நாமாலின் பரீட்சை முறைகேடுகளை வெளிப்படுத்திய மாணவர் வெள்ளைவானில் கடத்தல்!

இந்து · இந்து Sun Mar 06, 2011 8:17 pm

சிறீலங்கா அரச தலைவர் நமால் ராஜபக்சாவின் பரீட்சை முறைகேடுகளை வெளிப்படுத்திய மாணவர் வெள்ளைவானில் கடத்தப்பட்டு மிரட்டப்பட்ட பின்னர் விடுவிக்கப்பட்டுள்ளார்.இது தொடர்பில் மேலும் தெரியவருவதாவது:சிறீலங்கா அரச தலைவர் மகிந்தா ராஜபக்சாவின் மகனும், நாடாளுமன்ற உறுப்பினருமான நமால் ராஜபக்சா அண்மையில் சட்டத்துறை கல்வி பரீட்சை எழுதியிருந்தார்.
ஆனால் பரீட்சை மண்டபத்தில் அவருக்கு குளிர்சாதன அறை வழங்கப்பட்டதுடன், பரீட்சைக்கான விடைகளும் தெரியப்படுத்தப்பட்டிருந்தன. இந்த சம்பவத்தை ஊடகங்களுக்கு வெளிக்கொண்டுவந்த சட்டக்கல்லூரியின் இறுதியாண்டு மாணவன் துசாரா ஜெயரத்தினா என்பவர் நேற்று முன்தினம் (04) காலை 11.00 மணியளவில் வெள்ளை வானில் வந்தவர்களால் கடத்தப்பட்டுள்ளார்.
120 இலக்க பேரூந்து பாதையில் பேரூந்துக்காக காத்திருந்த அவரை வெள்ளைவானில் வந்த இருவர் தாம் சிறீலங்கா காவல்துறையினர் என தெரிவித்து அணுகியபோது, அவர் பேரூந்தில் ஏறியுள்ளார்.ஆனால் துசாராவை பின்தொடர்ந்து பேரூந்தில் ஏறிய கடத்தல்காரர்கள் அவர் பொரளைஸ்கமுவா பகுதியில் பேரூந்தை விட்டு இறங்கியதும் கடத்திச் சென்றுள்ளனர். பின்னர் இரவு 10.00 மணியளவில் துசாரவை அவர்கள் நுகேகொட, டெல்கன சந்தியில் கைவிட்டு சென்றுள்ளனர்.
நாமல் தொடர்பான செய்திகளை வெளியிட்டதால் துசாராவுக்கு கொலை மிரட்டல் விடுக்கப்பட்டிருந்தது. அதனை அவர் சிறீலங்கா காவல்துறையினரிடம் தெரிவிக்காது, ஐக்கிய நாடுகள் சபையின் அலுவலகத்தில் முறையிட்டது ஏன் என்ற கேள்விகளை கேட்ட கடத்தல்காரர்கள் அவரை கடுமையாக மிரட்டியும் உள்ளனர்.

நாமாலின் பரீட்சை முறைகேடுகளை வெளிப்படுத்திய மாணவர் வெள்ளைவானில் கடத்தல்!

நாமாலின் பரீட்சை முறைகேடுகளை வெளிப்படுத்திய மாணவர் வெள்ளைவானில் கடத்தல்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக