உயிராசை

NAKKEERAN · NAKKEERAN Wed Mar 16, 2011 12:31 am

ஊரில் இருந்தபோது என்றோ ஒருநாள் பொழுதுபோக்காக எழுதிப்பார்த்தது.அப்பொழுதெல்லாம் இலங்கை சூரியன் பண்பலை வானொலியின் வெள்ளி நேற்றையகாற்று நிகழ்ச்சிக்கு பாடல்களும் விளக்கங்களும் அனுப்புவதுதான் தொடர்ச்சியான ரசனையும் பொழுதுபோக்கும்.அப்படி எழுதியனுப்பவென்று முயன்றபோதுதான் இது வந்து விழுந்தது.நிகழ்ச்சியில் கேட்பதைவிட கொஞ்சம் நீண்டுவிட்டது என்பதால் இதை அனுப்பவில்லை.கவிதைக்கு தலைப்புக்கூட இல்லை.இப்பொழுது பதிவிடுவதற்காக சும்மா ஒரு தலைப்பைக்கொடுத்து பதிகிறேன்.மிகுதி விமர்சனங்கள் நீங்கள்தான் சொல்லவேண்டும்.

இப்பிறப்பு நினைவோடு இன்னுமோர் பிறப்பெடுத்து
அன்றேனும் அவளோடு இணையவேண்டும்

இப்பிறப்பு நினைவுகளை இருவருமாய் சேர்ந்திருந்து
அப்பிறப்பில் பேசிப்பேசி ஏங்கவேண்டும்

இப்பிறப்பில் கிடைக்காத இதமான தூக்கமொன்றை
அவள்மடியில் ஒரு நிமிடம் உறங்கவேண்டும்

இனியவளின் மடிமீது இதமாக உறங்கும்போதே
அப்பிறப்பும் இருவருக்கும் முடியவேண்டும்.

மஞ்சுபாஷிணி · மஞ்சுபாஷிணி Wed Mar 16, 2011 10:29 am

ஆஹா எத்தனை அருமையான வரிகள்
இருமனங்கள் இணைந்தப்பின் இருவர் ஒன்றானப்பின் இனி உலகம் மறந்து உயிர் துறந்தாலும் அதுவும் ஒன்றாய் தான் என்று ஆணித்தரமாக சொல்லும் மிக அருமையான கவிதைக்கு அன்பு வாழ்த்துக்கள் கேதரன்.

யாதுமானவள் · யாதுமானவள் Wed Mar 16, 2011 10:58 am

இப்பிறப்பு நினைவோடு இன்னுமோர் பிறப்பெடுத்து
அன்றேனும் அவளோடு இணையவேண்டும்

இப்பிறப்பு நினைவுகளை இருவருமாய் சேர்ந்திருந்து
அப்பிறப்பில் பேசிப்பேசி ஏங்கவேண்டும்

இப்பிறப்பில் கிடைக்காத இதமான தூக்கமொன்றை
அப்பிறப்பில் அவள்மடியில் உறங்கவேண்டும்

இனியவளின் மடிமீது இதமாக உறங்கும்போதே
அப்பிறப்பும் இருவருக்கும் முடியவேண்டும்.[/quote]

சகோதரர் கேதரநார்க்கு,

அருமையான கவிதை. தங்களின் இப்பிறப்பு ஏக்கங்கள் அப்பிறப்பில் ஆக்கங்களாக மாறவேண்டுமென தாங்கள் காணும் கற்பனை அருமை. ஒரு வரியை சிவப்பு வர்ணத்தில் கொடுத்துள்ளேன். இப்படியிருந்தால் கவிதையின் அழகு இன்னும் தூக்கலாக இருக்கும் என்பது எனது அபிப்ராயம். தவறாக எண்ணவேண்டாம்.
நிறைய தமிழ்க் கவிதைகள் தாங்கள் படைக்க எனது வாழ்த்துக்கள்.

Sponsored content · Sponsored content

உயிராசை

உயிராசை

Re: உயிராசை

Re: உயிராசை

Re: உயிராசை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக