அயர்லாந்திடம் வீழ்ந்தது இங்கிலாந்து! உலக கோப்பையில் "மெகா' அதிர்ச்சி

பெங்களூரு: உலக கோப்பை தொடரில் மிகப் பெரும் அதிர்ச்சி. பரபரப்பான லீக் போட்டியில் அயர்லாந்து அணி, இங்கிலாந்தை 3 விக்கெட் வித்தியாசத்தில் வீழ்த்தியது. கெவின் ஓ'பிரையனின் அதிவேக சதம், அயர்லாந்தின் வெற்றிக்கு பக்கபலமாக இருந்தது.

இந்திய துணைக் கண்டத்தில் உலக கோப்பை கிரிக்கெட் தொடர் நடக்கிறது. நேற்று பெங்களூருவில் நடந்த "பி' பிரிவு லீக் போட்டியில் (பகலிரவு) இங்கிலாந்து, அயர்லாந்து அணிகள் மோதின. "டாஸ்' வென்ற இங்கிலாந்து கேப்டன் ஸ்டிராஸ், "பேட்டிங்' தேர்வு செய்தார்.

பீட்டர்சன் அதிரடி:

இங்கிலாந்து அணிக்கு கேப்டன் ஸ்டிராஸ், கெவின் பீட்டர்சன் ஜோடி சூப்பர் துவக்கம் அளித்தது. அயர்லாந்து பந்துவீச்சை பதம்பார்த்த இந்த ஜோடி, முதல் விக்கெட்டுக்கு 91 ரன்கள் சேர்த்த போது, ஸ்டிராஸ் (34) அவுட்டானார். மறுமுனையில் அதிரடி காட்டிய பீட்டர்சன் (59) நம்பிக்கை அளித்தார்.

டிராட் சாதனை:

பின் ஜோனாதன் டிராட், இயான் பெல் இணைந்து அசத்தலாக ஆடினர். டிராட் 64 ரன்கள் எடுத்த போது, ஒரு நாள் போட்டிகளில் அதிவேகமாக ஆயிரம் ரன்களை(21 போட்டி) எடுத்த சக வீரர் பீட்டர்சன், விவியன் ரிச்சர்ட்ஸ்(வெஸ்ட் இண்டீஸ்) ஆகியோரது சாதனையை சமன் செய்தார். மூன்றாவது விக்கெட்டுக்கு 167 ரன்கள் சேர்த்த நிலையில், பெல் (81) வெளியேறினார். இவருக்கு ஒத்துழைப்பு தந்த டிராட் (92) சதம் அடிக்கும் வாய்ப்பை கோட்டைவிட்டார். கோலிங்வுட் (16), பிரையர் (6), பிரஸ்னன் (4), மைக்கேல் யார்டி (4) பெரிய அளவில் சோபிக்கவில்லை. இங்கிலாந்து அணி 50 ஒவரில் 8 விக்கெட்டுக்கு 327 ரன்கள் குவித்தது.

அயர்லாந்து சார்பில் ஜான் மூனே 4, டிரன்ட் ஜான்ஸ்டன் 2 விக்கெட் வீழ்த்தினர்.

கெவின் அதிரடி:

கடின இலக்கை விரட்டிய அயர்லாந்து அணி திணறல் துவக்கம் கண்டது. ஆண்டர்சன் வீசிய முதல் பந்திலேயே போர்ட்டர்பீல்டு(0) போல்டானார். ஸ்டர்லிங்(32), ஜாய்ஸ்(32), நியால் ஓ'பிரையன்(29) ஓரளவுக்கு ரன் சேர்த்தனர். இதற்கு பின் கெவின் ஓ' பிரையன், கியுசக் இணைந்து "சூப்பராக' ஆடினர். இங்கிலாந்து பந்துவீச்சை சிதறடித்த கெவின் அதிரடியாக ரன் குவித்தார். சுவான், பிரஸ்னன், ஆண்டர்சன் என அனைவரது பந்துகளிலும் சாதாரணமாக "சிக்சர்களை' பறக்க விட்டார். யார்டி பந்தில் 2 ரன்களை தட்டி விட்ட கெவின், 50 பந்துகளில் சதம் அடித்தார். இதன் மூலம் உலக கோப்பை அரங்கில் அதிவேக சதம் அடித்து சாதனை படைத்தார். 6வது விக்கெட்டுக்கு 162 ரன்கள் சேர்த்த நிலையில், கியுசக்(47) ரன் அவுட்டானார். கெவின் 113 ரன்களுக்கு(13 பவுண்டரி, 6 சிக்சர்) ரன் அவுட்டானார். அடுத்து வந்த மூனே(33) கைகொடுக்க, அயர்லாந்து அணி 49.1 ஓவரில் 7 விக்கெட்டுக்கு 329 ரன்கள் எடுத்து அசத்தல் வெற்றி பெற்றது.

அதிவேக சதம்

நேற்று 50 பந்துகளில் 100 ரன்களை எட்டிய அயர்லாந்து வீரர் கெவின் ஓ' பிரையன் உலக கோப்பை அரங்கில் அதிவேக சதம் அடித்து சாதனை படைத்தார். இவர், ஆஸ்திரேலியாவின் ஹைடன் சாதனையை(66 பந்துகள், எதிர், தென் ஆப்ரிக்கா, 2007) தகர்த்தார். தவிர, சர்வதேச அளவில் அதிவேக சதம் அடித்தவர்களின் வரிசையில் 6வது இடத்தை பிடித்தார். இப்பட்டியலில் பாகிஸ்தானின் அப்ரிதி முதலிடத்தில் ( 37 பந்து, எதிர் இலங்கை, 1996) உள்ளார்.

"சேஸ்' சாதனை

நேற்று அபாரமாக ஆடிய அயர்லாந்து அணி, உலக கோப்பை அரங்கில் அதிக ரன்களை(329/7) "சேஸ்' செய்து சாதனை படைத்தது. இதற்கு முன் 1992ல் இலங்கை அணி அதிகபட்சமாக 313 ரன்களை(எதிர், ஜிம்பாப்வே) "சேஸ்' செய்திருந்தது.

இங்கிலாந்துக்கு அவமானம்

"கிரிக்கெட்டின் தாயகம்' என்று போற்றப்படும் இங்கிலாந்துக்கு நேற்று மிகப் பெரும் "அடி' விழுந்தது. கத்துக்குட்டி அணியாக வர்ணிக்கப்பட்ட அயர்லாந்திடம் பரிதாபமாக வீழ்ந்தது. தாங்கள் சாதாரண அணி அல்ல என்பதை அழுத்தமாக நிரூபித்துள்ள அயர்லாந்து அணி, அடுத்த போட்டியில் தான் எதிர்கொள்ள இந்திய அணிக்கும் எச்சரிக்கை விடுத்துள்ளது.



ஸ்கோர்போர்டு

இங்கிலாந்து

ஸ்டிராஸ்(ப)டாக்ரெல் 34(37)
பீட்டர்சன்(கே)நியால்(ப)ஸ்டர்லிங் 59(50)
டிராட்(ப)மூனே 92(92)
பெல்(கே)ஸ்டர்லிங்(ப)மூனே 81(86)
கோலிங்வுட்(கே)நியால்(ப)மூனே 16(11)
பிரயார்(ப)ஜான்ஸ்டன் 6(5)
பிரஸ்னன்(கே)ஜான்ஸ்டன்(ப)மூனே 4(8)
யார்டி(ப)ஜான்ஸ்டன் 3(6)
சுவான்-அவுட்இல்லை 9(5)
உதிரிகள் 23

மொத்தம் (50 ஓவரில், 8 விக்.,) 327

விக்கெட் வீழ்ச்சி: 1-91(ஸ்டிராஸ்), 2-111(பீட்டர்சன்), 3-278(பெல்), 4-288(டிராட்), 5-299(பிரையர் ), 6-312(கோலிங்வுட் ), 7-317(யார்டி), 8-327(பிரஸ்னன்).

பந்துவீச்சு: ரான்கின் 7-0-51-0, ஜான்ஸ்டன் 10-0-58-2, கியுசக் 4-0-39-0, டாக்ரெல் 10-0-68-1, மூனே 9-0-63-4, ஸ்டர்லிங் 10-0-45-1.

அயர்லாந்து

போர்டர்பீல்டு(ப)ஆண்டர்சன் 0(1)
ஸ்டர்லிங்(கே)பீட்டர்சன்(ப)பிரஸ்னன் 32(28)
ஜாய்ஸ்(ஸ்டம்)பிரயார்(ப)சுவான் 32(61)
நியால்(ப)சுவான் 29(36)
வில்சன் எல்.பி.டபிள்யு.,(ப)சுவான் 3(14)
கெவின்-ரன் அவுட்-(பிரயார்/பிரஸ்னன்) 113(63)
கியுசக்-ரன் அவுட்-(பிராட்/கோலிங்வுட்) 47(58)
மூனே -அவுட் இல்லை- 33(30)
ஜான்ஸ்டன் -அவுட் இல்லை- 7(4)
உதிரிகள் 33

மொத்தம்(49.1 ஓவரில் 7 விக்.,) 329

விக்கெட் வீழ்ச்சி:1-0(போர்ட்டர்பீல்டு), 2-62(ஸ்டர்லிங்), 3-103(நியால்), 4-106(ஜாய்ஸ்), 5-111(வில்சன்), 6-273(கியுசக்), 7-317(கெவின்).

பந்துவீச்சு: ஆண்டர்சன் 8.1-49-1, பிராட் 9-0-73-0, பிரஸ்னன் 10-0-64-1, யார்டி 7-0-49-0, சுவான் 10-0-47-3, கோலிங்வுட் 5-0-26-0.

தினமலர்

நேற்றிரவு அயர்லாந்தின் ஆட்டத்தைக் காணாதவர்கள் உலகக் கோப்பையின் சிறந்த ஆட்டத்தைத் தவறவிட்டார்கள் என்பது மட்டும் உண்மை!

கெவின் ஓ' பிரையனின் அதிரடி ஆட்டம் மெய்சிலிர்க்க வைத்தது. இங்கிலாந்து பந்துவீச்சாளர்களுக்கு கண்களில் நீர் மட்டும் வரவில்லை! மிகச் சாதாரணமாக பந்துகளை விளாசித் தள்ளிவிட்டார்.

வெற்றியின் விளிம்பில் இவர் ரன் அவுட் ஆனது மிகப்பெரிய அதிர்ச்சியை ஏற்படுத்திவிட்டது! ஒரு அயர்லாந்து ரசிகை அழுதேவிட்டார்.

6 பந்துகளில் 3 ரன்கள் எடுத்தால் வெற்றி என்ற நிலையில் அண்டர்சனின் பந்தை ஜான்ஸ்டன் பவுண்டரிக்கு விரட்டியதும் அயர்லாந்து வீரர்கள் உலகக் கோப்பையையே வென்றது போன்ற மகிழ்ச்சியில் துள்ளிக் குதித்தனர்!

இந்தியா ஞாயிற்றுக் கிழமை அயர்லாந்தின் அதிரடியை சமாளிக்குமா?

நான் பார்த்தேன் தல............சும்மா பரபரப்பா இருந்துச்சு...இங்கிலாந்து தோல்விக்கு ரெண்டே காரணம்தான் ஒன்று ட்ராட்டின் மந்த ஆட்டம்.............,மற்றொன்று ஸ்ட்ராஸின் பொறுமயற்ற கேப்டன்ஸி...........................

அசோகன் wrote:நான் பார்த்தேன் தல............சும்மா பரபரப்பா இருந்துச்சு...இங்கிலாந்து தோல்விக்கு ரெண்டே காரணம்தான் ஒன்று ட்ராட்டின் மந்த ஆட்டம்.............,மற்றொன்று ஸ்ட்ராஸின் பொறுமயற்ற கேப்டன்ஸி...........................

உண்மைதான் பாஸ்!

எப்படி ஏற்பட்டது அயர்லாந்தின் இந்த எழுச்சி? எனக்கு இன்னும் பிரமிப்பு அடங்கவில்லை!

சிவா wrote:

அசோகன் wrote:நான் பார்த்தேன் தல............சும்மா பரபரப்பா இருந்துச்சு...இங்கிலாந்து தோல்விக்கு ரெண்டே காரணம்தான் ஒன்று ட்ராட்டின் மந்த ஆட்டம்.............,மற்றொன்று ஸ்ட்ராஸின் பொறுமயற்ற கேப்டன்ஸி...........................

உண்மைதான் பாஸ்!

எப்படி ஏற்பட்டது அயர்லாந்தின் இந்த எழுச்சி? எனக்கு இன்னும் பிரமிப்பு அடங்கவில்லை!

எல்லா உலகக் கோப்பை போட்டிகளிலும் இதுமாதிரி எதாவது குட்டி அணி இந்த மாதிரி அதசியம் நிகழ்த்திட்டே இருகிறது.இந்த வருடம் அயர்லாந்து.

நானும் பார்த்தேன் தல மிகவும் அதிர்ச்சியாவே இருந்தது

இந்திய வீரர்களுக்கு அயர்லாந்தின் இந்த ஆட்டம் சற்று அதிர்ச்சியை ஏற்படுத்தியிருக்கும் என்பது உண்மை!

உண்மைதான் அபாரமான ஆட்டமாக இருந்தது மலைக்க வைத்தது ஆட்டம்

ஹாசிம் wrote:உண்மைதான் அபாரமான ஆட்டமாக இருந்தது மலைக்க வைத்தது ஆட்டம்

முதல் பாதி ஆட்டத்தைப் பார்க்கும் வாய்ப்பு எனக்குக் கிடைக்கவில்லை! இரண்டாவது பாதியில் அயர்லாந்து 103 ரன்கள் எடுத்திருந்த நிலையில் தான் பார்க்கும் வாய்ப்புக் கிடைத்தது. 150 ரன்களுக்குள் அனைவரும் அவுட்டாகிவிடுவார்கள் என்றும், இங்கிலாந்து எத்தனை ரன்களில் வெற்றிபெறும் எனவும் கணக்குச் செய்து கொண்டிருந்தேன்.

வந்தார் கெவின்! அவரது அதிரடியில், திறந்து வைத்திருந்த பீர் கேனுக்குள் சிகரெட் சாம்பலைத் தட்டிவிட்டுவிட்டேன்.. அவ்வளவு ஆர்வம் அவரது ஆட்டத்தில்..

நானும் சும்மா பார்க்கலாமுன்னு பார்த்தேன் ,கெவினுடைய ஆட்டத்தில் என்னையே மறந்து போகும் அளவுக்கு லயித்து போய்விட்டேன் ,அபாரமாக இருந்தது