இங்கிலாந்துக்கு அதிர்ச்சி அளித்தது வங்கதேசம்

உலகக் கோப்பை
கிரிக்கெட் போட்டியில், வெள்ளிக்கிழமை நடைபெற்ற ஆட்டத்தில் வங்கதேசம் 2
விக்கெட் வித்தியாசத்தில் இங்கிலாந்தை வென்றது. சிட்டகாங்கில் நடைபெற்ற
இந்த ஆட்டத்தில் முதலில் ஆடிய இங்கிலாந்து 225 ரன்களில் ஆட்டமிழந்தது.தொடர்ந்து
விளையாடிய வங்கதேசம் 49 ஓவர்களில் 8 விக்கெட் இழப்புக்கு 227 ரன்கள்
எடுத்து வென்றது. இந்த ஆட்டத்தில் டாஸ் வென்ற வங்கதேசம் முதலில்
பீல்டிங்கைத் தேர்ந்தெடுத்தது.இங்கிலாந்தின் கேப்டன் ஸ்டிராஸ்,
பிரையர் ஆகியோர் தொடக்க வீரர்களாகக் களம் இறங்கினர். நிதானமாக ஆட்டத்தைத்
தொடங்கிய போதிலும் இங்கிலாந்து வீரர்களால் நிலைத்து நின்று ஆட முடியவில்லை.
பிரையர் 15 ரன்கள், ஸ்டிராஸ் 18 ரன்கள், பெல் 5 ரன்கள் என விக்கெட்டைப்
பறிகொடுத்தனர். இதனால் 53 ரன்கள் எடுப்பதற்குள் இங்கிலாந்து 3
விக்கெட்டுகளை இழந்துவிட்டது.அடுத்து ஜோடி சேர்ந்த டிராட், மோர்கன்
ஆகியோர் ஒரளவுக்கு தாக்குப் பிடித்து விளையாடி அணியின் ஸ்கோரை உயர்த்தினர்.
அணியின் ஸ்கோர் 162 ஆக உயர்ந்த போது இந்த ஜோடி பிரிந்தது. 63 ரன்கள்
எடுத்திருந்த நிலையில் மோர்கன் ஆட்டமிழந்தார். அடுத்து போபரா களம்
இறங்கினார். சிறிது நேரத்திலேயே டிராட்டும் விக்கெட்டைப் பறி கொடுத்தார்.
அவர் 67 ரன்கள் எடுத்தார். இதனையடுத்து வந்த இங்கிலாந்து வீரர்கள் எவரும்
நிலைத்து நின்று ஆடவில்லை. இதனால் இங்கிலாந்து 49.4 ஓவர்களில் 225
ரன்களுக்கு அனைத்து விக்கெட்டுகளையும் இழந்தது. ஆன்டர்சன் 2 ரன்களுடன்
களத்தில் இருந்தார்.சிறப்பான தொடக்கம்: 226 ரன்கள் எடுத்தால் வெற்றி
என்ற இலக்குடன் வங்கதேசம் களம் இறங்கியது. தமிம் இக்பால், இம்ருல் கயெஸ்
ஆகியோர் தொடக்கத்தில் இருந்தே அடித்து ஆடி ரன் சேர்த்தனர். இதனால்
பந்துக்கு இணையாக ரன் அதிகரித்தது. 8.4 ஓவர்களில் அணியின் ஸ்கோர் 52 ரன்களை
எட்டியபோது, சிறப்பாக ஆடி வந்த இக்பால் ஆட்டமிழந்தார். அடுத்து வந்த
சித்திக் 12 ரன்களே எடுத்தார். தொடர்ந்து ரகிபுல் ஹசன் ரன் ஏதுமின்றி
வெளியேறினார். ஆனால் மறுமுனையில் நிதானமாக ஆடிய கயெஸ் அரை சதம் கடந்தார்.
60 ரன்கள் எடுத்திருந்தபோது துரதிருஷ்டவசமாக அவர் ரன் அவுட் ஆனார். அடுத்து
வந்த வீரர்களில் கேப்டன் ஷகிப் அல் ஹசன் 32 ரன்கள் எடுத்தார்.கடைசி
கட்டத்தில் மஹ்மதுல்லா, ஷபியுல் இஸ்லாம் ஆகியோர் 9-வது விக்கெட்டுக்கு
சிறப்பாக விளையாடி வெற்றி தேடித் தந்தனர்.
ஸ்கோர் போர்டு
இங்கிலாந்து
ஸ்டிராஸ்
(சி) ஜுனைத் (பி) நயீம் இஸ்லாம் 18 (31)பிரையர் (ஸ்ட) ரஹீம் (பி)
அப்துர் ரசாக் 15 (20)டிராட் (சி) ஜுனைத் (பி) ஷகிப் 67 (99)பெல்
(சி) நயீம் இஸ்லாம் (பி) மஹ்மதுல்லா 5 (23)மோர்கன் (சி) இம்ருல்
கயெஸ் (பி) நயீம் இஸ்லாம் 63 (72)போபரா (சி) நயீம் இஸ்லாம் (பி)
அப்துர் ரசாக் 16 (22)ஸ்வான் (சி) & (பி) ஷகிப் அல் ஹசன் 12 (8)காலிங்வுட்
ரன் அவுட் 14 (13)பிரெஸ்னென் (சி) ஷபியுல் இஸ்லாம் (பி) ரூபேல்
ஹுசைன் 2 (2)ஷாசத் (பி) ஷபியுல் இஸ்லாம் 1 (3)ஆன்டர்சன் நாட்
அவுட் 2 (5)உதிரி 10மொத்தம் (49.4 ஓவர்களில் அனைத்து
விக்கெட் இழப்புக்கு) 225 விக்கெட் வீழ்ச்சி: 1-32 (பிரையர்), 2-39
(ஸ்டிராஸ்), 3-53 (பெல்),4-162 (மோர்கன்), 5-182 (டிராட்), 6-195
(போபரா), 7-209 (ஸ்வான்), 8-215 (பிரெஸ்னென்), 9-217 (ஷாசத்), 10-225
(காலிங்வுட்).
பந்துவீச்சு:
ஷபியுல்
இஸ்லாம் 8-0-43-1 ரூபேல் ஹுசைன் 8.4-0-40-1நயீம் இஸ்லாம் 8-0-29-2
அப்துர் ரசாக் 10-2-32-2மஹ்மதுல்லா 5-0-30-1 ஷகிப் அல் ஹசன்
10-0-49-2
வங்கதேசம்
தமிம் இக்பால் (பி)
பிரெஸ்னென் 38 (26)இம்ருல் கயெஸ் ரன் அவுட் 60 (100)ஜுனைத்
சித்திக் ரன் அவுட் 12 (12)ரகிபுல் ஹசன் (பி) ஷாசத் 0 (2)ஷகிப்
அல் ஹசன் (பி) ஸ்வான் 32 (58)முஷ்பிகுர் ரஹீம் (சி) பிரையர் (பி)
ஷாசத் 6 (20)மஹ்மதுல்லா நாட் அவுட் 21 (42)நயீம் இஸ்லாம்
(பி) ஷாசத் 0 (5)அப்துர் ரசாக் (சி) பிரெஸ்னென் (பி) ஸ்வான் 1 (5)ஷபியுல்
இஸ்லாம் நாட் அவுட் 24 (24)உதிரி 33மொத்தம் (49 ஓவர்களில் 8
விக்கெட் இழப்புக்கு) 227விக்கெட் வீழ்ச்சி: 1-52 (தமிம் இக்பால்),
2-70 (ஜுனைத்), 3-73 (ரகிபுல்), 4-155 (இம்ருல் கயெஸ்), 5-162
(ஷகிப்),6-166 (ரஹீம்), 7-166 (நயீம் இஸ்லாம்), 8-169 (அப்துர்
ரசாக்).பந்துவீச்சு: ஆன்டர்சன் 9-0-54-0. ஷாசத் 10-0-43-3,பிரெஸ்னென்
10-1-35-1 ஸ்வான் 10-1-42-2,போபரா 3-0-19-0, காலிங்வுட் 7-0-24-0

பரபரப்பான ஆட்டத்தில் வங்காளதேசம் வெற்றி


சிட்டகாங், மார்ச்.12- உலக கோப்பை கிரிக்கெட்டில் இங்கிலாந்துக்கு எதிரான பரபரப்பான ஆட்டத்தில் வங்காளதேச அணி 2 விக்கெட்டுகள் வித்தியாசத்தில் வெற்றி பெற்றது.

இங்கிலாந்து தடுமாற்றம்

உலக கோப்பை கிரிக்கெட்டில் நேற்று `பி' பிரிவில் நடந்த மற்றொரு ஆட்டத்தில் இங்கிலாந்து-வங்காளதேச அணிகள் சந்தித்தன. டாஸ் ஜெயித்த வங்காளதேச கேப்டன் ஷகிப் அல்-ஹசன் முதலில் இங்கிலாந்தை பேட் செய்ய பணித்தார். முதலில் பேட் செய்யும் அணிக்கு ஆடுகளம் மிகவும் சாதகமாக இருக்கும் என்று பிட்ச் நிபுணர்கள் கணித்து சொல்லியிருந்தாலும் அல்-ஹசன் தைரியமாக இந்த முடிவை எடுத்தார்.

இதன்படி பேட்டிங்கை தொடங்கிய இங்கிலாந்துக்கு தொடக்கம் குறிப்பிடும்படி அமையவில்லை மேத்பிரையர் 15 ரன்களிலும், கேப்டன் ஸ்டிராஸ் 18 ரன்களிலும், இயான் பெல் 5 ரன்களிலும் வெளியேறினர். 53 ரன்னுக்குள் 3 பேர் (16.4 ஓவர்) ஆட்டம் இழந்த நிலையில், அணியின் மோசமான சரிவை இயான் மோர்கனும், ஜோனதன் டிராட்டும் தடுத்து நிறுத்தினர்.

காயமடைந்த கெவின் பீட்டர்சனுக்கு பதிலாக வாய்ப்பு பெற்ற மோர்கன், வங்காளதேச பந்து வீச்சை திறம்பட சமாளித்தார். இவர்கள் 4-வது விக்கெட்டுக்கு 109 ரன்கள் சேர்த்தது சிறப்பம்சமாகும். மோர்கன் 63 ரன்களிலும் (72 பந்து, 8 பவுண்டரி), டிராட் 67 ரன்களிலும் (99 பந்து, 2 பவுண்டரி) கேட்ச் ஆனார்கள்.

225 ரன்னில் ஆல்-அவுட்

இதன் பின்னர் இங்கிலாந்து கடைசி கட்டத்தில் மீண்டும் வீழ்ச்சிக்குள்ளானது. வங்காளதேசத்தின் அபாரமான சுழற்பந்து வீச்சு அவர்களை வெகுவாக கட்டுப்படுத்தியது. முடிவில் இங்கிலாந்து அணி 49.4 ஓவர்களில் 225 ரன்களில் ஆல்-அவுட் ஆனது. இதன்பின்னர் 226 ரன்கள் இலக்கை நோக்கி வங்காளதேச அணி ஆடியது.

அடுத்து இலக்கை துரத்திய வங்காளதேசத்திற்கு தமிம் இக்பால் (38 ரன், 26 பந்து, 5 பவுண்டரி) அதிரடியான தொடக்கம் தந்தார். இருப்பினும் அடுத்தடுத்து 3 விக்கெட்டுகள் விழுந்ததால் ஏற்பட்ட தலைவலியை இம்ருல் கேயசும், கேப்டன் ஷகிப் அல்-ஹசனும் சரிப்படுத்தினர். இவர்கள் அணியை வெற்றியை நோக்கி பயணிக்க வைத்தனர். ஸ்கோர் 155 ரன்களை எட்டிய போது, இம்ருல் கேயஸ் (60 ரன்) எதிர்பாராத ரன்-அவுட் ஆக, ஆட்டத்தின் போக்கு திடீரென மாறியது. ஷகிப் அல்-ஹசனும் (32 ரன்) வெளியேற வங்காளதேசம் 169 ரன்களை தொடுவதற்குள் 8 விக்கெட்டுளை பறிகொடுத்தது. அப்போது அந்த அணியின் வெற்றிக்கு 57 ரன்கள் தேவைப்பட்டதால் இங்கிலாந்தின் கை ஓங்கியது.

வங்காளதேசம் திரில் வெற்றி

ஆனால் வங்காளதேச பேட்ஸ்மேன்கள் மனம் தளரவில்லை. உள்ளூர் ரசிகர்களின் உணர்வுபூர்வமான ஆதரவுடன் மக்முதுல்லாவும், ஷபியுல் இஸ்லாமும் போராடினார்கள். கடைசி நேரத்தில் அவர்களுக்கு `பவர்-பிளே' கைகொடுத்தது. பவர்-பிளேவுக்கு முன்பாக அவர்களுக்கு 33 ரன்கள் தேவைப்பட்டது. ஆனால் பவர்-பிளேயில் (46-50 ஓவர்) பவுண்டரிகளை அடித்து நெருக்கடியை தணித்தனர். கடைசி 12 பந்துகளில் 5 ரன்கள் தேவைப்பட்ட போது, 49-வது ஓவரிலேயே பரபரப்புக்கு வங்காளதேச வீரர்கள் முற்றுப்புள்ளி வைத்தனர்.

வங்காளதேச அணி 49 ஓவர்களில் 8 விக்கெட்டுக்கு 227 ரன்கள் எடுத்து 2 விக்கெட்டுகள் வித்தியாசத்தில் திரிலிங்கான வெற்றியை சுவைத்தது. மக்முதுல்லா 21 ரன்களுடனும் (42 பந்து, 2 பவுண்டரி), ஷபியுல் இஸ்லாம் 24 ரன்களுடனும் (24 பந்து, 4 பவுண்டரி, ஒரு சிக்சர்) களத்தில் இருந்தனர். இங்கிலாந்து 23 வைடு உள்பட 33 ரன்களை எக்ஸ்டிரா வகையில் வழங்கியதும் தோல்விக்கு ஒரு காரணமாக அமைந்தது.

இங்கிலாந்துக்கு நெருக்கடி

4-வது ஆட்டத்தில் ஆடிய வங்காளதேச அணிக்கு 2-வது வெற்றியாகும். ஏற்கனவே அயர்லாந்தையும் வென்றிருந்தது. இந்த வெற்றியின் மூலம் வங்காளதேச அணி தனது கால்இறுதி வாய்ப்பை தக்க வைத்துக் கொண்டுள்ளது. அந்த அணிக்கு இன்னும் 2 லீக் ஆட்டங்கள் (நெதர்லாந்து மற்றும் தென்ஆப்பிரிக்கா) எஞ்சியுள்ளன.

5-வது ஆட்டத்தில் ஆடிய இங்கிலாந்துக்கு இது 2-வது தோல்வியாகும். ஏற்கனவே சிறிய அணியாக கருதப்பட்ட அயர்லாந்திடமும் 327 ரன்கள் குவித்தும் தோற்று இருந்தது. இந்தியாவுக்கு எதிரான ஆட்டம் டையில் முடிந்திருந்தது. வங்காளதேசத்திடம் அடைந்த தோல்வியின் மூலம் இங்கிலாந்து கால்இறுதிக்கு நுழைவதில் பெரும் சிக்கல் ஏற்பட்டிருக்கிறது. தனது கடைசி லீக்கில் வெஸ்ட் இண்டீசை தோற்கடித்தால் மட்டுமே கால்இறுதியை பற்றி நினைத்து பார்க்க முடியும்.

ஸ்கோர் போர்டு

இங்கிலாந்து

ஸ்டிராஸ்(சி) சித்திக் (பி) நயீம் இஸ்லாம் 18
பிரையர் (ஸ்டம்பிங்) முஷ்பிகிர் (பி) அப்துர்ரசாக் 15
டிராட் (சி) சித்திக் (பி) அல்-ஹசன் 67
இயான் பெல்(சி) நயீம் இஸ்லாம் (பி) மக்முதுல்லா 5
மோர்கன் (சி) கேயஸ் (பி) நயீம் இஸ்லாம் 63
போபரா(சி) நயீம் இஸ்லாம் (பி) அப்துர் ரசாக் 16
ஸ்வான் (சி) அண்ட் (பி) அல்-ஹசன் 12
காலிங்வுட் (ரன்-அவுட்) 14
பிரிஸ்னன் (சி) ஷபியுல் இஸ்லாம் (பி) ஹூசைன் 2
ஷாஸாத் (பி) ஷபியுல் இஸ்லாம் 1
ஆண்டர்சன் (நாட்-அவுட்) 2
எக்ஸ்டிரா 10

மொத்தம் (49.4 ஓவர்களில் ஆல்-அவுட்) 225

விக்கெட் வீழ்ச்சி: 1-32, 2-39, 3-53, 4-162, 5-182, 6-195, 7-209, 8-215, 9-217

பந்து வீச்சு விவரம்

ஷபியுல் இஸ்லாம் 8-0-43-1
ருபெல் ஹூசைன் 8.4-0-40-1
நயீம் இஸ்லாம் 8-0-29-2
அப்துர் ரசாக் 10-2-32-2
மக்முதுல்லா 5-0-30-1
ஷகிப் அல்-ஹசன் 10-0-49-2

வங்காளதேசம்

தமிம் இக்பால் (பி) பிரிஸ்னன் 38
இம்ருல் கேயஸ் (ரன்-அவுட்) 60
ஜுனைட் சித்திக் (ரன்-அவுட்) 12
ரகிபுல் ஹசன் (பி) ஷாஸாத் 0
ஷகிப் அல்-ஹசன் (பி) ஸ்வான் 32
முஷ்பிகிர் ரகிம் (சி) பிரையர் (பி) ஷாஸாத் 6
மக்முதுல்லா (நாட்-அவுட்) 21
நயீம் இஸ்லாம் (பி) ஷாஸாத் 0
அப்துர் ரசாக் (சி) பிரிஸ்னன் (பி) ஸ்வான் 1
ஷபியுல் இஸ்லாம் (நாட்-அவுட்) 24
எக்ஸ்டிரா 33

மொத்தம் (49 ஓவர்களில் 8 விக்கெட்டுக்கு) 227

விக்கெட் வீழ்ச்சி: 1-52, 2-70, 3-73, 4-155, 5-162, 6-166, 7-166, 8-169

பந்து வீச்சு விவரம்

ஆண்டர்சன் 9-0-54-0
ஷாஸாத் 10-0-43-3
பிரிஸ்னன் 10-1-35-1
ஸ்வான் 10-1-42-2
போபரா 3-0-19-0
காலிங்வுட் 7-0-24-0

இதுக்கு முதல் காரணம் அவர்கள் நாட்டு ரசிகர்கள்,அவர்கள் கொடுத்த ஆதரவு நேற்று அபரிமிதமானாதாக இருந்தது