அதிமுக கூட்டணியிலிருந்து விலகினார் கார்த்திக்

by ரபீக் Tue Mar 15, 2011 12:02 pm

அகில இந்திய நாடாளும் மக்கள் கட்சியை அதிமுக பொதுச் செயலாளர் ஜெயலலிதா அவமதித்து விட்டார். எனவே நாங்கள் கூட்டணியை விட்டு விலகுகிறோம் என்று கூறியுள்ளார் கட்சித் தலைவரும், நடிகருமான கார்த்திக்.

தமிழகத்தின் 'ஒயிட் காலர்' அரசியல்வாதிகளில் ஒருவர் கார்த்திக். படு ஸ்டைலாக கூலிங் கிளாஸை போட்டுக் கொண்டு ஜஸ்ட் லைக் தட் பிரசாரம் செய்து பிரமிப்பை ஏற்படுத்தியவர் கார்த்திக். வியர்க்க விறுக்க ஒருபோதும் இவர் கட்சிக்காக உழைத்ததில்லை. கூட்டம் அதிகம் சேர்ந்து விட்டால் கார்த்திக்குக்கு அலர்ஜியாகி விடும். அதுவும், இவரது கூட்டங்கள் மட்டும் எப்போதும் கலாட்டாக்கள், ரகளையுடன் நடப்பது அலாதியானது.

இதுபோக ஒவ்வொரு தேர்தலுக்கும் ஒரு கூட்டணியாக கலக்கி வருபவர் கார்த்திக். யாருக்கும், எந்தக் கட்சிக்கும், எந்த பாதிப்பையும் ஏற்படுத்தாத நல்ல அரசியல்வாதி கார்த்திக்.

கடந்த லோக்சபா தேர்தலின்போது பாஜகவுடன் கூட்டணி வைத்து 2 இடங்களில் போட்டியிட்டார். பல இடங்களில் இவரது கட்சி சார்பில் போட்டியிட்டவர்கள் திடீரென மாயமாகி, பின்னர் திரும்பி வந்து அசரடித்தனர்.

தற்போதைய சட்டசபைத் தேர்தலில் அதிமுகவுடன் கூட்டணி வைத்தார் கார்த்திக். ஜெயலலிதாவை அவரது போயஸ் தோட்ட இல்லத்தில் சந்தித்து கூட்டணியில் இணைவதாக தெரிவித்தார். கூடவே தொகுதிகள் கேட்டும் கோரிக்கை வைத்தார்.

ஆரம்பத்தில் நிறைய தொகுதிகளை கேட்ட கார்த்திக் கட்சி கடைசியாக 3 சீட்களாவது தர வேண்டும் என்று கோரியிருந்தது. ஆனால் ஒரு சீட் மட்டுமே தருவதாக கூறிய அதிமுக, பின்னர் அதையும் கூட விட்டு விட்டது. அதாவது வெறும் ஆதரவு மட்டுமே போதும் என்று கூறி விட்டதாக கூறப்படுகிறது.

மேலும், அதிமுக தரப்பிலிருந்து எந்தத் தகவலையும் காணவில்லை. அதேசமயம், சரத்குமாரின் சமத்துவ மக்கள் கட்சிக்கு 2 தொகுதிகளை ஒதுக்கினார் ஜெயலலிதா. இது கார்த்திக் கட்சிக்கு பெரும் கெளரவக் குறைச்சலாகப் போய் விட்டது.

உடனடியாக கூட்டணியிலிருந்து விலகி தன்மானத்துடன் தனித்துப் போட்டியிடுவோம் என்று கார்த்திக்கை அவரது கட்சியினர் தொடர்ந்து வலியுறுத்தினர். தொண்டர்களின் உணர்வுகளை மதிப்பதாக கார்த்திக்கும் கூறியிருந்தார்.

இந்த நிலையில், இன்று கூட்டணியிலிருந்து விலகும் முடிவை அவர் அறிவித்தார்.

இதுகுறித்து அவர் கூறுகையில் சட்டசபைத் தேர்தலில் அகில இந்திய நாடாளும் மக்கள் கட்சிக்கு 3 தொகுதிகள் தருமாறு கேட்டோம். ஆனால் இதுவரை அவர்களிடமிருந்து எந்தப் பதிலும் வரவில்லை. இது எங்களது கட்சியை அவமானப்படுத்தும் செயல்.

இதனால் கூட்டணியிலிருந்து நாங்கள் விலகி விட முடிவு செய்துள்ளோம். இந்த முடிவை நாங்கள் அதிமுக தலைமைக்குத் தெரிவிப்போம்.

வருகிற தேர்தலில் 25 முதல் 30 தொகுதிகள் வரை தனித்துப் போட்டியிட முடிவு செய்துள்ளோம் என்றார் கார்த்திக்
தட்ஸ்தமிழ்

by **Manik** Tue Mar 15, 2011 12:10 pm

இதுதான் சரியான முடிவு சபாஷ் அதிமுக கூட்டணியிலிருந்து விலகினார் கார்த்திக் 677196

by உதயசுதா Tue Mar 15, 2011 12:28 pm

இந்த ஆளு எல்லாம் எந்த கூட்டணில இருந்தாலும் சரி,இல்லைன்னாலும் சரி இவரு காமெடி பீசுதான்

by ரபீக் Tue Mar 15, 2011 12:30 pm

உதயசுதா wrote:இந்த ஆளு எல்லாம் எந்த கூட்டணில இருந்தாலும் சரி,இல்லைன்னாலும் சரி இவரு காமெடி பீசுதான்

ஆமாம் அக்கா !! சுயம்வரம் படத்துல இவர் பன்ற காமெடி ரொம்ப நல்லா இருக்கும்

by மஞ்சுபாஷிணி Tue Mar 15, 2011 12:32 pm

கார்த்திக் அருமையான நடிகர்.... அவர் அந்த வேலையை மட்டுமே செய்தார்னா நல்லாருக்கும்.. அரசியல் இவருக்கு அவசியமற்ற வேலை...

by அப்துல் Tue Mar 15, 2011 5:39 pm

சகோதரி மஞ்சுசுபாசினி சொன்ன செய்தி சரியான ஒன்று.நடிகர் கார்த்திக் இதனை பார்த்தால் நன்று.

by **சிவா** Tue Mar 15, 2011 5:42 pm

கார்த்திக் கட்சித் தலைவர் என்பதும், அவர் அரசியலில் உள்ளார் என்பதும் இப்பொழுதுதான் எனக்குத் தெரிகிறது!

அகில இந்திய நாடாளும் மக்கள் கட்சி என்றால் என்ன? எத்தனை வருடங்களாக உள்ளது?

by ரபீக் Tue Mar 15, 2011 5:43 pm

சிவா wrote:கார்த்திக் கட்சித் தலைவர் என்பதும், அவர் அரசியலில் உள்ளார் என்பதும் இப்பொழுதுதான் எனக்குத் தெரிகிறது!

அகில இந்திய நாடாளும் மக்கள் கட்சி என்றால் என்ன? எத்தனை வருடங்களாக உள்ளது?

கேள்வி கேட்டால் அவருக்கு சுத்தமா புடிக்காது என்று தெரிந்தே கேள்வி கேட்டால் என்ன பன்றது ?

by உதயசுதா Tue Mar 15, 2011 5:43 pm

சிவா wrote:கார்த்திக் கட்சித் தலைவர் என்பதும், அவர் அரசியலில் உள்ளார் என்பதும் இப்பொழுதுதான் எனக்குத் தெரிகிறது!

அகில இந்திய நாடாளும் மக்கள் கட்சி என்றால் என்ன? எத்தனை வருடங்களாக உள்ளது?

அதிமுக கூட்டணியிலிருந்து விலகினார் கார்த்திக் 403484

by **சிவா** Tue Mar 15, 2011 5:46 pm

ரபீக் wrote:
சிவா wrote:கார்த்திக் கட்சித் தலைவர் என்பதும், அவர் அரசியலில் உள்ளார் என்பதும் இப்பொழுதுதான் எனக்குத் தெரிகிறது!

அகில இந்திய நாடாளும் மக்கள் கட்சி என்றால் என்ன? எத்தனை வருடங்களாக உள்ளது?

கேள்வி கேட்டால் அவருக்கு சுத்தமா புடிக்காது என்று தெரிந்தே கேள்வி கேட்டால் என்ன பன்றது ?

இது வேறயா?

இவர் விலகியதால் அதிமுக-விற்கு எந்தப் பாதிப்பும் இல்லையே!