திருமணத்திற்கு மறுத்த பிளஸ்-1 மாணவி கிணற்றில் தள்ளி கொலை

**சிவா** · **சிவா** Mon Mar 07, 2011 11:19 am

குடியாத்தம் அருகே பயங்கரம்: திருமணத்திற்கு மறுத்த பிளஸ்-1 மாணவி கிணற்றில் தள்ளி கொலை
கட்டிட தொழிலாளிக்கு வலைவீச்சு

குடியாத்தம் அருகே திருமணத்திற்கு மறுத்த பிளஸ்-1 மாணவி கிணற்றில் தள்ளி கொலை செய்யப்பட்டாள். அவள் கற்பழிக்கப்பட்டாளா? என்பது குறித்து போலீசார் தீவிர விசாரணை நடத்தி வருகிறார்கள்.

பெண் கொடுக்க மறுப்பு

வேலூர் மாவட்டம், குடியாத்தம் அடுத்த அக்ராவரம் ஏரிப்பட்டரை கிராமத்தை சேர்ந்தவர் முரளி. இவரது மனைவி அமுதா. இருவரும் பீடி தொழிலாளர்கள். இவர்களுக்கு 3 மகள்களும், ஒருமகனும் உள்ளனர். இவர்களில் மூத்த மகள் ரம்யா (வயது 16) குடியாத்தத்தில் உள்ள தனியார் பள்ளியில் பிளஸ்-1 வகுப்பு படித்து வந்தாள். மற்ற மகள்களான பிரியா (15) 10-வகுப்பும், மணீஷா (9) 4-வது வகுப்பும் படித்து வருகின்றனர். ஜீவா (10) என்ற ஒரே மகன் 5-ம் வகுப்பு படித்து வருகிறார்.

அதே கிராமத்தில் வசிக்கும் முரளியின் ஒன்றுவிட்ட சகோதரி பானு. அவரது கணவர் முருகேசன் இவர்களின் மகன் ராஜ்குமார் (22) கட்டிட மேஸ்திரி வேலை செய்கிறார். ராஜ்குமார் மாணவி ரம்யாவை திருமணம் செய்து கொள்ள விரும்பி பெற்றோருடன் சென்று முரளியிடம் பெண் கேட்டனர். அதற்கு முரளி தன் மகள் ரம்யா மேற்கொண்டு படிக்க உள்ளதால் திருமணம் செய்ய இப்போது முடியாது. மேலும் ராஜ்குமாரை மணக்க ரம்யாவிற்கு விருப்பம் இல்லை என கூறிவிட்டார்.

தொடர் வற்புறுத்தல்

அது முதல் ராஜ்குமார், ரம்யா தனியாக செல்லும்போது எல்லாம் பின்தொடர்ந்து சென்று திருமணம் செய்து கொள்ளுமாறு வற்புறுத்தி வந்தார். இதைத்தொடர்ந்து ரம்யாவின் பெற்றோர் ராஜ்குமாரை கண்டித்தனர். படிக்கும் மாணவியை தொல்லை செய்யாதே என கூறினர்.

இந்தநிலையில் நேற்று காலையில் 10 மணியளவில் ரம்யாவும், தங்கை பிரியாவும் நிலத்திற்கு சென்று வேலை பார்த்தனர். மின்சாரம் தடைபட்டதால் மோட்டாரை நிறுத்த ரம்யா சென்றாள். அப்போது அங்கு மறைந்திருந்த ராஜ்குமார், மாணவி ரம்யாவை பலாத்காரம் செய்ய முயற்சி செய்யவே ரம்யா தப்பிக்க முயற்சி செய்யும் போது ராஜ்குமார் ரம்யாவை தாக்கினார்.

கிணற்றில் தள்ளி கொலை

இதற்கிடையே மோட்டாரை நிறுத்தி விட்டு வருவதாக சென்ற அக்காள் ரம்யா வராததால் அங்கு பிரியா சென்று பார்த்தபோது பம்ப்செட் அறையில் ரம்யாவை வாலிபர் ராஜ்குமார் தாக்கி கொண்டிருப்பதை கண்டு அதிர்ச்சியடைந்தார். உடனடியாக பிரியா வீட்டிற்கு ஓடிச் சென்று பெற்றோர்களை அழைத்து வந்தபோது பம்ப்செட் அறையில் ரம்யாவின் உள்ளாடை மட்டும் இருந்தது. ரம்யாவை காணவில்லை. சுற்றும் தேடி பார்த்தபோது ரம்யா கிணற்றில் பிணமாக மிதந்து கொண்டு இருந்தாள்.

சம்பவம் குறித்து தகவல் அறிந்ததும் குடியாத்தம் தீ அணைப்பு துறையினர் சுமார் 1/2 மணிநேரம் போராடி சுமார் 60 அடி ஆழமுள்ள கிணற்றில் இருந்து ரம்யாவின் பிணத்தை மீட்டனர்.

கற்பழிக்கப்பட்டாளா?

இது தொடர்பாக தாலுகா போலீசார் ராஜ்குமார் மீது ரம்யாவை பலாத்காரம் செய்து கொலை செய்ததாக வழக்கு பதிவு செய்து தேடி வருகின்றனர். மேலும் அவள் கற்பழிக்கப்பட்டாளா? என்பது குறித்து விசாரணை நடத்தி வருகிறார்கள்.

உதயசுதா · உதயசுதா Mon Mar 07, 2011 11:40 am

அட பாவி,பிடிக்கலைன்னா விட வேண்டியதுதானே.இப்ப அந்த பெண்ணும் செத்து,இவனும் ஜெய்லுக்கு போய் திருமணத்திற்கு மறுத்த பிளஸ்-1 மாணவி கிணற்றில் தள்ளி கொலை 56667

பிரகாசம் · பிரகாசம் Mon Mar 07, 2011 11:49 am

உதயசுதா wrote:அட பாவி,பிடிக்கலைன்னா விட வேண்டியதுதானே.இப்ப அந்த பெண்ணும் செத்து,இவனும் ஜெய்லுக்கு போய்

காதல் ஒரு அறியாமை .. திருமணத்திற்கு மறுத்த பிளஸ்-1 மாணவி கிணற்றில் தள்ளி கொலை 67637

மஞ்சுபாஷிணி · மஞ்சுபாஷிணி Mon Mar 07, 2011 1:44 pm

என்ன கொடுமை இது சோகம்

காதலிச்சால் பொறுமையா படிப்பு முடிக்கட்டுமேன்னு காத்திருக்க கூடாதா? அவசரப்பட்டு செய்த இந்த செயலால் அந்த பெண்ணும் இறந்து இனி இந்த ராஜ்குமாரும் காலமெல்லாம் இப்படி ஆகிவிட்டதே என்று நிம்மதி இழந்து அவஸ்தை படனும் சோகம்

என்ன இந்த காலத்து பிள்ளைகள் இப்படி இருக்காங்க சோகம்