அழிவு சில உண்மைகள்

by செய்தாலி Mon Mar 14, 2011 5:47 pm

இயற்கையின் சீற்றங்களில்
பொருளும் உயிரும் சிதைவதைகண்டு
பயந்து மிரளும் மனிதர்கள்
இயற்கையை பழிக்கிறான்

பஞ்ச பூதங்களால் நிரப்பட்டது
உயிர்கள் வாழும் இவ்வுலகம்
தனித்திறன் கொண்டுள்ள இவர்கள்
எனக்கு அடிமைப்பட்டவர்கள்

அதர்மங்களால் தலைவிரித்து ஆடிய
உம் முன்னோர்களை
இயற்கையின் துணைகொண்டு
நாம் அழித்த கதைகள்
வேதங்களில் அத்தாட்சி குறிப்புகளாய்

எளியவனை நேசி
அவன் பொருளை பறிக்காதே
பெண்மையை சீர் குலைக்காதே
ஆயுதம்கொண்டு குருதி ஒழுக்காதே
உனக்கான எத்தனை எச்சரிப்புக்கள்

வேதக் குறிப்புகளையும்
மாமனிதர்களின் போதாமைகளையும்
அலட்சியமாய் புறம்தள்ளி விட்டு
அழிவைகண்டு நடுங்கும் மனிதனே
இதுவும் ஒரு எச்சரிக்கையே

இயற்கை பேரழிவுகளில் உதிரும்
உயிர் பொருள் உடமை என்று
குறிப்பு எழுதும் மனிதனே
அழிவின் ஆழமான காரணங்களை
ஏன் ஆராய மறுக்கிறாய்