'ஜப்பான் சுனாமி:மியாகியில் பலி 10,000 ஆகும் அபாயம்'

by மஞ்சுபாஷிணி Mon Mar 14, 2011 1:48 pm

'ஜப்பான் சுனாமி:மியாகியில் பலி 10,000 ஆகும் அபாயம்'
டோக்கியோ, மார்ச் 13,2011
வடகிழக்கு ஜப்பானில் ஏற்பட்ட பூகம்பம் - சுனாமி தாக்குதலில், மியாகி என்ற பகுதியில் மட்டும் பலி எண்ணிக்கை 10 ஆயிரத்தை தொடும் என போலீஸார் மதிப்பிட்டுள்ளனர்.

கடந்த வெள்ளிக்கிழமை ஏற்பட்ட பூகம்பத்தின் தொடர்ச்சியாக தாக்கிய சுனாமியில், மியாகி பகுதி மிக மோசமான பாதிப்புக்குள்ளாகி இருக்கிறது.
இதுகுறித்து நிருபர்களிடம் மியாகி காவல்துறை செய்தித் தொடர்பாளர் கோ சுகாவரா ஞாயிற்றுக்கிழமை கூறுகையில், மியாகியில் மட்டும் உயிரிழப்புகளின் எண்ணிக்கை 10 ஆயிரத்தைக் கடக்கக் கூடும் என மதிப்பிடப்பட்டுள்ளது என்றார். அப்போது, பேரிடர் மீட்புப் பணி அதிகாரிகள் உடன் இருந்தனர்.
எனினும், ஞாயிற்றுக்கிழமை மதியம் வரை மியாகியில் 379 உடல்கள் தான் மீட்கப்பட்டுள்ளன. ஒட்டுமொத்தமாக 801 உடல்கள் மீட்கப்பட்டுள்ளதாக நிவாரணப் பணி மேற்கொள்ளும் அதிகாரிகள் தெரிவித்தனர்.