முலாயம்சிங்கிற்கு வீட்டுக்காவல்: 15 ஆயிரம் பேர் கைது

முலாயம்சிங்கிற்கு வீட்டுக்காவல்: 15 ஆயிரம் பேர் கைது ;மாயாவதி ஆபீசுக்குசீல் வைத்த சமாஜ்வாடிதொண்டர்கள்

லக்னோ: உத்திர பிரதேச மாநிலத்தில் முதல்வர் மாயாவதிக்கு எதிராக முலாயம்சிங் அறிவித்த போராட்டத்தை அடுத்து அவர் வீட்டுக்காவலில் வைக்கப்பட்டார். சபாநாயகருக்கு கடிதம் அனுப்பிய பின்னர் அவர் விடுவிக்கப்பட்டதாக கூறப்படுகிறது.

மாநிலத்தில் சட்ட ஒழுங்கு பிரச்னை, விலைவாசி உயர்வு, மாயாவதியின் போக்கு உள்ளிட்ட விஷயங்களை வலியுறுத்தி பிரதான எதிர்கட்சியான சமாஜ்வாடி கட்சியினர் இன்று முதல் 3 நாள் தொடர் ஆர்ப்பாட்டம், மற்றும் பேரணி, மறியல் என போராட்டங்களை அறிவித்துள்ளனர்.

வலுவிழக்க செய்யும் மாயாவதி அரசின் நோக்கம் : இதனையடுத்து மாநிலம் முழுவதும் முன்னெச்சரிக்கை நடவடிக்கையாக ஆயிரக்கணக்கானவர்களை போலீசார் கைது செய்து வருகின்றனர்.இந்நிலையில் இன்று காலை விக்கிரமாதித்தியா மார்க் பகுதியில் உள்ள முலாயம்சிங் வீட்டை சுற்றிலும் போலீசார் நூற்றுக்கணக்கானோர் குவிக்கப்பட்டனர். இதனால் முலாயம் சிங் வெளியேற முடியாத நிலை ஏற்பட்டது. இது போன்று வீட்டுக்காவலில் வைத்து போராட்டத்தை வலுவிழக்க செய்யும் மாயாவதி அரசின் நோக்கம் என முலாயம் குற்றம் சாட்டினார்.

லோக்சபா சபாநாயகருக்கு கடிதம்: இது குறித்து, இன்றைய லோக்சபா கூட்டத்தில் பங்கேற்க முடியாத அளவிற்கு நான் வீட்டுக்காவலில் வைக்கப்பட்டுள்ளேன் ,இதனால் மாநில அரசு மீது உரிய நடவடிக்கை எடுக்க வேண்டும் என கடிதம் அனுப்பினார்.

இது குறித்து மாவட்ட மாஜிஸ்திரேட் கூறுகையில்; முலாயம்சிங் வீட்டுக்காவலில் வைக்கப்படவில்லை. பல இடங்களில் போராட்டம் நடந்து வருகிறது. ஆயிரக்கணக்கானோர் கைது செய்யப்பட்டுள்ளனர் என்றார்.

சில மணி நேரம் வீட்டுக்காவலில் வைக்கப்பட்டு பின்னர் அனுமதிக்கப்பட்டதாக முலாயம் கட்சி வட்டாரம் தெரிவிக்கிறது.

முக்கிய வீதிகளில் நூற்றுக்கணக்கான போலீசார் பாதுகாப்பு பணியில் ஈடுபட்டுள்ளனர். மாயாவதியின் அலுவலகத்தை சமாஜ்வாடி கட்சி தொண்டர்கள் பூட்டி சீல் வைத்தனர். ஆனால் இப்படி ஒரு சம்பவம் நடக்கவில்லை என மாஜிஸ்திரேட் மறுத்துள்ளார்.

அருகில் இருக்கும் டெல்லியில் இருந்து கொண்டு கவனிக்கும் முறையில் என் கருத்து என்னவென்றால் :

1. தமிழகத்துக்கு எப்படி ஒரு ஜெயலலிதாவோ அப்படி உ பி க்கு மாயாவதி.
அதே போல் தமிழகத்துக்கு எப்படி ஒரு கருணாநிதியோஒ அப்படி உபிக்கு முலாயம்.

2. சட்டம் ஒழுங்கின்மை குண்டாயிசம் அதிரடி வசூல் ஜாதீய பிரச்சினைகள் கட்டைப்பஞ்சாயத்து கலெக்டர் முதல் கலாசி வரையிலான லஞ்ச வெறியாட்டம் போலீசின் கற்பழிப்புகள் கவர்ச்சியான பேச்சுக்களும் கயமைத்தனமான செயல்களும் என்று எல்லாவிதத்திலும் மாயாஉம் முலாயமும் ஒன்றே.

கலை wrote:அருகில் இருக்கும் டெல்லியில் இருந்து கொண்டு கவனிக்கும் முறையில் என் கருத்து என்னவென்றால் :

1. தமிழகத்துக்கு எப்படி ஒரு ஜெயலலிதாவோ அப்படி உ பி க்கு மாயாவதி.
அதே போல் தமிழகத்துக்கு எப்படி ஒரு கருணாநிதியோஒ அப்படி உபிக்கு முலாயம்.

2. சட்டம் ஒழுங்கின்மை குண்டாயிசம் அதிரடி வசூல் ஜாதீய பிரச்சினைகள் கட்டைப்பஞ்சாயத்து கலெக்டர் முதல் கலாசி வரையிலான லஞ்ச வெறியாட்டம் போலீசின் கற்பழிப்புகள் கவர்ச்சியான பேச்சுக்களும் கயமைத்தனமான செயல்களும் என்று எல்லாவிதத்திலும் மாயாஉம் முலாயமும் ஒன்றே.

சூப்பரா சொன்னீங்க அண்ணா ,,,,,,,,,,

முலாயமுக்கும் மாயாவதிக்கும் டைம்பாஸ் இதான் போல... வேர வேலையே இல்லையா இவங்களுக்கு... இதே வேலையா போச்சே...
செய்தி பகிர்வுக்கு அன்பு நன்றிகள் சிவா...
கலையின் கூற்று முழுக்க முழுக்க உண்மை.... பாவம் மக்கள்...