தியாகராயநகர் ரங்கநாதன் தெருவில் கூட்ட நெரிசலில் பணம் பறிக்கும் பெண்கள் கைது!!

by **அருண்** Sun Feb 27, 2011 6:47 pm

First topic message reminder :

சென்னை தியாகராயநகர் ரங்கநாதன் தெருவில் கூட்ட நெரிசலை பயன்படுத்தி பணம் பறிக்கும் பெண்கள் கும்பல் பற்றி மாம்பலம் போலீசுக்கு புகார்கள் வந்தன.

மாம்பலம் போலீசார் சாதாரண உடையில் ரங்கநாதன் தெருவில் கண்காணித்து வந்தனர். அப்போது சந்தேகத்துக்கிடமாக 3 பெண்கள் வேகமாக சென்றதைக் கண்டனர். அவர்களை தடுத்து நிறுத்தி போலீசார் விசாரித்தனர்.

அவர்கள் முன்னுக்கு பின் முரணாக பதில் அளித்தனர். இதனால் அவர்களை மாம்பலம் போலீஸ் நிலையம் கொண்டு சென்று விசாரித்தனர். விசாரணையில் அவர்கள் ரங்கநாதன் தெருவில் கூட்ட நெரிசலைப்பயன்படுத்தி அவ்வழியாக செல்பவர்களிடம் கைப்பைகளை திடீரென்று பறித்துச் செல்லும் பெண் கொள்ளையர்கள் என்று தெரியவந்தது.

புதுக்கோட்டையை சேர்ந்த அவர்கள் பெயர் ஜோதி, முருகேஸ்வரி, ஜக்கம்மா என்பதும், பஸ்களில் கூட்ட நெரிசலைப் பயன்படுத்தி அவர்கள் திருடுவதும் தெரிய வந்தது. இதையடுத்து அவர்களை போலீசார் கைது செய்தனர்.

அவர்கள் எங்கெங்கு தங்கள் கைவரிசைகளை காட்டினர். கொள்ளையடித்த பணம், நகைகளை எங்கு வைத்துள்ளனர் என்று போலீசார் விசாரணை நடத்தி வருகின்றனர்.

மாலை மலர்