அபலை பெண்களுக்கு உதவ நைட் கிளப்பில் நிதிதிரட்டும் ஜெனிலியா

by md.thamim Wed Mar 09, 2011 2:20 am

"சச்சின்" படத்தின் மூலம் தமிழில் அறிமுகமானவர் நடிகை ஜெனிலியா. தனது
முத்துபல் சிரிப்பால் தமிழ், தெலுங்கு, இந்தி என மூன்று மொழியிலும் கலக்கி
வரும் ஜெனிலியா தற்போது விஜய்யுடன் "வேலாயுதம்" படத்தில் நடித்து
வருகிறார். இந்நிலையில் நைட் கிளப் பார்ட்டிகளில் பங்கேற்று அபலை
பெண்களுக்காக நிதிதிரட்டி வருகிறார் ஜெனிலியா.

இதுகுறித்து அவரிடம் கேட்டால், பொதுவாக நைட் பார்ட்டிகளில் பங்கேற்பது
எனக்கு மிகவும் பிடித்தமான விஷயம். அதேசமயம் தனியார் அமைப்பு ஒன்று
ஆதரவற்ற அபலை பெண்களுக்கு உதவுவதற்காக ‌நைட் கிளப் பார்ட்டி ஒன்றை ஏற்பாடு
செய்துள்ளது. அதில் நானும் கலந்து கொள்கிறேன். இதுபோன்ற சமூக சேவைகளில்
ஈடுபடுவது எனக்கு மிகவும் பிடிக்கும். இன்றைய காலகட்டத்தில் பெண்கள்
எதையும் எதிர்த்து போராடும் தைரியத்தை வரவழைத்து கொள்ள வேண்டும்.
அதுமட்டுமின்றி பெண்களுக்கு கல்வி மிக முக்கியமானது. ஒரு பெண்ணிற்கு கல்வி
கொடுப்பதன் மூலம் அந்த குடும்பமே சிறக்கும் என்று அறிவுறுத்துகிறார்
ஜெனிலியா.

நன்றி
தமிழ் குறிஞ்சி