கடாபி கலங்காதே - மகிந்தா

40 வருட குடும்ப ஆட்சிக்கு எதிராக கிளர்ச்சியில் ஈடுபட்டுள்ள தமது நாட்டு மக்கள் மீதே வானில் இருந்து குண்டு வீச்சுக்களை நடத்தி வருவதன் காரணமாக லிபிய தலைவர் கேணல் முஹம்மர் கடாபி உள்ளிட்ட குடும்ப உறுப்பினர்களை கைது செய்யுமாறு நெதர்லாந்தின் ஹேக் நகரில் இருக்கும் சர்வதேச குற்றவியல் நீதிமன்றம் நேற்று முன்தினம் பிடியாணை பிறப்பித்துள்ளது.

இதனையடுத்து தொலைபேசியில் கடாபியை தொடர்பு கொண்ட இலங்கை ஜனாதிபதி மகிந்த ராஜபக்ச, கடாபிக்கு தைரியம் கூறியதாக லிபியாவின் அரசாங்க தொலைக் காட்சி செய்தி வெளியிட்டுள்ளது.கடாபி இதற்கு முன்னரும் தம்மை தைரிய மான தலைவர் என்பதை வெளிக்காட்டியுள்ளதாகவும் லிபியாவில் ஏற்பட்டுள்ள பயங்கரவாதத்திற்கு தைரியமாக முகம் கொடுப்பார் எனவும் பயங்கரவாதத்திற்கு எதிராக தாம் அனைவரும் கைகோர்த்து கொள்ள வேண்டும் எனவும் ஜனாதிபதி மகிந்த ராஜபக்ச லிபிய தலைவரை தொலைபேசியில் தொடர்புக் கொண்டு கூறியதாக லிபியன் டிவி என்ற அரசாங்க தொலைக்காட்சி ஜனாதிபதி மகிந்த ராஜபக்சவின் புகைப்படத்துடன் செய்தி வெளியிட்டுள்ளது. இந்த செய்தி அரபு மொழியில் வெளியிடப் பட்டுள்ளது. இந்த செய்தியை வெளியிட்ட குறித்த தொலைக்காட்சி உலக தலைவர்கள் கடாபியுடன் இருப்பதாக கூறியுள்ளது.

இலங்கை ஜனாதிபதி கடாபிக்கு தைரியத் தை வழங்கியுள்ள நிலையில் கடாபி ஆட்சி யை விட்டு செல்ல வேண்டும் என அமெரிக்க ஜனாதிபதி பராக் ஒபாமா தெரிவித்துள்ளார். கடாபியின் இராணுவம் நிராயுதபாணிகளான மக்களை சுட்டுக்கொல்வதுடன் வெளிநாட்டுகளில் இருந்து அழைத்து வரப் பட்ட கூலிப்படையினரை பயன்படுத்தி தாக் குதல் நடத்தி வருகிறது. இந்த கூலிப்படையி னர் ஒருவருக்காக கடாபி 30 ஆயிரம் அமெ ரிக்க டொலர்களை வழங்கியுள்ளார். இதேவேளை லிபிய தலைவர் கடாபி நேற்று ஜனாதிபதி மகிந்த ராஜபக்சவுடன் தொலைபேசியில் தொடர்பு கொண்டதாக ஜனாதிபதி செயலகம் தெரிவித்துள்ளது.

கெட்ட கேட்டுக்கு முட்டையும் சோறுமாம்