எனக்கு பிடித்த கவிதைகள் -கே, பாலா

**கே. பாலா** · **கே. பாலா** Sat May 28, 2011 7:03 am

என்னைக் கவர்ந்த ஒரு கவிதை:

இடமற்று நிற்கும்
கர்ப்பிணியின் பார்வை தவிர்க்க
பேருந்துக்கு வெளியே
பார்ப்பதாய்
பாசாங்கு செய்யும் நீ
என்னிடம்
எதை எதிர்ப்பார்க்கிறாய்
காதலையா?

-சுகிர்தராணி

**கே. பாலா** · **கே. பாலா** Sat May 28, 2011 7:35 am

இயந்திர அரசு-பரிசல்

பிறப்பையும்
இறப்பையும்
பதிவு செய்யச் சொல்கிறது
அரசு.

இடையில் நேரும்
இன்ப துன்பங்களை
எங்கு பதிவு செய்ய?

**கே. பாலா** · **கே. பாலா** Sat May 28, 2011 7:44 am

பணம் - கிருஷ்ணகுமார்

வெஸ்டர்ன் யூனியன்
மணி ட்ரான்ஸ்ஃபர்கள்

பதினாறு இலக்க
எண்ணுடன்
மூன்றிலக்க
ரகசிய எண் கேட்கும்
கடன் அட்டை
பரிவர்த்தனைகள்

அலைபேசி
எண் அழுத்தலில்
கண்டம் தாண்டிப்
பயணிக்கும்
பணங்கள்

இன்னும்.. இன்னும்...
எத்தனையிருப்பினும்

இன்றும்
ஒவ்வொரு கிராமத்திலும்
ஒரு தாயாவது
காத்திருக்கிறாள்
மகனின்
மணியார்டருக்காக.

முரளிராஜா · முரளிராஜா Sat May 28, 2011 8:17 am

மூண்று கவிதைகளும் முத்தான கவிதைகள்
பகிர்ந்தமைக்கு நன்றி பாலா சூப்பருங்க

**கே. பாலா** · **கே. பாலா** Sat May 28, 2011 9:57 am

முரளிராஜா wrote:மூண்று கவிதைகளும் முத்தான கவிதைகள்
பகிர்ந்தமைக்கு நன்றி பாலா

திவ்யா · திவ்யா Sat May 28, 2011 10:18 am

கே. பாலா wrote:இயந்திர அரசு-பரிசல்

பிறப்பையும்
இறப்பையும்
பதிவு செய்யச் சொல்கிறது
அரசு.

இடையில் நேரும்
இன்ப துன்பங்களை
எங்கு பதிவு செய்ய?

அண்ணா......

**கே. பாலா** · **கே. பாலா** Sat May 28, 2011 2:08 pm

பிள்ளையார் - பரிசல்

பிளாஸ்டராப் பாரிசில் இருந்தாலும்
நான் இந்தியாவில் தான் கரைகிறேன்.

அடுத்தவருடம் எனக்கு
சிவப்பு வர்ணம் பூச
ஊர்வலத்தில் சிலர் ரத்தம்
சிந்துகிறார்கள்.

என்னில் கரையாமல்
என்னைகரைத்தென்ன பயன்?[

**கே. பாலா** · **கே. பாலா** Sat May 28, 2011 6:15 pm

தொடரும் முடிவுகள்- நர்சிம்

காகம் வளர்ப்பதென்று
முடிவெடுத்துவிட்டேன்

அசிங்கமா இருக்குமேங்க

அட,முடிவெடுத்தாகிவிட்டதே

அசூயையாய் கத்துமேய்யா

முடிவெடுத்தாச்சுப்பா விடு

சோறு போட்டால்
நூறு பேரைக் கூப்பிடுமே

ம்ம்..
முடிவெடுத்து தொலைச்சாச்சே

வீடு பூரா
விருந்தாளித் தொல்லையா
இருக்குமேப்பா

அதான் முடிவெடுத்தாச்சே

சரி
பரவாயில்லை
காகம் என்று தானே
முடிவு-
பச்சை நிறத்தில்
இனிமையாய் கத்தும்
காகத்தை தேடலாமே
என்ற அடுத்த
முடிவை எடுத்துவிட்டேன்

**கே. பாலா** · **கே. பாலா** Sat May 28, 2011 6:20 pm

மாத கடைசி மதிய நேரத்தில்

எப்படி எண்ணினாலும்
மூன்றுரூபாய் ஐம்பதுகாசு
குறைவாக இருந்தது
அளவுச் சாப்பாட்டிற்கு.

சந்தனக் கீற்று நெற்றியோடு
கல்லாக் கட்டுபவனிடம்
சொல்லிப் பார்க்கலாமென்றால்
மீசையை கிருதாவில்
முடித்திருந்தான்.
தெரிந்தவன் தெரிவானா என
உள்ளே ஊடுருவினால்
ஊகும்..

முருங்கை சாம்பார்
முட்டைக்கோஸ் பொரியல்.
வெயில் கண்ணாடியணிந்து
அதிகம் சாப்பிட்ட
கவலையில்
ஐந்து ரூபாய்க்கு
எடை பார்த்தவன்
செரிப்பதற்கு வாங்கிய
ஸ்வீட் பீடா கவரை
காரின் ஜன்னல் வழி
எறிந்து பறந்தான்

கலர் சாக்பீஸால்
மீல்ஸ் ரெடி
சாப்பாடு தயார்
தகர பலகை.

முரளிராஜா · முரளிராஜா Sat May 28, 2011 9:01 pm

கவிதை அருமை நண்பரே சூப்பருங்க

Sponsored content · Sponsored content

எனக்கு பிடித்த கவிதைகள் -கே, பாலா

எனக்கு பிடித்த கவிதைகள் -கே, பாலா

Re: எனக்கு பிடித்த கவிதைகள் -கே, பாலா

Re: எனக்கு பிடித்த கவிதைகள் -கே, பாலா

Re: எனக்கு பிடித்த கவிதைகள் -கே, பாலா

Re: எனக்கு பிடித்த கவிதைகள் -கே, பாலா

Re: எனக்கு பிடித்த கவிதைகள் -கே, பாலா

Re: எனக்கு பிடித்த கவிதைகள் -கே, பாலா

Re: எனக்கு பிடித்த கவிதைகள் -கே, பாலா

Re: எனக்கு பிடித்த கவிதைகள் -கே, பாலா

Re: எனக்கு பிடித்த கவிதைகள் -கே, பாலா

Re: எனக்கு பிடித்த கவிதைகள் -கே, பாலா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக