தாய்ப்பாலில் தயாரான ஐஸ்கிரீம் -- ஒரு கப் விலை ரூ1,000

லண்டன்: தாய்ப்பாலின் மகத்துவத்தை பற்றி உலகில் அனைவரின் கவனத்தையும் கவர்வதற்காக, லண்டனில் உள்ள ஐஸ்கிரீம் பார்லர் தாய்ப்பாலில் தயாரித்த ஐஸ்கிரீமை அறிமுகம் செய்துள்ளது.
குழந்தைக்கு தாய்ப்பால் கொடுப்பதன் அவசியத்தை வலியுறுத்தி உலகம் முழுவதும் பல வழிகளில் விழிப்புணர்வு பிரசாரம் நடக்கிறது.
இளைய தலைமுறைக்கு தாய்ப்பாலின் மகத்துவத்தை உணர்த்த புதுமையான வழியை லண்டனை சேர்ந்த ஐஸ்கிரீமிஸ்ட் என்ற பார்லர் உரிமையாளர் மாட் ஓ’கானர் யோசித்தார்.
சமீபத்தில் குழந்தைக்கு தாயான விக்டோரியா ஹீலி (35) என்ற பெண்ணிடம் இருந்து தாய்ப்பாலை பெற்று, வெனிலா, எலுமிச்சை பேஸ்ட் கலந்து ஐஸ்கிரீமாக தயாரித்தார். அதற்கு ‘பேபி காகா’ என்று பெயரிடப்பட்டது.
இதுபற்றி ஓ’கானர் கூறுகையில், ‘‘ஐஸ்கிரீம் தயாரிப்பில் கடந்த 100 ஆண்டுகளாக யாரும் எந்த புதுமையும் செய்யவில்லை. தாய்ப்பாலில் ஐஸ்கிரீம் தயாரித்ததை கேட்டு சிலர் முகம் சுழிக்கலாம். ஆனால், அதன் மகத்துவம் பற்றி இளைய தலைமுறை பெண்களுக்கு புரிந்தால் போதும்’’ என்றார்.
‘பேபி காகா’ ஐஸ்கிரீம் ஸி1,000க்கு விற்பனை செய்யப்பட்டது.
அதற்கு தாய்ப்பால் அளித்த விக்டோரியா ஹீலி கூறுகையில், ‘‘தாய்ப்பாலை விட இயற்கையான ஒரு விஷயம் உலகில் இல்லை. அதில் சிறிதளவை பணத்துக்காக விற்பதில் என்ன தவறு இருக்கிறது’’ என்றார். அவர் அளித்த 10 அவுன்ஸ் தாய்ப்பாலுக்கு ஸி1,125 கிடைத்தது.
இதையடுத்து, மேலும் 15 பெண்கள் இதற்கு முன்வந்தனர். எனினும், விற்பனை நோக்கில் இதை செய்யவில்லை. தாய்ப்பால் ஐஸ்கிரீமுக்கு லண்டனில் அதிக வரவேற்பு இருந்தாலும், அதை தொடர்ந்து விற்பனை செய்யும் திட்டமில்லை என்று ஐஸ்கிரீமிஸ்ட் பார்லரின் செய்தித் தொடர்பாளர் தெரிவித்தார்.
தாய்ப்பாலில் ஐஸ்கிரீம் தயாரிக்கப்பட்டு விற்பனை செய்யப்பட்டது குறித்து ஆதரவு, எதிர்ப்பு குரல்கள் இணையதளத்தில் ஒலிக்கத் துவங்கியுள்ளது.

இதெல்லாம் ஒரு பொலப்பு? பணம் சம்பாதிக்கணும்னா என்ன வேணும்னாலும் பன்றான் மனிதன்.....! தாய் பாலின் புனிதத்தயே கெடுத்துட்டாணுக....!

கலி முத்திடுத்து

ஆட்டக் கடிச்சு மாட்டக் கடிச்சு கடைசியில் தாய்மையின் சின்னத்தையும் விக்க ஆரம்பிச்சுட்டாங்க!