இதுவும் காதலா?!...

by D.SABARINATHAN Sat Mar 12, 2011 1:35 pm

First topic message reminder :

உனக்கும் எனக்கும்
ஒரு அறிமுகமில்லை
பேருந்தில் உன்னை பார்க்காதவரை!

நம் விழிகளின்
பார்வை உரசலில்
உனக்கும் எனக்கும்
ஓர் புரிதல் ஒப்பந்தம்!

அமர்ந்திருக்கும் உன்னிடம்
என் நோட்டு புத்தகங்களை
தந்துவைப்பதில்
உன் மனதில் இடம்பிடித்துவிட
முயற்சி!

நம் இதழ் புன்னகை
பரிமாற்றத்தில் மட்டும்
பல ஜென்மங்கள்
பழகி பேசிதீர்த்துவிட்ட
திருப்பதி!

காதல்-
இயற்கையின் வரைமுறையா?
இளமையின் வன்முறையா?
உன் பதிலென்ன காதலி!...

எப்போதும் திறந்துதான் இருக்கும்
என் இதயம்!-
குழப்பமெல்லாம்
நீ என் உள்ளே வருகிறாயா?
வெளியே வருகிறாயா?...

தினம் இருபது நிமிட பயணத்தில்
எட்டு மணிநேர
என் கனவுகளை
நனவாக்கிவிடும் அவசரம்!

என் புத்தகங்களை
திரும்பபெறுகையில் நிகழும்
உன் சுண்டுவிரல் தீண்டலில்
என் கற்பனைகள் சிறகடிக்கும்
அதிசயம்!

உன் நிறுத்தம் வந்துவிட்டதாய்
இறங்கி சென்றுவிட்டாய்!
அந்த செம்மண் தடத்தில்
பேருந்து சக்கரத்தின் தடயங்களையும்
அழித்துவிடத்துடிக்கும் காற்று!
உன் விழிதந்த சலனம்
சேமித்துவைக்கும்
என் இதயம்!

by **இளமாறன்** Sat Mar 12, 2011 6:32 pm

நல்ல ஏக்கம் நிறைந்த கவிதை வாழ்த்துக்கள் இதுவும் காதலா?!... - Page 2 677196

சும்மா ஒரு தமாசுக்கு இதுவும் காதலா?!... - Page 2 755837

பிக்ர் பார்தோமா போனோமோ இல்லாம என்ன து ஏக பட்ட கேள்வி கேட்குறீங்க இது நல்ல இல்ல சொல்லிபுட்டேன்

by D.SABARINATHAN Sat Mar 12, 2011 8:27 pm

இளமாறன் wrote:நல்ல ஏக்கம் நிறைந்த கவிதை வாழ்த்துக்கள்

சும்மா ஒரு தமாசுக்கு

பிக்ர் பார்தோமா போனோமோ இல்லாம என்ன து ஏக பட்ட கேள்வி கேட்குறீங்க இது நல்ல இல்ல சொல்லிபுட்டேன்

இப்படியெல்லாம் நமக்கு தோன மாட்டேங்குது என்ற உங்கள் ஏக்கம் எனக்கு புரிகிறது! இதுவும் காதலா?!... - Page 2 102564