அறிவியல் ஆயிரம்

நலம் தரும் நைனிடால்

கோடை காலத்தில், சுற்றுலா செல்ல மிகவும் ஏற்ற கோடைவாசஸ்தலம் நைனிடால் ஆகும். உத்தர்கண்ட் மாநிலத்தின் முக்கிய நகராக நைனிடால் உள்ளது. நைனிடால் செல்ல, டில்லியில் இருந்து பஸ்கள் உள்ளன. நைனிடாலில் அரவிந்த ஆசிரமம், ஆன்மிக சுற்றுலா அனுபவங்களைத் தருகிறது. www.nainital.nic.in என்ற வெப்சைட்டில், நைனிடால் குறித்த அனைத்து சுற்றுலா விபரங்களும் உள்ளன. ஹெல்த் டூரிசத்தின் முக்கிய மையமாக, நைனிடால் மாறி வருகிறது.

வெயில்கால அழகுக் குறிப்புகள்

கோடை காலத்தில் முடி, தோல் ஆகியவற்றை எளிய, இயற்கை முறையில் பராமரிக்க உதவும் டிப்ஸ்களை freeonlinebeautytips.blogspot.comல் பகிர்ந்து கொள்ளலாம். அழகுக்கலை என்பது, ஆரோக்கியக்கலை என்பதே இந்த வலைப்பூவின் சாராம்சமாகும். வெளிப்புற அழகை மட்டுமின்றி, உடலின் கோடை காலத்தில் உள் உறுப்புகள் ஆரோக்கியம் குறித்தும், இந்த வலைப்பூ கவனம் செலுத்துகிறது. கோடை காலத்தில் அதிகப்படியாக தண்ணீர் அருந்துவதே, முகப்பொலிவினைக் கூட்டும்.

அறிவியல் ஆயிரம்

நீருக்கடியில் சுவாசிக்க நீச்சல் உடை

ஆழ்கடலில் செல்லும் ஸ்கூபா டைவிங் வீரர்களும் சுவாசிக்க, புதிய நீச்சல் உடை வடிவமைக்கப்பட்டு உள்ளது. தற்போது அவர்கள் நீருக்கடியில் சுவாசிக்க, ஆக்சிஜன் சிலிண்டர்கள் உள்ளிட்ட பொருட் களையும் எடுத்துச் செல்ல வேண்டும். ஆராய்ச்சி நடத்துவதற்கு இது சிரமமாக இருக்கும். இந்த பிரச்னைகளுக்கு தீர்வு காண, புதிய நீச்சல் உடையை அமெரிக்காவில் கண்டறிந்துள்ளனர். இந்த உடையில் திரவ நிலையில் உள்ள பெர்ப்ளுரோ கார்பன் பயன்படுகிறது. இந்த கரைசலில் பெருமளவு ஆக்சிஜன் கலந்திருக்கும். இதனை அணிந்துள்ள ஒருவரின் காது, மூக்கு மற்றும் நுரையீரல் பகுதிகளில் உள்ள ஆக்சிஜன் வெளியேறாமல் கட்டுப்படுத்தப்படும். நுரையீரல் வெளியிடும் கார்பன்டை ஆக்சைடு, மூக்கு வழியாக வெளியேறாமல் ரத்தத்தில் கலந்து கால்களில் உள்ள பெமோரல் நரம்புகளை நீச்சலின் போது வேகமாக இயக்க உதவும். சாதாரண காற்றை சுவாசிப்பது போன்ற உணர்வு தான் ஏற்படும்.

தகவல் சுரங்கம்

குறைந்து வரும் சிந்தி மொழி

சிந்து நதிக்கு அப்பால் உள்ள மக்கள், சிந்து மக்கள் என அழைக்கப்பட்டனர். அவர்கள் பேசிய மொழி சிந்தி எனப்பட்டது. சுதந்திரத்தின் போது, இந்தியாவின் நிறைய சிந்திப் பகுதிகள், பாகிஸ்தான் வசம் போய் விட்டன. சிந்தி மொழி பேசுபவர்களின் எண்ணிக்கையும் இந்தியாவில் குறைந்து வருகிறது. சிந்தி மொழியைத் தாய் மொழியாகக் கொண்டவர்களின் "சர்நேம்' எனப்படும் குடும்பப் பெயர் பெரும்பாலும் "னி' என முடியும். அத்வானி, மோதியானி, ஜெத்மலானி போன்றோர் சிந்திப் பகுதியைச் சார்ந்தவர்கள் ஆவர். சிந்தி மொழி பேசுபவர்களின் எண்ணிக்கை இந்தியாவில் வெறும் 30 லட்சம் பேர் மட்டுமே உள்ளனர். சுதந்திரத்திற்குப் பிந்தைய 60 ஆண்டு களில் சிந்தி மொழியில் வெறும் 12 படங்கள் மட்டுமே வெளிவந்துள்ளன. குஜராத்தில் ஆமதாபாத்தில் மட்டும் தான், சிந்தி மொழி பேசுபவர்களுக்கென தனிப்பகுதி உள்ளது. சிந்தி மொழியில் செய்தித் தாளும் வெளியிடப்படுகிறது. பயன்படுத்தப்படாத மொழி, அறியாத மொழியாக மறைந்து விடும் என்பதற்கு சிந்தி மொழி எடுத்துக்காட்டாக உள்ளது

அறியாததை அறிந்து கொண்டேன் நன்றி ...