உன்னையும் நீ தேடு....

by ஹாசிம் Sun Mar 06, 2011 9:49 am

First topic message reminder :

மனங்களில்லாத மனிதமெதற்கு
மனிதங்களில்லாத வாழ்வெதற்கு
வாழ்கையில்லாத தேடலெதற்கு
தேடலில்லாத ஜீவனெதற்கு

மனதில் வேதனையுடன்
பணந்தான் வாழ்க்கையென்று
பணம் மட்டும் தேடியலைந்து
ஈற்றில் பணத்துடன் மடிந்திடுவதா ?

உன்னை உருக்குலைத்து
உருவாக்கிய உடமைகளும்
உன் குதூகலம் மறந்து
தேடிவைத்த உரிமங்களும்
உனைப்பார்த்துக் கேலிசெய்யுமே..

“உனைத்தொலைத்து எதைத்தேடுகிறாய்
நாளை அத்தனையும் எதிராளியாகுமே”
இன்றைய பயணத்தின் ..
தேடலோடுன்னையும் தேடிடு....

தேகங்கள் மரத்துப்போகிறது
தேடலுக்காக ஒத்துப்போகிறது
உன் காதுகளுக்கு மட்டும்
ஏன் இன்னும் கேட்கவில்லை..

நம் தேடுதல்கள் எல்லாம் மாயை..
தேடி நாம் கண்டதென்ன...
மனமில்லா..பணம்... உன்னையும் நீ தேடு.... - Page 2 56667

உங்கள் வரிகள் அதை உணர்த்தி
ஒரு நொடி நெஞ்சில் முள்ளாய் குத்துகிறது..

அருமையான கவிதை.ஹாசிம்... உன்னையும் நீ தேடு.... - Page 2 154550

by ஹாசிம் Tue Mar 08, 2011 11:15 am

மஞ்சுபாஷிணி wrote:மிக அருமையான தாக்கமுள்ள கவிதை வரிகள் ஹாசிம்...
பணம் ஒன்றே குறிக்கோளாகக்கொண்டு சம்பாதிக்க வெளியூர் வந்து அங்காவது நிம்மதியாக இருந்தோமா என்றால் இல்லை.. நிம்மதியாக வாழவிடாத சண்டைகள் பொறாமைகள் எங்கு போனாலும் நிம்மதி மட்டுமில்லாது உயிருக்கும் உத்தரவாதமில்லாத நிலையில் மனிதம் செய்த மனிதர்களுக்கு இடையே வேலை செய்துக்கொண்டு குடும்பத்தை பிரிந்து தத்தளித்து எல்லாமே பணத்துக்காக தானே

இளமை தொலைத்து இனிய குடும்பத்தை பிரிந்து பணம் ஈட்டினால் எல்லாம் அடைந்துவிடவில்லை என்றாலும் ஏதோ நினைத்த வாழ்க்கையாவது அமையுமா என்ற கேள்விக்குறி இப்போது உயிரோடாவது நம் சொந்த ஊர் போய் சேர்வோமா என்ற பயத்துடன் தவிக்கும் நிலையுடன் முடிகிறது நம் வாழ்வு....

இப்படி எல்லாம் கஷ்டப்பட தான் வேணுமான்னு மனசும் கேட்கிறது என்ன செய்வது காலத்தின் கட்டாயம்... மிக மிக அருமையான வரிகளில் தம்பி ஹாசிமின் ஒவ்வொரு கவிதைக்குள்ளும் ஒரு மெசெஜ் ஒளிந்திருக்கும் எல்லோருக்கும் சொல்லும் நல் கருத்தொன்று சொல்ல விழையும் அழகிய தாக்கமுள்ள கவிதை தந்தமைக்கு அன்பு நன்றிகள் ஹாசிம்....

மிக்க நன்றி அக்கா உண்மைதான் காலத்தின் கட்டாயம் இருந்தாலும் நாமும் மனிதர்கள் இவர்களுக்கும் மனமிருக்கிறது ஆசாபாசங்களிருக்கிறது என்பதை யாரும் உணர்வாரில்லை அனைவரும் எதிர்பார்ப்புகளுடன் மாத்திரம் எம்மோடு ஈற்றில் எமக்காக எதுவும் இல்லாத போது எமைவிட்டு அனைவரும் அகன்றிருப்பர்

இவைகளை அன்றாடம் காண்கிறோம் அனுபவிக்கிறோம் இவைகளைப்பகிர்ந்து எமக்குள் நாம் தேற்றிக்கொள்கிறோம் நன்றி அக்கா

by ஹாசிம் Tue Mar 08, 2011 11:20 am

கலை wrote:
உன்னை உருக்குலைத்து
உருவாக்கிய உடமைகளும்
உன் குதூகலம் மறந்து
தேடிவைத்த உரிமங்களும்
உனைப்பார்த்துக் கேலிசெய்யுமே..

இந்த நிசத்தியம் உணராத மானுடன் இல்லை என்றே சொல்லலாம்.. ஆயினும் எதற்காக இத்தனை ஆலாய்ப்பறந்து செல்வம் தேடுகிறான்..?

இயல்பாகவே மனிதனுக்கு இருக்கும் தேடலின் சுகம் மட்டுமே அவனைத் தேடச்செய்கிறது.. தேடியபின் தேடியது தேடுகைக்கு தக்க தகுதிபெற்றதல்ல என்னும் சுயம் அறிய நேர்கையில் வாடிவதங்கிப் போகிறான்..

மிக்க நன்றி அண்ணா

இதுதான் உண்மை தேடல் மனிதனின் கட்டாயம் அதற்கான வெகுமானம் பூச்சியமாக உணரப்படும்போதுதான் வேதனை எமைச்சூழ்கிறது

நன்றி

by Sponsored content

உன்னையும் நீ தேடு....

உன்னையும் நீ தேடு....

Re: உன்னையும் நீ தேடு....

Re: உன்னையும் நீ தேடு....

Re: உன்னையும் நீ தேடு....

Re: உன்னையும் நீ தேடு....