உன்னையும் நீ தேடு....

ஹாசிம் · ஹாசிம் Sun Mar 06, 2011 11:19 am

மனங்களில்லாத மனிதமெதற்கு
மனிதங்களில்லாத வாழ்வெதற்கு
வாழ்கையில்லாத தேடலெதற்கு
தேடலில்லாத ஜீவனெதற்கு

மனதில் வேதனையுடன்
பணந்தான் வாழ்க்கையென்று
பணம் மட்டும் தேடியலைந்து
ஈற்றில் பணத்துடன் மடிந்திடுவதா ?

உன்னை உருக்குலைத்து
உருவாக்கிய உடமைகளும்
உன் குதூகலம் மறந்து
தேடிவைத்த உரிமங்களும்
உனைப்பார்த்துக் கேலிசெய்யுமே..

“உனைத்தொலைத்து எதைத்தேடுகிறாய்
நாளை அத்தனையும் எதிராளியாகுமே”
இன்றைய பயணத்தின் ..
தேடலோடுன்னையும் தேடிடு....

தேகங்கள் மரத்துப்போகிறது
தேடலுக்காக ஒத்துப்போகிறது
உன் காதுகளுக்கு மட்டும்
ஏன் இன்னும் கேட்கவில்லை..

**சிவா** · **சிவா** Sun Mar 06, 2011 11:31 am

இதுதான் இன்றைய இளைஞர்களின் வாழ்க்கையாகிவிட்டது ஹாசிம்!

///உன்னை உருக்குலைத்து
உருவாக்கிய உடமைகளும்
உன் குதூகலம் மறந்து
தேடிவைத்த உரிமங்களும்
உனைப்பார்த்துக் கேலிசெய்யுமே..///

இல்லையென்றால் சொந்தங்களைனைத்தும் கேலி செய்கிறதே?

///தேகங்கள் மரத்துப்போகிறது
தேடலுக்காக ஒத்துப்போகிறது ///

மரத்துப்போன மனதுடன் வாழும் நடைபிணங்களாக நம் இளைஞர்கள்!

ரபீக் · ரபீக் Sun Mar 06, 2011 11:32 am

மனித நேயக்கவி படைத்த நண்பருக்கு நன்றி

**ரிபாஸ்** · **ரிபாஸ்** Sun Mar 06, 2011 11:36 am

ஹாசிம் · ஹாசிம் Sun Mar 06, 2011 12:06 pm

சிவா wrote:இதுதான் இன்றைய இளைஞர்களின் வாழ்க்கையாகிவிட்டது ஹாசிம்!

///உன்னை உருக்குலைத்து
உருவாக்கிய உடமைகளும்
உன் குதூகலம் மறந்து
தேடிவைத்த உரிமங்களும்
உனைப்பார்த்துக் கேலிசெய்யுமே..///

இல்லையென்றால் சொந்தங்களைனைத்தும் கேலி செய்கிறதே?

///தேகங்கள் மரத்துப்போகிறது
தேடலுக்காக ஒத்துப்போகிறது ///

மரத்துப்போன மனதுடன் வாழும் நடைபிணங்களாக நம் இளைஞர்கள்!

கண்டிப்பாக அண்ணா எமது நிலமையும் கூட வாழ்ந்தோம் வெளிநாடுகளில் அடைந்தோம் எதனை என்ற கேள்விகளோடு மட்டுமே காலம் தற்போது கழிகிறது

பாசங்களற்ற பணத்தினை மட்டும் அனுப்பித்தரும் போது குழந்தைக்கென்ன புரியும்
தந்தைமுகம் கணணியில்பார்த்து என்ன உணர்வினை அதுகொள்ளும்
இவைகளாலேயே வேதனை நிறந்த நாட்களாகிறது......

**இளமாறன்** · **இளமாறன்** Mon Mar 07, 2011 12:00 am

அழகான இயல்பான உண்மையா அழகா சொல்லீருக்கீங்க ... எங்கே போறேனு தெரியல ஆனா ஓடிக்கிடு இருக்கேனு மட்டும் தெரியுது உன்னையும் நீ தேடு.... 677196

ஹாசிம் · ஹாசிம் Mon Mar 07, 2011 2:43 pm

இளமாறன் wrote: அழகான இயல்பான உண்மையா அழகா சொல்லீருக்கீங்க ... எங்கே போறேனு தெரியல ஆனா ஓடிக்கிடு இருக்கேனு மட்டும் தெரியுது

மிக்க நன்றி தோழரே....

மஞ்சுபாஷிணி · மஞ்சுபாஷிணி Mon Mar 07, 2011 3:06 pm

மிக அருமையான தாக்கமுள்ள கவிதை வரிகள் ஹாசிம்...
பணம் ஒன்றே குறிக்கோளாகக்கொண்டு சம்பாதிக்க வெளியூர் வந்து அங்காவது நிம்மதியாக இருந்தோமா என்றால் இல்லை.. நிம்மதியாக வாழவிடாத சண்டைகள் பொறாமைகள் எங்கு போனாலும் நிம்மதி மட்டுமில்லாது உயிருக்கும் உத்தரவாதமில்லாத நிலையில் மனிதம் செய்த மனிதர்களுக்கு இடையே வேலை செய்துக்கொண்டு குடும்பத்தை பிரிந்து தத்தளித்து எல்லாமே பணத்துக்காக தானே சோகம்

இளமை தொலைத்து இனிய குடும்பத்தை பிரிந்து பணம் ஈட்டினால் எல்லாம் அடைந்துவிடவில்லை என்றாலும் ஏதோ நினைத்த வாழ்க்கையாவது அமையுமா என்ற கேள்விக்குறி இப்போது உயிரோடாவது நம் சொந்த ஊர் போய் சேர்வோமா என்ற பயத்துடன் தவிக்கும் நிலையுடன் முடிகிறது நம் வாழ்வு....

இப்படி எல்லாம் கஷ்டப்பட தான் வேணுமான்னு மனசும் கேட்கிறது என்ன செய்வது காலத்தின் கட்டாயம்... மிக மிக அருமையான வரிகளில் தம்பி ஹாசிமின் ஒவ்வொரு கவிதைக்குள்ளும் ஒரு மெசெஜ் ஒளிந்திருக்கும் எல்லோருக்கும் சொல்லும் நல் கருத்தொன்று சொல்ல விழையும் அழகிய தாக்கமுள்ள கவிதை தந்தமைக்கு அன்பு நன்றிகள் ஹாசிம்.... உன்னையும் நீ தேடு.... 154550

இந்த பதிவைத் துவங்கியவர் நன்றி கூறியுள்ளார் மஞ்சுபாஷிணி

செய்தாலி · செய்தாலி Mon Mar 07, 2011 6:42 pm

வாழ்கையின் சில கேள்விகளை சுமந்த வரிகள்
அருமை நண்பரே

கலைவேந்தன் · கலைவேந்தன் Mon Mar 07, 2011 10:01 pm

உன்னை உருக்குலைத்து
உருவாக்கிய உடமைகளும்
உன் குதூகலம் மறந்து
தேடிவைத்த உரிமங்களும்
உனைப்பார்த்துக் கேலிசெய்யுமே..

இந்த நிசத்தியம் உணராத மானுடன் இல்லை என்றே சொல்லலாம்.. ஆயினும் எதற்காக இத்தனை ஆலாய்ப்பறந்து செல்வம் தேடுகிறான்..?

இயல்பாகவே மனிதனுக்கு இருக்கும் தேடலின் சுகம் மட்டுமே அவனைத் தேடச்செய்கிறது.. தேடியபின் தேடியது தேடுகைக்கு தக்க தகுதிபெற்றதல்ல என்னும் சுயம் அறிய நேர்கையில் வாடிவதங்கிப் போகிறான்..

அப்போது தான் இறையின் தேட அவனுக்கு பிரதானமாய்ப் படுகிறது..

இதற்கு விலக்கான ஞானிகளும் உண்டு.

மிக அருமையான கவிதையை வழங்கிய அன்புச்சோதரனுக்கு எனது மனமுவந்த பாராட்டுகக்ள்..

Sponsored content · Sponsored content

உன்னையும் நீ தேடு....

உன்னையும் நீ தேடு....

Re: உன்னையும் நீ தேடு....

Re: உன்னையும் நீ தேடு....

Re: உன்னையும் நீ தேடு....

Re: உன்னையும் நீ தேடு....

Re: உன்னையும் நீ தேடு....

Re: உன்னையும் நீ தேடு....

Re: உன்னையும் நீ தேடு....

Re: உன்னையும் நீ தேடு....

Re: உன்னையும் நீ தேடு....

Re: உன்னையும் நீ தேடு....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக