இந்தியர் பத்திரமாக வெளியேற எகிப்து எல்லையில் முகாம்

கெய்ரோ : லிபியாபில் சிக்கித் தவிக்கும் இந்தியர்கள் பத்திரமாக வெளியேற வசதியாக, எகிப்து நாட்டின் எல்லையில் இந்திய தூதரக அதிகாரிகள் முகாம்களை அமைத்துள்ளனர். லிபியாவில் அந்நாட்டின் தலைவர் கடாபிக்கு எதிரான போராட்டங்கள் வலுத்து, வன்முறை அதிகரித்துள்ளது. இதையடுத்து, அங்கு சிக்கித் தவிக்கும் இந்தியர்களை மீட்கும் முயற்சியில் மத்திய அரசு முழுவீச்சில் ஈடுபட்டுள்ளது. சிறப்பு விமானங்கள் மற்றும் கப்பல்கள் மூலம் கணிசமான இந்தியர்கள் மீட்கப்பட்டுள்ளனர். இதுதவிர, தனியார் விமானங்களும் தினம் ஒரு முறை லிபியாவுக்கு சென்று, அங்கு சிக்கியுள்ள இந்தியர்களை அழைத்து வர வேண்டும் என, மத்திய அரசு கேட்டுக் கொண்டுள்ளது.

இதற்கிடையில், லிபியாவில் இருந்து வெளியேறும் இந்தியர்களுக்காக, எகிப்து நாட்டின் எல்லையில் முகாம் ஒன்றை, எகிப்தில் உள்ள இந்திய தூதரக அதிகாரிகள் அமைத்துள்ளனர். லிபியாவில் நடக்கும் வன்முறையில் பாஸ்போர்ட் உட்பட ஆவணங்களை தொலைத்து விட்டு, உயிருக்கு பயந்து ஓடிவரும் இவர்களுக்கு புதிய பயண ஆவணங்களை வழங்கும் பணியில், தூதரக அதிகாரிகள் குழுவினர் ஈடுபட்டுள்ளனர். இதுவரை 170க்கும் மேற்பட்டோருக்கு இதுபோன்ற அடையாள ஆவணங்கள் வழங்கப்பட்டுள்ளன."லிபியாவில் உள்ள அனைத்து இந்தியர்களும் பாதுகாப்பாக வெளியேற்றப்படும் வரை, தங்களின் நடவடிக்கைகள் தொடரும்' என, எகிப்திற்கான இந்திய தூதர் சுவாமிநாதன் கூறியுள்ளார்.

லிபியாவில் தங்கியிருந்த 18 ஆயிரம் இந்தியர்களில், இதுவரை 20 சதவீதம் பேர் அங்கிருந்து வெளியேற்றப்பட்டுள்ளனர். மீதமுள்ள இந்தியர்கள் பத்திரமாக வெளியேற உதவ வேண்டும் என, லிபியா வெளியுறவு அமைச்சரை, இந்திய வெளியுறவு அமைச்சர் கிருஷ்ணா கேட்டுக் கொண்டுள்ளார். லிபியாவில் இருந்து ஏர் இந்தியா விமானங்கள் மூலம் இதுவரை 1,083 பேரும், ஸ்காட்டியா பிரின்ஸ் கப்பல் மூலம் 1,188 பேரும் மீட்கப்பட்டுள்ளனர்.

தினமலர்

பாவம் இந்தியர்கள்

எங்கு போனாலும் முதலில் பாதிக்கபடுகிறவர்கள் இந்தியர்கள்தான்.
அது சரி 20000 பேத்துல 3000 பேரைதான் இவங்க மீட்டு இருக்காங்க.மிச்ச பேரை எப்ப மீட்டு கொண்டு வருவாங்க.நமது தூதரக நடவடிக்கைகளை இன்னும் துரிதபடுத்த வேண்டும்

நாம் அனைவருமே பிரார்த்திப்போம்............