நோபல் பரிசு பெற்ற முகம்மது யூனுஸ் பதவி நீக்கம்

நோபல் பரிசு பெற்றவரும் ஏழைகளுக்கு சிறுகடன் வழங்குவதில் உலக அளவில் பெரும் புரட்சியை ஏற்படுத்துபவருமான பேராசிரியர் முகம்மது யூனுஸ் பதவி நீக்கம் செய்யப்பட்டார்.

அவர் உருவாக்கிய கிராமீன் வங்கி மிக நிர்வாக இயக்குநர் பதவியிலிருந்து வயதைக் காரணம் காட்டி நீக்கப்பட்டுள்ளார். அரசோடு ஏற்பட்ட நீண்ட கால மோதலால் இந்நடவடிக்கை எடுக்கப்பட்டுள்ளதாக ஊடகவியலாளர்கள் தெரிவித்தனர்.

பிரதமர் ஷேக் ஹசீனாவிடம் ஏற்பட்ட கருத்து வேறுபாட்டால் 2007 ல் புதிய கட்சி ஆரம்பிக்க இருந்தார். அவர் உருவாக்கிய கிராமீன் வங்கியில் பங்களாதேஷ் அரசுக்கு 25 சதவீத பங்குகள் இருந்தன.

பேராசிரியர் யூனுஸ் 70 வயதாகியும் கிராமீன் வங்கியின் தலைமைப் பதவியில் இருந்து அரசின் ஓய்வு பெறும் வயது சட்ட திட்டங்களை மீறியதாக கூறப்படுகிறது.

1999 ல் கிராமீன் வங்கியின் நிர்வாக இயக்குநராக நியமிக்கப்பட்ட யூனுஸ் அதற்கான அனுமதியை பங்களாதேஷ் வங்கியில் பெறவில்லை. அரசின் முன் அனுமதி பெற்று கிராமீன் வங்கியின் இயக்குநர்கள் மற்றும் நிர்வாக இயக்குநர்கள் அனுமதிக்க பட வேண்டும். இனி வங்கியின் மூத்த அதிகாரி இயல்பாகவே நிர்வாக இயக்குநர் பதவிக்கு அமர்த்தப்படுவார் என்று வங்கி தலைவர் தெரிவித்தார்.

பிரதமர் ஷேக் ஹசீனா கிராமின் வங்கியை தன் சொந்த வங்கி போல் யூனுஸ் நடத்தியதாகவும் ஏழைகளின் இரத்த்த்தை உறிஞ்சியதாகவும் குற்றம் சாட்டினார். ஆனால் செய்தியாளர்களும் முந்தைய ஐரிஸ் அதிபர் மேரி ராபினும் இவ்வங்கிக்கு பெருமளவு நிதி உதவி அளிக்கும் நார்வே அரசும் யூனுஸின் செயல்பாடுகளில் எந்த வித தவறும் இல்லை எனவும் அவர் அரசியல் காரணங்களுக்காக பழி வாங்கப்பட்டுள்ளார் எனவும் கூறுகின்றனர்.

ஆயினும் இச்சிறுகடன் திட்டம் பல நாடுகளில் முறையாக செயல்படவில்லை என்றும் இந்தியாவில் கடன் வாங்கியவர்கள் பலர் தற்கொலை செய்து கொண்டதையும் குறிப்பிடுகின்றனர்.

என்னவோ நடக்குது.மர்மமா இருக்குது........................