தொடர்ந்து முதல் இடத்தில் ஹார்வர்டு பல்கலைக்கழகம்

by **சிவா** Sun Mar 13, 2011 11:52 am

அமெரிக்காவில் கேம்பிரிட்ஜில் உள்ள ஹார்வர்டு பல்கலைக் கழகம், உலக அளவில் பிரபலமாக உள்ளது. தனியார் பல்கலைக் கழகமான இது, மிகவும் பழமையானது. தற்போது, உலகின் முதல் 10 பல்கலைக் கழகங்களின் பட்டியலை டைம்ஸ் பத்திரிகையின் உயர்கல்வி பிரிவு தேர்வு செய்தது. அதில், ஹார்வர்டு பல்கலைக் கழகமே தொடர்ந்து முதலிடத்தை தக்க வைத்துக் கொண்டது.

அமெரிக்க ஜனாதிபதிகளில் 8 பேர், இந்த பல்கலைக் கழகத்தில் படித்தவர்கள் என்பதும் நோபல் பரிசு பெற்றவர்களில் 75 பேர் இந்த பல்கலைக் கழகத்தில் படித்தவர்கள் என்பதும் குறிப்பிடத்தக்கது. இந்த பட்டியலில் இங்கிலாந்தில் உள்ள கேம்பிரிட்ஜ் பல்கலைக் கழகம் 3-வது இடத்தையும் ஆக்ஸ்போர்டு பல்கலைக் கழகம் 6-வது இடத்தையும், ஜப்பானில் உள்ள டோக்கியோ பல்கலைக் கழகம் 8-வது இடத்திலும் உள்ளன. ஹார்வர்டு உட்பட மற்ற 7 பல்கலைக் கழகங்களும் அமெரிக்காவை சேர்ந்தவை ஆகும்.