இலவச டிவி வழங்குவதை நிறுத்த தேர்தல் ஆணையம் உத்தரவு

தேர்தல் நடத்தை விதிகள் அமலுக்கு வந்துள்ளதால் இலவச வ‌ண்ண‌த் தொலை‌க்கா‌ட்‌சி பெ‌ட்டி விநியோகத்தை நிறுத்துமாறு தமிழக அரசுக்கு தேர்தல் ஆணையம் உத்தரவிட்டுள்ளது.

சட்டப்பேரவைக்கு தேர்தல் தேதி அறிவிக்கப்பட்டதைத் தொடர்ந்து, நே‌ற்று மாலையில் இருந்து தேர்தல் நடத்தை விதிமுறைகள் அமலுக்கு வந்துள்ளன. இதனால், புதிய திட்டங்கள், அறிவிப்புகளை தமிழகம், புதுச்சேரி அரசுகள் அறிவிக்க முடியாது.

தேர்தல் நடத்தை விதிகளை மீறும் அதிகாரிகளுக்கு எதிராக கடும் நடவடிக்கை எடுக்கப்படும் என தலைமை தேர்தல் அதிகாரி பிரவீண் குமார் எச்சரித்தார்.

தேர்தல் நடைமுறைகள் முடியும்வரை இலவச வ‌ண்ண‌த் தொலை‌க்கா‌ட்‌சி பெ‌ட்டி விநியோகத்தை நிறுத்துமாறு துறைத் தலைவர்களும், மாவட்ட ஆட்சியர்களும் கேட்டுக்கொள்ளப்பட்டுள்ளதாக பிரவீண்குமார் வெளியிட்ட அறிக்கையில் தெரிவித்துள்ளார்.

இலவச தொலை‌க்கா‌ட்‌சி பெ‌ட்டியை விநியோகிப்பதற்கு உதவுவது கண்டுபிடிக்கப்பட்டால் அதிகாரிகளுக்கு எதிராக கடும் ஒழுங்கு நடவடிக்கை எடுக்கப்படும் எ‌ன்று‌ம் அவ‌ர் கூ‌றியு‌ள்ளா‌ர்.

சாலை போடுவது, குடிநீர் வசதி செய்துதருவது போன்ற நிதி சம்பந்தமான எந்த உறுதிமொழியையும் அமைச்சர்களோ, இதர நிர்வாகிகளோ அறிவிக்கக் கூடாது என்றும் தலைமைத் தேர்தல் அதிகாரி ‌பிர‌‌வீ‌ண்குமா‌ர் எச்சரித்து‌ள்ளா‌ர்.

இலவச வ‌ண்ண‌த்தொலை‌க்கா‌ட்‌சி பெ‌ட்டி விநியோகத் திட்டத்தின்கீழ் இதுவரை தொலை‌க்கா‌ட்‌சி வழங்கப்படாதவர்களுக்கு விநியோகிக்க 10 லட்சம் தொலை‌க்கா‌ட்‌சிகளை கொள்முதல் செய்ய தமிழக அரசு சமீபத்தில் உத்தரவிட்டிருந்தது. தொல‌ை‌க்கா‌ட்‌சி பெ‌ட்டி பெற உள்ள பயனாளிகளுக்கு ஏற்கனவே டோக்கன்களையும் அதிகாரிகள் விநியோகித்திருந்தனர் எ‌ன்பது கு‌றி‌ப்‌பிட‌த்த‌க்கது

அப்போ தோடர்ந்து கொடுத்துக்கொண்டுதான் இருக்கிறாங்களா

ஹாசிம் wrote:அப்போ தோடர்ந்து கொடுத்துக்கொண்டுதான் இருக்கிறாங்களா

ஆமாம் ஆமாம்.. இன்றைக்கு கூட எங்கள் பகுதியில் கொடுக்கப்பட்டது..

மாட்டினாங்க அரசியல்வாதிங்க... இப்ப என்ன பண்ணுவாங்க