பயிற்சிக்கு செல்லாத சச்சின், ஹர்பஜன்சிங்

**சிவா** · **சிவா** Thu Mar 03, 2011 9:42 am

உலக கோப்பை கிரிக்கெட்டில் இங்கிலாந்துடன் நடந்த போட்டிக்கு பிறகு இந்திய அணி தனது 3வது லீக்கில் அயர்லாந்தை வருகிற 6ந் தேதி பெங்களூரில் சந்திக்கிறது. இதற்காக 2 நாட்கள் ஓய்வு எடுத்த இந்திய வீரர்கள் நேற்று மீண்டும் பயிற்சியை தொடங்கினார்கள்.

பெங்களூர் தேசிய கிரிக்கெட் அகாடமியில் கேப்டன் டோனி உள்பட 8 வீரர்கள் ஒரு மணி நேரம் பயிற்சி மேற்கொண்டனர். காயத்தால் முதல் 2 ஆட்டத்தில் விளையாட வேகப்பந்து வீச்சாளர் ஆஷிஷ் நெஹரா நேற்று வலை பயிற்சியில் ஈடுபட்டார். அவர் அயர்லாந்துக்கு எதிரான ஆட்டத்தில் களம் இறங்க வாய்ப்பு உள்ளது.

அதே சமயம் சீனியர் வீரர்கள் தெண்டுல்கர், ஜாகீர்கான், ஹர்பஜன்சிங் மற்றும் ஸ்ரீசாந்த், சுரேஷ் ரெய்னா ஆகியோர் பயிற்சிக்கு வரவில்லை. அவர்கள் ஓட்டலிலேயே தங்கி விட்டனர். தொடக்க ஆட்டக்காரர் ஷேவாக், சில தினங்களுக்கு முன்பு பயிற்சியின் போது விலாபகுதியில் பந்து தாக்கியதால் ஏற்பட்ட காயத்துக்காக டெல்லியில் மருத்துவ நிபுணருடன் ஆலோசனை பெற்றார். இதனால் அவர் இன்று அணியினருடன் இணைவார் என்று எதிர்பார்க்கப்படுகிறது.