. பொழுதுபோக்கு, செக்ஸ் போன்றவற்றில் ஈடுபாடு இல்லாமல் இருப்பது.

7. ஆற்றல் எல்லாம் வடிந்து போனதாக உணர்வது.

8. தற்கொலை எண்ணம்

9. எரிச்சல்

10. தலைவலி, அஜீரணம் போன்றவை மருத்துவத்தில் குணமாகாவிட்டால், உங்களுக்கு மன அழுத்தம் இருக்கலாம்.

மேலே சொன்ன அறிகுறிகளில் ஏதாவது ஒன்று இருந்தால், உடனடியாக நீங்கள் மனநல மருத்துவரைச் சந்தித்தாக வேண்டும். உங்களுக்குத் தேவையான மனநல ஆலோசனைகளையோ, மருந்துகளையோ மருத்துவர்களால் மட்டுமே தரமுடியும். தாமாகவே ஆண்டி-டிப்ரஷன் மருந்துகளைச் சாப்பிடக்கூடாது.

இப்படி மன அழுத்தத்தால் பாதிக்கப்பட்டவர்களுக்கு அன்பும் நேசமும்தான் முதல் மருந்து. மன அழுத்தத்திற்கு மருந்து சாப்பிட்டுக் கொண்டிருப்பவர்கள் தனக்கு மன அழுத்தம் போய்விட்டது என்று நினைத்து, தாமாகவே அந்த மருந்தை நிறுத்திவிடக்கூடாது. பின்விளைவு இருந்தால் மருத்துவருக்குத் தெரிவிக்க வேண்டும். மருத்துவத்தில் இருக்கும் நோயாளியை சிறப்பாகக் கவனித்துக்கொள்ள வேண்டும். நிறைய ஒய்வு, உடல்பயிற்சி, சத்தான உணவு ஆகியவை அவசியம். இதையெல்லாம்விட அவசியம் நெருங்கியவர்களின் அன்பும் நேசமும். இதிலேயே பாதி நோய் குணமாகிவிடும்.

by **சிவா** Wed Sep 02, 2009 8:14 pm

நிலாசகி wrote:
சிவா wrote:
meenuga wrote:I love india.

இதே வார்த்தையை இந்தியாவில ஆறு மாதம் தங்கிய பின்னர் சொன்னால் மகிழ்ச்சியடைவேன்!
love என்றாலே மனசுல இருக்கற விஷயம் தான ...................நாங்களும் சொல்லுவோம்
"I marry india"

கேட்க நல்லாதான் இருக்கு!

by ரூபன் Wed Sep 02, 2009 8:14 pm

சிவா wrote:
meenuga wrote:I love india.

இதே வார்த்தையை இந்தியாவில ஆறு மாதம் தங்கிய பின்னர் சொன்னால் மகிழ்ச்சியடைவேன்!

by மீனு Wed Sep 02, 2009 8:17 pm

ethuku 6 month ..india lovely place.europe thaan bad country.i love india.

by **சிவா** Wed Sep 02, 2009 8:25 pm

இந்தியாவில் மக்கள் அனைவரும் பழக இனிமையானவர்கள், எளிமையானவர்கள். ஆனால் அரசு மற்றும் அரசாங்கம் சார்ந்த அதிகாரிகள் மனிதர்களே அல்ல!

லஞ்சம்.. லஞ்சம்.. லஞ்சம்! கடமையை மீற லஞ்சம் எங்கும் உண்டு, ஆனால் கடமையைச் செய்ய லஞ்சம் வாங்கும் ஒரே நாடு இந்தியாதான் - இந்த எனது கருத்தை அந்நியனில் பயன்படுத்தியிருந்தார்கள்!

சுற்றுப் பயணிகள் இந்தியாவிற்கு வருவதற்கு முக்கிய காரணமே கோவில்கள்தான், ஆனால் கோவில்களில் சுத்தம் என்பதே இல்லை! முகம் சுழித்தவாறுதான் கடவுளை வழிபடவேண்டும்.

by ரூபன் Wed Sep 02, 2009 8:28 pm

சிவா wrote:இந்தியாவில் மக்கள் அனைவரும் பழக இனிமையானவர்கள், எளிமையானவர்கள். ஆனால் அரசு மற்றும் அரசாங்கம் சார்ந்த அதிகாரிகள் மனிதர்களே அல்ல!

லஞ்சம்.. லஞ்சம்.. லஞ்சம்! கடமையை மீற லஞ்சம் எங்கும் உண்டு, ஆனால் கடமையைச் செய்ய லஞ்சம் வாங்கும் ஒரே நாடு இந்தியாதான் - இந்த எனது கருத்தை அந்நியனில் பயன்படுத்தியிருந்தார்கள்!

சுற்றுப் பயணிகள் இந்தியாவிற்கு வருவதற்கு முக்கிய காரணமே கோவில்கள்தான், ஆனால் கோவில்களில் சுத்தம் என்பதே இல்லை! முகம் சுழித்தவாறுதான் கடவுளை வழிபடவேண்டும்.

உண்மை உண்மை