என் தாயே...தமிழே

by muruganandam Tue Mar 01, 2011 7:29 pm

முந்தைக்கும் முந்திப் பிறந்தவளே !
முத்தமிழே ! என் தாயே !!
விந்தைக்கும் விந்தையாக
வியன்சிறப்பு கொண்டவளே !
நீ ....
சந்தித்த போர்க்களங்கள்
சரித்திரத்தின் சித்திரங்கள்...
மலைமீது கொடி நாட்டி
கடல் தாண்டி ஆட்சி செய்து
ஊரன்றி உலகமெலாம்
உன் புகழை பாடி ஆடி
இருந்தது ஓர் பொற்காலம் ...!
உயிரணுவைக் காப்பதற்காய்
உன் புகழை மறந்து
அயலவனின் கால்பிடித்து
அடிமைகளாய் வாழ்வதுவோ தற்காலம்....
இல்லையில்லை ...
இது தமிழர்களின் கற்காலம் ...?
உலகுக்கு "வாழ்க்கை நெறி "
உன்மகனே வகுத்தளித்தான் ..
இருந்தாலும் அவர் வாழ்வு
நெறி குலைந்து வீழ்ச்சி காணும்
நேரம் இது தாயே....!!
இவர்களுக்கு ....இன்று ...இப்போது ..
கண்ணுண்டு....கருத்தில்லை
காலுண்டு....நடையில்லை
கையுண்டு ...செயலில்லை
நெஞ்சுண்டு...நினைவில்லை ...
உயிருண்டு...உடலுண்டு - ஆனாலும்
உணர்வில்லை என் தாயே ..!
தமிழ் வாழ தான் வாழும்
மனமில்லை ! மாணமில்லை !!
உன் தாள்கள் நான் வனங்கி
உணர்வளிக்கும் படையோடு
ஓங்கிக் குரல் கொடுக்க
நின்றேன் நானே ...!
வாழ்த்து தாயே ..!!

by அசோகன் Tue Mar 01, 2011 7:36 pm

இது தமிழர்களின் கற்காலம் .. அவலத்தை சாடும் அற்புத வரி............

by **சிவா** Tue Mar 01, 2011 8:18 pm

மனம் வருந்தி எழுதிய வரிகள் அருமை முருகானந்தம்! முதல் படைப்பே முத்தான கவிதையாகத் தந்துள்ளீர்கள்! தொடருங்கள் உங்களின் சிறந்த படைப்புகளையும், பின்னூட்டங்களையும்!

என் தாயே...தமிழே 154550

by மஞ்சுபாஷிணி Tue Mar 01, 2011 10:15 pm

தமிழுக்கான அழகிய கவிதையோடு ஈகரைக்கு வந்திருக்கும் உங்களுக்கு என் அன்பான வரவேற்புகள் முருகானந்தம்..... உங்கள் படைப்புகள் இன்னும் தொடர என் அன்பு வாழ்த்துக்கள்......

by தமிழ்ப்ரியன் விஜி Wed Mar 02, 2011 9:34 am

அருமை!!!!

by கலைவேந்தன் Wed Mar 02, 2011 1:15 pm

அழகான கவிதை முருகானந்தம்.. ஒன்று கேட்கத் தோணியது.

என்னுடன் பி ஏ முதல் எம் ஏ பி எட் வரை படித்த முருகானந்தம் நீங்க தானா..? உங்கள் வயது உஙக்ள் கவித்திறம் அவனை நினைவுகூர வைத்தது..

நீங்கள் பயின்றது கும்பகோணம் கல்லூரி என்றால் மட்டுமே ஆமாம் என்று சொல்லுஙக்ள்... இல்லையேல் பரவாயில்லை.

பழைய நினைவுகள் வந்தன..