விஜய்யை புறக்கணிக்க தமிழ் சங்கம் முடிவு..!!

நடிகர் விஜய் காங்கிரஸ் கட்சியில் இணைந்தால், அவரது படங்களை புறக்கணிப்போம் என்று கனடாவில் உள்ள படைப்பாளிகள் கழகம் அறிவித்துள்ளது. சமீபத்தில் காங்கிரஸ் பொதுச்செயலாளர் ராகுலை, நடிகர் விஜய் சந்தித்து பேசினார். இதையடுத்து அவர் காங்கிரஸ் கட்சியில் சேரலாம் என்ற தகவல் வெளியானது. தமிழக காங்கிரஸ் தலைவர்களும் விஜய், இளைஞர் காங்கிரசில் சேர்ந்தால் வரவேற்போம் எனறு பேட்டி கொடுத்தனர். விஜய்க்கு நியமன எம்.பி., பதவி வழக்க காங்கிரஸ் முடிவு செய்திருப்பதாகவும் தகவல்கள் வெளியாகி பரபரப்பை ஏற்படுத்தியுள்ளன.

இந்நிலையில் விஜய் காங்கிரஸ் கட்சியில் சேர்ந்தால் அவரை புறக்கணிப்போம் என்று கனடா படைப்பாளிகள் கழகம் அறிவித்துள்ளது. இதுதொடர்பாக அக்கழகத்தின்
நிர்வாகிகள் வெளியிட்டுள்ள அறிக்கையில், அரசியலில் யாரும் பங்கு கொள்ளலாம். நடிகர்களும் குடிமக்கள் என்பதால் அவர்களுக்கும் அரசியலில் பங்கு கொள்ள முழு உரிமை உண்டு. ஆனால் நடிகர் விஜய் காங்கிரசில் சேர முன் வந்தாலோ, அப்படியொரு முடிவு எடுத்தால் அதனைத் தமிழர்கள், குறிப்பாக புலம் பெயர்ந்த தமிழர்கள் வரவேற்க மாட்டார்கள் என்பதோடு அதனை முழு மூச்சாக எதிர்ப்பார்கள் என்பதை முன்கூட்டியே சொல்லி வைக்க விரும்புகிறோம். விஜய் அரசியல் பிரவேச பின்னணியில் நடிகர் விஜய் ஈழத்தமிழர்களுக்கு எதிராக செயல்படும் சோனியா மற்றும் ராகுலுடன் கைகோர்க்க எத்தனிப்பது தமிழீழத் தமிழர்களுக்கு அவர் செய்யும் அதிகபட்ச இரண்டகம் என நாங்கள் கருதுகிறோம். எனவே நடிகர் விஜய் நடித்த அல்லது நடித்து வெளிவர இருக்கும் படங்களை புறக்கணிக்கும் போராட்டத்தில் உலகளாவிய அளவில் இறங்குவோம், என்று கூறியுள்ளனர்.

சினிமாவில் எம் ஜி யார் மாதிரி டச்சிங்கா பாட்டுக்கு வாய் அசைத்தால் மட்டும் போதாது

வாங்க ரூபன் , காலை வணக்கங்கள்

மன்னிக்கவும் அப்பா காலை வணக்கங்கள் எப்படி அப்பாவும் குழந்தையும் நலமா