93 வயதிலும் நானே முதலமைச்சர் – கலைஞர் அறிவிப்பு !

First topic message reminder :

93 வயதிலும் நானே முதலமைச்சர் -
கலைஞர் அறிவிப்பு !

இன்றைய தினம் நக்கீரனில் வெளிவந்திருக்கிற
இரண்டு தனித்தனி செய்திகள் -
————-

1) சென்னையில் கலைஞரின் ஆசை !

சேகர்பாபு கூட்டிய கூட்டத்தில் பேசும்போது
கலைஞர் தன் ஆசையை வெளியிட்டுப் பேசியது -

“இன்னும் 6 வருடத்தில், தமிழ்நாட்டிலே
இருக்கின்ற எல்லா குடிசைகளும் கான்கிரீட்
வீடுகளாக ஆகிவிடும்.

இன்னும் 6 வருடத்திலா ? நீ இருப்பாயா –
என்றால் நானும் இருப்பேன் -
என் ஆட்சியும் இருக்கும் !”

———————————-

கலைஞர் இன்னும் 100 ஆண்டுகள் வாழ வேண்டும்
என்பதே நம் ஆசையும்.

ஆனால் – இப்போதே வயது 87.
இன்னும் 6 ஆண்டுகள் என்றால் -93 வயது.

93 வயது முதியவரை வேலை வாங்குவது
கொடுமை அல்லவா ? இரக்கமில்லாத
செயல் அல்லவா ?
கற்பனை செய்து பார்க்கவே
பயங்கரமாக இருக்கிறதே.
தமிழ் மக்கள் என்ன அவ்வளவு
கொடிய கல் நெஞ்சுக்காரர்களா ?

கலைஞர் இன்னும்
100 ஆண்டுகள் வாழட்டும்.

ஆனால் முதல்வராக அல்ல -
வீட்டில் ஓய்வெடுத்துக்கொண்டு,
பேரன்கள் தயாரிக்கும்
திரைப்படங்களையும்,
மானாட மயிலாட நிகழ்ச்சிகளையும்
ஹோம் தியேட்டரில்
ஆனந்தமாக மாற்றி மாற்றி
பார்த்துக்கொண்டு !

அதுவே நம் ஆசை -வேண்டுதல் எல்லாம் !

—————————————————————————————–

2) இது இப்படி இருக்க மதுரையில்
மு.க.அழகிரியோ வேறு மாதிரி
ஆசைப்படுகிறார் -

மதுரையில் மு.க.அழகிரி பேச்சு -

“இங்கே பேசிய பலரும் டாக்டர் கலைஞர்
6-வது முறையாக முதலமைச்சராக வருவார்
என குறிப்பிட்டனர்.

நான் கூறுகிறேன் 6-வது முறை மட்டுமல்ல,
7-வது முறையும் கலைஞர் தான்
முதலமைச்சராக வருவார்”.

———————————
அப்படி என்றால் 97 வயதிலும் கலஞர் தான்
முதலமைச்சரா ? விட மாட்டீர்களா ?

ஆக மொத்தம் -
எப்படியும் ஸ்டாலின் வந்து விடக்கூடாது -
அவ்வளவு தானே ?
உங்கள் இரண்டாவது ஆசை நிறைவேற
வாழ்த்துக்கள் அழகிரி அவர்களே !

vimarisanam.wordpress

கவலை வேண்டாம் ! மக்கள் ஒய்வு கொடுக்கவிட்டாலும் கடவுள் ஒய்வு தருவர்....