Latest topics

இந்திய கிரிக்கட் அணி இலங்கை செல்வதை எதிர்த்து வழக்கு தாக்கல்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

இந்திய கிரிக்கட் அணி இலங்கை செல்வதை எதிர்த்து வழக்கு தாக்கல்

Post by kirupairajah Tue Sep 01, 2009 7:55 pm

இலங்கையில் நடந்து முடிந்துள்ள போரில் இந்தியாவின் பங்கு குறித்து தமிழகத்தில் இன்றளவும் பெரும் கசப்பு நிலவி வருகிறது. இந்தியா தமிழக மக்களின் உணர்வுகளை மதிக்கவில்லை என்கிற எண்ணம் தமிழகத்தில் பொதுவான எண்ணமாக நிலவி வரும் நிலையில் இந்திய கிரிக்கெட் அணி இலங்கை செல்ல எதிர்ப்புத் தெரிவித்து வழக்கு ஒன்றை வழக்கறிஞர் ஜோயல்பவுல் அந்தோணி, உயர் நீதிமன்ற மதுரைக் கிளையில் திங்கள்கிழமை மனு தாக்கல் செய்தார்.

இலங்கையில் இந்திய கிரிக்கெட் அணியின் முத்தரப்பு போட்டிகள் செப்.8 முதல் 13‐ம் தேதிவரை நடைபெறவுள்ளதாக அறிவிக்கப்பட்டுள்ளது. இலங்கை அரசு சர்வதேச மனித உரிமை அமைப்புகளை வடபகுதியில் அனுமதிக்கவில்லை. சர்வதேசச் சட்டங்களை மதிப்பதும் இல்லை. தடைசெய்யப்பட்ட ஆயுதங்கள், வெடிபொருள்களை இலங்கை பயன்படுத்தி வருகிறது. கடந்த 60 ஆண்டுகளில் 12 லட்சம் தமிழர்கள் படுகொலை செய்யப்பட்டுள்ளனர். தற்போதும் லட்சக் கணக்காணோர் திறந்தவெளி சிறையில் கைதிகளாக வைக்கப்பட்டுள்ளனர்.

இந்நிலையில் இந்திய கிரிக்கெட் அணியை இலங்கைக்கு அனுப்பினால் சர்வதேச சமூகம் இந்தியாவை மதிக்காது.எனவே, இந்திய கிரிக்கெட் அணி இலங்கைக்குச் செல்லத் தடைவிதிக்க வேண்டும் என மனுவில் குறிப்பிட்டுள்ளார். இந்த மனு தாக்கலுக்கான வக்காலத்தில் 512 வழக்கறிஞர்கள் கையெழுத்திட்டுள்ளனர். இதன் மீதான விசாரணை இன்று (செவ்வாய்க்கிழமை) இடம்பெறும் எனத் தெரிகிறது.

இந்திய கிரிக்கட் அணி இலங்கை செல்வதை எதிர்த்து வழக்கு தாக்கல் Skirupairajahblackjh18

kirupairajah: வி.ஐ.பி; பதிவுகள் : 4621
இணைந்தது : 18/06/2009