நியூசி., அசத்தல் வெற்றி: ஜிம்பாப்வே ஏமாற்றம்

ஆமதாபாத்: ஆமதாபாத்தில் நடந்த உலக கோப்பை லீக் போட்டியில் அபாரமாக ஆடிய நியூசிலாந்து அணி, ஜிம்பாப்வேயை 10 விக்கெட் வித்தியாசத்தில் வென்றது.

ஆமதாபாத்தில் நேற்று நடந்த உலக கோப்பை கிரிக்கெட் தொடருக்கான, "ஏ' பிரிவு லீக் போட்டியில் (பகல்) நியூசிலாந்து, ஜிம்பாப்வே அணிகள் மோதின. "டாஸ்' வென்ற ஜிம்பாப்வே கேப்டன் சிகும்புரா, பேட்டிங் தேர்வு செய்தார்.

டெய்லர் ஆறுதல்:

முதலில் பேட்டிங் செய்த ஜிம்பாப்வே அணிக்கு சார்லஸ் கவன்ட்ரி (0) மோசமான துவக்கம் அளித்தார். அடுத்து வந்த தைபு (8), எர்வின் (11), சிகும்புரா (1), சகப்வா (0) உள்ளிட்ட "டாப்-ஆர்டர்' பேட்ஸ்மேன்கள் சொற்ப ரன்களில் வெளியேறினர். நிதான ஆட்டத்தை வெளிப்படுத்திய துவக்க வீரர் பிரண்டன் டெய்லர் (44) ஆறுதல் அளித்தார்.

சவுத்தி அபாரம்:

பின்னர் களமிறங்கிய லாம்ப் (18) "ரன்-அவுட்' ஆனார். மில்ஸ் வேகத்தில் கிரீமர் (22) நடையை கட்டினார். பிரைஸ் (11), உட்சேயா (36) உள்ளிட்ட "டெயிலெண்டர்கள்' டிம் சவுத்தி வேகத்தில் பெவிலியன் திரும்பினர். ஜிம்பாப்வே அணி 46.2 ஓவரில் 162 ரன்களுக்கு சுருண்டது. நியூசிலாந்து சார்பில் டிம் சவுத்தி 3, வெட்டோரி, மில்ஸ் தலா 2 விக்கெட் வீழ்த்தினர்.

எளிய வெற்றி:

சுலப இலக்கை துரத்திய நியூசிலாந்து அணிக்கு பிரண்டன் மெக்கலம், மார்டின் கப்டில் ஜோடி அசத்தல் ஆட்டத்தை வெளிப்படுத்தியது. பவுண்டரி, சிக்சருடன் ரன் வேட்டையை துவக்கிய மார்டின் கப்டில், 68வது பந்தில் அரைசதம் கடந்தார். மறுமுனையில் இவருக்கு ஒத்துழைப்பு தந்த பிரண்டன் மெக்கலம், சிகும்புரா வீசிய ஆட்டத்தின் 26வது ஓவரில் ஒரு சூப்பர் பவுண்டரி அடித்து, அரைசதத்தை பூர்த்தி செய்தார். ஜிம்பாப்வே பந்துவீச்சை எளிதாக சமாளித்த இந்த ஜோடி, அணியை வெற்றிக்கு அழைத்துச் சென்றது. நியூசிலாந்து அணி 33.3 ஓவரில் விக்கெட் இழப்பின்றி 166 ரன்கள் எடுத்து அசத்தல் வெற்றி பெற்றது. மார்டின் கப்டில் (86), பிரண்டன் மெக்கலம் (76) அவுட்டாகாமல் இருந்தனர். ஆட்ட நாயகனாக நியூசிலாந்தின் மார்டின் கப்டில் தேர்வு செய்யப்பட்டார்.

இரண்டாவது முறை

நேற்று அபாரமாக ஆடிய நியூசிலாந்து அணி, உலக கோப்பை வரலாற்றில் இரண்டாவது முறையாக பத்து விக்கெட் வித்தியாசத்தில் வெற்றி பெற்றது. முன்னதாக இத்தொடரில், கென்யாவுக்கு எதிராக பத்து விக்கெட் வித்தியாசத்தில் வெற்றி பெற்றது.

* ஏற்கனவே வெஸ்ட் இண்டீஸ் (1983, 92), தென் ஆப்ரிக்கா (2003) உள்ளிட்ட அணிகள் இரண்டு முறை பத்து விக்கெட் வித்தியாசத்தில் வெற்றி பெற்றுள்ளன.

பத்து விக்கெட் வித்தியாசத்தில் வெற்றி பெற்ற அணிகளின் விபரம்:

அணி எதிரணி ஆண்டு
இந்தியா கிழக்கு ஆப்ரிக்கா 1975
வெ.இ., ஜிம்பாப்வே 1983
வெ.இ., பாக்., 1992
தெ.ஆ., கென்யா 2003
இலங்கை வங்கதேசம் 2003
தெ.ஆ., வங்கதேசம் 2003
ஆஸி., வங்கதேசம் 2007
நியூசி., கென்யா 2011
நியூசி., ஜிம்பாப்வே 2011

ஸ்கோர் போர்டு

ஜிம்பாப்வே

டெய்லர் எல்.பி.டபிள்யு.,(ப)ஸ்டைரிஸ் 44(57)
கவன்ட்ரி -ரன் அவுட்-(பென்னட்) 0(2)
தைபு எல்.பி.டபிள்யு.,(ப)சவுத்தி 8(18)
எர்வின் (கே)ரைடர் (ப)மில்ஸ் 11(25)
சிகும்புரா எல்.பி.டபிள்யு.,(ப)வெட்டோரி 1(4)
சகப்வா (கே)டெய்லர் (ப)வெட்டோரி 0(2)
லாம்ப் -ரன் அவுட்-(கப்டில்/வெட்டோரி) 18(34)
உட்சேயா (ப)சவுத்தி 36(65)
கிரீமர் (கே)பிரண்டன் (ப)மில்ஸ் 22(43)
பிரைஸ் எல்.பி.டபிள்யு.,(ப)சவுத்தி 11(19)
பன்யான்காரா -அவுட் இல்லை- 4(9)
உதிரிகள் 7
மொத்தம் (46.2 ஓவரில், "ஆல்-அவுட்') 162
விக்கெட் வீழ்ச்சி: 1-2(கவன்ட்ரி), 2-27(தைபு), 3-42(எர்வின்), 4-46(சிகும்புரா), 5-46(சகப்வா), 6-86(டெய்லர்), 7-89(லாம்ப்), 8-122(கிரீமர்), 9-157(பிரைஸ்), 10-162(உட்சேயா).
பந்துவீச்சு: மில்ஸ் 10-0-29-2, சவுத்தி 9.2-3-29-3, பென்னட் 8-0-37-0, வெட்டோரி 10-3-25-2, ஸ்டைரிஸ் 4-0-13-1, நாதன் 3-0-15-0, ரைடர் 2-0-10-0.

நியூசிலாந்து

கப்டில் -அவுட் இல்லை- 86(108)
பிரண்டன் -அவுட் இல்லை- 76(95)
உதிரிகள் 4
மொத்தம் (33.3 ஓவர்) 166
பந்துவீச்சு: பன்யான்காரா 5.3-0-42-0, பிரைஸ் 7-0-23-0, உட்சேயா 6-0-23-0, லாம்ப் 5-0-18-0, கிரீமர் 7-0-38-0, சிகும்புரா 3-0-21-0.

இந்த ஆட்டத்தை நான் பார்க்கவில்லை .. தெளிவான தகவலுடன் செய்தி தந்தமைக்கு மிக்க நன்றிகள் அண்ணா ..