உதட்டுச் சாயக் குறிப்புகள்

First topic message reminder :

பெண்களின் உதடுகளுக்குக் கூடுதல் அழகூட்ட பயன்படுத்தும் லிப்ஸ்டிக்கைச் சரியாக உபயோகிக்க வேண்டும். அது முகத்தின் அழகை அதிகப்படுத்திக் காட்டும். ஆனால் அதையே அதிகமாக கிறுக்கி விட்டால் போதும் மொத்த அழகையும் அது பறித்துவிடும். விலை மலிவானவற்றை வாங்காதீர்கள்.

அது உதட்டில் புண்களை உருவாக்கி விடும். லிப்ஸ்டிக்கை போடுவதற்கு முன்னர் அதே நிறத்திலான லிப்ஸ்டிக் லைனரைக் கொண்டு உங்கள் உதடுகளுக்கு அவுட்லைன் கொடுத்துவிட்டு பின்னர் அந்தக் கோடுகளுக்குள் லிப்ஸ்டிக் போடுங்கள்.

நாளாகிவிட்ட பழைய உதட்டுச் சாயங்களைப் பயன்படுத்தாதீர். அது உதட்டின் இயற்கையான நிறத்தில் பாதிப்பை ஏற்படுத்திவிடும்.

லிப்ஸ்டிக் கேசில் உள்ள லிப்ஸ்டிக்கை உதட்டில் பூசும்போது அதே நிறம் கிடைப்பதில்லை. ஏன்? லிப்ஸ்டிக்கில் உள்ள "அண்டர்டோன்' நிறம் தான் நீங்கள் பூசும்போது வெளிப்படும். உதட்டில் பூசி "டெஸ்ட்' செய்ய முடியாத நிலையில், ஒரு வெள்ளைத் தாளில் லிப்ஸ்டிக்கை பூசிப் பாருங்கள். அது எந்த நிறம் கொடுக்கிறதோ அது தான் லிப்ஸ்டிக்கின் உண்மையான நிறம்.

உதாரணமாய், சிவப்பு மற்றும் பிங்க் நிற லிப்ஸ்டிக்கை எடுத்துக் கொள்ளுங்கள். வெள்ளைத் தாளில் இந்த லிப்ஸ்டிக்கைப் பூசிப் பார்த்தால், கேசில் நீங்கள் பார்க்கும் நிறத்தை விடக் கூடுதலாகக் காட்டும். உண்மையில் இந்த கூடுதல் நிறம் தான் இதன் உண்மையான நிறம். உங்கள் உதட்டில் இதைப் பூசிக் கொண்டால் "லுக் அட் மீ' என்று சொல்ல வைக்கும்.

மஞ்சள் அல்லது ஆரஞ்சு நிற சாயல்கள் கொண்ட லிப்ஸ்டிக் வாங்கும்போது மிகுந்த கவனம் தேவை. ஆரஞ்சு நிற லிப்ஸ்டிக்கும் "லுக் அட் மீ' சொல்ல வைக்கும். இந்த நிறங்களை மிகுந்த கவனத்துடன் பார்த்து வாங்க வேண்டும்.

பச்சை மற்றும் நீல நிற சாயல்களில் உள்ள லிப்ஸ்டிக்குகள் உங்கள் நிறத்தைக் கூடுதலாக்கும். இரவு நேரத்தில் அரை விளக்கு வெளிச்சத்தில் ஒளிரும் ரம்மியமான தோற்றம் கிடைக்கும்.

சில்வர் மற்றும் இளங்கருப்பு நிறச் சாயல் கொண்டவை, உங்களை மென்மையானவராகக் காட்டும். பிடித்தமானவர்கள் போட்டுக் கொள்ளலாம்.

உங்கள் சருமத்தின் நிறத்திற்கு ஏற்ற நிறத்தில் உள்ள லிப்‌ஸ்டிக்கைத் தேர்ந்தெடுக்க வேண்டும். கறுப்பாக இருப்பவர்கள் வெளீர் நிறங்கள் தேர்ந்தெடுப்பதைத் தவிர்க்க வேண்டும்.

நீங்கள் விரும்பியதைவிட வெளீர் நிறத்தில் உங்கள் லிப்‌ஸ்டிக் அமைந்துவிட்டால், சற்று கருமையான நிறத்தில் உள்ள லிப் பென்ஸிலால் உதடுகளில் நிறத்தைப் பூசி விட்டு அதன் பிறகு லிப்‌‌ஸ்டிக் தடவலாம். உதாரணத்திற்கு சிகப்பு நிற லிப்‌ஸ்டிக்குடன் பிரவுன் நிற லிப் பென்ஸில் பயன்படுத்தலாம்.

பய‌ன்படு‌த்த முடியாத அளவுக்கு லிப்‌ஸ்டிக் குறைந்துவிட்டால் அதை எரியாமல் மீதமுள்ள லிப்‌ஸ்டிக்கை எடுத்து ஒரு சிறிய டப்பாவில் வைத்து பயன்படுத்தலாம். ஒன்றுக்கு அதிகமான லிப்‌ஸ்டிக்கை இப்படி சேர்த்துவைத்தால் அவற்றை கலந்து புதிய நிறத்தை உருவாக்கலாம்.

நீங்கள் எப்போது லிப்‌ஸ்டிக் பயன்படுத்தினாலும் உதட்டைவிட்டு அது வெளியே வருகிறது என்றால் கிளா‌ஸ் மற்றும் க்ரீம் லிப்‌ஸ்டிக்குகளைப் பயன்படுத்த வேண்டாம்.

லிப்ஸடிக் மற்றும் பர்ஃப்யூமை ஃபிரிட்ஜில் வைத்தால் நீண்ட நாட்களுக்கு கெடாமல் இருக்கும்.

லாங் லா‌ஸ்ட்டிங் ‌லி‌ப்‌ஸ்டி‌க்குக‌ள் 5 முதல் 8 மணி நேரம் நீடிக்கும். ஆழமான நிறத்தைத் தரும், எளிதில் அழிந்துவிடாது. ஆனால் உதடுகளை உலர வைக்கும். இதனை‌ப் ப‌ய‌ன்படு‌த்து‌ம் போது உதடுகள் உலர்ந்துவிட்டதைப் போல் தோன்றினால் கன்டிஷனர் தடவலாம்.

திரவ வடிவில் இருக்கும் இந்த லிப்‌ஸ்டிக்குடன் அதைத் தடவ சிறிய பிரஷ் இருக்கும். நீண்ட நேரத்திற்கு அழியாமல் இருக்கும். பளபளப்பு தேவையென்றால் இதன் மேல் லிப் கிளா‌ஸ் தடவலாம். இது விரைவில் உலர்ந்துவிடுவதால் இதைப் பயன்படுத்தும் போது கவனம் தேவை.

‌லிப் பென்ஸில் உதடுகளை மேலும் அழகாக்குகிறது. லிப்‌ஸ்டிக்கின் நிறத்தை அதிகமாக்க, லிப்‌ஸ்டிக் தடவுவதற்கு முன் லிப் பென்ஸில் தடவலாம். லிப் பென்ஸிலால் தடவுவதால் லிப்‌ஸ்டிக் உதடுகளைவிட்டு வெளியே பரவாமல் இருக்கும்.

உதடுகளைச் சிறியதாக்க, உதடுகளில் ஃபவுன்டேஷன் தடவி, உதட்டுக்கு உட்புறம் லிப் பென்ஸிலால் உதட்டின் வடிவத்தை வரைய வேண்டும். அதற்குள் லிப்‌ஸ்டிக் தடவலாம்.

ruban1 wrote:

சிவா wrote:பெண்ணிகளுக்கு எது அழகு என்று ஆணுக்குத்தானே தெரியும்..

வெறும் ரசிச்சு ரசிச்சே வயசாயிடுத்து பெரியப்பு பாவம்

எந்தப் பிரச்சனையும் இல்லாமல் காலத்தை ஓட்ட சிறந்த வழி இதுதான்! எனக்கு திருமணமாகி இருந்தால் ஈகரையில் இவ்வளவு பதிவுகள் எழுதியிருக்க முடியுமா? இந்நேரம் என் மனைவி விவாகரத்து கோரியிருப்பாள்! ஈகரையை கட்டிக்கொண்டிருக்கும் உனக்கு எதுக்கு மனைவி என்று என்னை ஏளனம் செய்திருப்பாள்..

எனக்கு அக்கா இப்பவே சொல்லிட்ட உன் பொண்டாட்டி இப்படியே கணனியுடன் இருந்தா உன்னை விட்டுட்டு ஓடிடுவால் என்று என்ன ஒற்றுமை எங்களுக்குள்

பெண்கள் எதிர்பார்ப்பது என்னவெனில், எந்நேரமும் அவர்களை கணவன் சுற்றிச் சுற்றி வரவேண்டும்.. (சின்ன உருவமா இருந்தா ஈஸியா சுற்றி வந்திடலாம்!)

அவர்களுக்காகவே ஆண்கள் வாழவேண்டும்..

அழகு அழகு என்று பொய்மேல் பொய் சொல்ல வேண்டும்! நடந்தால் அழகு, பேசினால் அழகு, சிரித்தால் அழகு, தூங்கினால் அழகு... எல்லாமே அழகோ அழகு என்று புகழ வேண்டும் (நாங்கதான் அரிச்சந்திரனின் உடன்பிறவா சகோதரர்கள் ஆயிற்றே, எப்படி பொய் சொல்வது)

அட, இந்த நேரத்துல தேவையில்லாத பதிவு இது!

என்ன செய்யிறது உண்மைதான் வெளிய்ர் வந்திடுச்சே

இது அகில உலக அனைத்துப் பெண்களுக்கும் பொருந்தும்! 100 கிலோ எடையில இருந்தாலும் சிம்ரன்னு சொன்னாதான் சோறு கிடைக்கும்!

இந்த நேரத்துல மகளிரணி யாரும் இல்லைதானே?

உண்மை உண்மைதான் பெரியப்பு