கடும் போட்டியை சந்திக்கும் கேரள சட்டசபை தேர்தல்: செக்ஸ் மற்றும் ஊழல் புகார்கள் முக்கிய இடம் பிடிக்கின்றன

கொச்சி, மார்ச்.7- கேரள சட்டசபை தேர்தலில் காங்கிரஸ்-இடதுசாரி அணிகள் கடும் போட்டியை சந்திக்கின்றன. தேர்தல் பிரசாரத்தில், செக்ஸ் மற்றும் ஊழல் புகார்கள் முக்கிய இடம் பிடிக்கின்றன.

கேரள சட்டசபை தேர்தல்

கேரளாவில் ஏப்ரல் 13-ந் தேதி சட்டசபை தேர்தல் நடக்கிறது. இந்த தேர்தலில், ஆளும் மார்க்சிஸ்ட் கம்ïனிஸ்டு தலைமையிலான இடதுசாரி ஜனநாயக முன்னணி, காங்கிரஸ் தலைமையிலான ஐக்கிய ஜனநாயக முன்னணி ஆகியவை கடுமையாக போட்டியிடுகின்றன.

இரு அணிகளிலும் இடம் பெற்றுள்ள கட்சிகளுக்கு இன்னும் தொகுதிகள் ஒதுக்கீடு முடியும் முன்பே, கேரள சட்டசபை தேர்தலில் இப்போதே வேகம் தொடங்கி விட்டது. தேர்தல் பிரசாரத்தில், செக்ஸ் மற்றும் ஊழல் புகார்கள்தான் முக்கிய இடம் பெற இருக்கிறது. இதுபற்றி இப்போதே தொண்டர்கள் பேச தொடங்கி விட்டனர்.

செக்ஸ் புகார்

காங்கிரஸ் கூட்டணியில் இடம் பெற்று இருக்கும் இந்தியன் ïனியன் முஸ்லிம் லீக்கின் தலைவர் பி.கே. குஞ்சாலிக்குட்டி மீது ஏற்கனவே செக்ஸ் புகார் இருக்கிறது. இந்த அணியில் இடம் பெற்று இருக்கும் கேரள காங்கிரஸ்(பி)தலைவர் பாலகிருஷ்ண பிள்ளை, ஊழல் வழக்கில் ஜெயில் தண்டனை பெற்று இருக்கிறார்.

மேலும் பாமாயில் ஊழலில் உம்மன் சாண்டிக்கு தொடர்பு இருப்பதை, மார்க்சிஸ்ட் அணி, தங்களுக்கு ஏதுவாக தேர்தல் பிரசாரத்தின் போது பயன்படுத்திக் கொள்ள இருக்கிறது.

இதுபற்றி மார்க்சிஸ்ட் தலைவர் வைக்கம் விஸ்வான் கூறுகையில், "அச்சுதானந்தன் சிறந்த நிர்வாகி. அவரது நிர்வாக திறமையால் மக்களுக்கு ஏராளமான நன்மைகள் செய்து இருக்கிறார். எனவே எங்கள் அணி மீண்டும் வெற்றி பெறும்'' என்றார்.

முதல்-மந்திரியின் மகன்

முதல்-மந்திரி அச்சுதானந்தனின் மகன் அருண்குமார், தனது தந்தையின் பதவியை தனக்கு ஏதுவாக பயன்படுத்தி ஊழல் செய்து வருகிறார் என்பது, காங்கிரஸ் அணியின் குற்றச்சாட்டு. அவருக்கும், லாட்டரி ஊழல் பேர்வழிகளுக்கும், சந்தன கடத்தல்காரர்களுக்கும் நெருங்கிய தொடர்பு இருப்பதாக காங்கிரசார் குற்றம் சாட்டி வருகிறார்கள்.

அச்சுதானந்தனின் நிர்வாகத்திலும் பல ஊழல்களை தேர்தல் பிரசாரத்தின் போது மக்களிடம் எடுத்துக்கூற காங்கிரசார் திட்டமிட்டு உள்ளனர். மறைந்த முதல்-மந்திரி கே.கருணாகரன் காங்கிரசில் சமீபத்தில் இணைந்து இருக்கிறார். அவர் பேச்சு திறன் மிக்கவர். அவரது பேச்சு மக்களை கவர்ந்திழுக்கும். எனவே எங்கள் அணிக்கு அதிக ஓட்டுகள் கிடைக்கும் என்று காங்கிரஸ் தலைவர் ஒருவர் கூறினார்.

பாரதீய ஜனதா

இதுவரை ஒரு தொகுதியை கூட பெறாத பாரதீய ஜனதா, கேரள தேர்தலில் 3-வது அணியாக போட்டியிடுகிறது. "கர்நாடகத்தில் எங்கள் ஆட்சி நடக்கிறது. எனவே கர்நாடக எல்லையில் இருக்கும் காசர்கோடு போன்ற சட்டசபை தொகுதிகளில் நாங்கள் வெற்றி பெறுவோம்'' என்று பா.ஜனதா தலைவர் ஒருவர் தெரிவித்தார்.

இந்த முறை கேரள தேர்தலில் ஒருவர் மீது ஒருவர் புகார் கூறி, ஓட்டுகள் பெறதான் முயற்சி நடக்கிறது. எந்த அணி வெற்றி பெறும் என்று கணிக்க முடியாத அளவில் இருப்பதாக அரசியல் நோக்கர்கள் கருதுகிறார்கள்.

அங்கு ஒவ்வொரு முறையும் மாறி மாறி ஆட்சி அமையும் ,அதன்படி பார்த்தால் அனேகமா காங்கிரஸ் வரும்னு நினைக்கிறேன்

[quote="சிவா"]அச்சுதானந்தனின் நிர்வாகத்திலும் பல ஊழல்களை தேர்தல் பிரசாரத்தின் போது மக்களிடம் எடுத்துக்கூற காங்கிரசார் திட்டமிட்டு உள்ளனர். மறைந்த முதல்-மந்திரி கே.கருணாகரன் காங்கிரசில் சமீபத்தில் இணைந்து இருக்கிறார். அவர் பேச்சு திறன் மிக்கவர். அவரது பேச்சு மக்களை கவர்ந்திழுக்கும். எனவே எங்கள் அணிக்கு அதிக ஓட்டுகள் கிடைக்கும் என்று காங்கிரஸ் தலைவர் ஒருவர் கூறினார்.

உங்கள் செய்தியில் சொல் பிழை / எழுத்து பிழை / பொருள் பிழை (ஏதோ ஒண்ணு வச்சுக்கோங்க ) உள்ளது. மறைந்த முதல்-மந்திரி கே. கருணாகரனின் மகன் கே. முரளீதரன் தான் காங்கிரசில் சமீபத்தில் இணைந்து இருக்கிறார்.

இப்படிக்கு

நவீன நக்கீரன்