ஏகாந்த நிஜங்கள்... !!

நியாஸ் அஷ்ரஃப் · 15/06/2010

தினமும்
சப்தம் உறங்கிப்போன
நிசப்தங்களில்
விழித்துக்கொள்ளும் என்
நினைவுகள்
கசியும் இந்த
நிஜங்கள்
ஏதோ செய்யும்
என்னை
ஏகாந்த வேளையில்

ஜாதி மத
தேசமென்னும்
எத்தனைக் கோடுகள்
என்னைச் சுற்றி
இத்தனைக் கூர்களின்
மத்தியில்
பிரித்து வைக்கப்பட்டவன்தான்
பிறந்தபோதிலிருந்தே

இங்கே
சமத்துவம் என்பது
கோடுகளின்
எல்லைக்குள் நின்று
கைகுலுக்கிக்கொள்வதாயிற்று

பிரிவினை
பல கோடுகளைக் கடந்து
சுருங்கி சுருங்கி
முடிவில்
வந்து முடிவைகிறது
நான் என்னும்
ஒரு சிறிய எல்லையில்

எப்படி முடிகிறது
நமக்கு மட்டும்
பார்க்கும்
அத்தனையிலும்
இப்படி
நல்லது தீயது காண

பலவந்தப்படுத்துபவன் பாவி
இரவில்
மனைவியின் இயலாமை
அறியாமல்
தன் பசிதீர்த்துக்கொள்ளும்
குடிகாரப் புருஷன்
ஆண்மகன்

ஆம்
சரியும் தவறும்
என்பதெல்லாம்
சமூக
அங்கீகரிப்புகளில்
அடைபட்டிருக்கிறது
அதனால்தான்
எதையும்
எடைபோடக்
கற்றுக்கொள்கிறார்கள்
பிரித்துவைத்து

அடிமைத்தனத்தின்
ஆழத்தில் இருக்கிறோம்
என்பதை
சற்றும் அறியாமல்
ஆணாதிக்கத்தை
ஆனந்தமாய்
அனுபவிக்கப்பழகிவிட்டு
இன்றும்
பல வீடுகளில்
பெண்கள்

மதிப்பெண்ணில்தான்
எதிர்காலமென்னும்
அறிவு முடமாக்கப்பட்ட
கல்வியமைப்பில்
எது கல்வியென்று
காரணமே அறியாமல்
வெறும்
மனப்பாட எந்திரங்களாய்
பொதி சுமக்கும்
எத்தனை குழந்தைகள்

கலாச்சாரம்
கற்றுக்கொடுக்கப்படுவது
பழக்க வழக்கங்களில் இல்லை
மாறாய்
மனிதம் மறைக்கும்
மதங்களென்னும்
மாசுக்களில் தான்..

கலாச்சாரமே
தவறாய்
கற்பிக்கப்படும்போது
கலாச்சார சீர்கேடுகளைப்
பற்றிப் பேச
நாம் யார்

என் தேசத்தின்
வெற்றியெனில்
நான்
கைதட்டத்தான்
வேண்டியிருக்கிறது
கூட்டத்தோடு சேர்ந்து
அங்கே எவனோ
ஒரு தேசத்துக்காரன்
தோற்றிருக்கிறான் என்பது
உரைப்பதே இல்லை எனக்கு

நாடகத்தனமான வாழ்க்கையில்
நம்மைத் தொலைத்துவிட்டு
எதார்த்தங்களைத்
தேடுவது
சாத்தியமில்லை
மூட நம்பிக்கைகளில்
மூழ்கிக்கொண்டு
நாட்டாமை செய்வது
நியாயமே இல்லை

இது என் தேசம்
இதுவே என் மதம்
என
மந்தை மந்தையாய்
என் அடையாளம்
காண்பிக்கப்படும்வரை
நிச்சயமாய்
என் சுயமே
கண்டறிய இயலாது
நான் என்னும் என்னை.. !

செய்தாலி · செய்தாலி Wed Mar 02, 2011 4:21 pm

என்ன ஒரு வார்த்தை பிரயோகம் மிக அருமையான வரிக்கோர்வைகள்
பொட்டி தெறித்து சிதறும் மனிதர்களின் எதார்த்தங்கள் அருமை அருமை

பாராட்டுக்கள் வாழ்த்துக்கள் தோழரே

நியாஸ் அஷ்ரஃப் · 15/06/2010

syedali wrote:என்ன ஒரு வார்த்தை பிரயோகம் மிக அருமையான வரிக்கோர்வைகள்
பொட்டி தெறித்து சிதறும் மனிதர்களின் எதார்த்தங்கள் அருமை அருமை

பாராட்டுக்கள் வாழ்த்துக்கள் தோழரே

உங்கள் வாழ்த்து மழையில் நனைகிறேன்.. மிக்க நன்றி நண்பரே..

கலைவேந்தன் · கலைவேந்தன் Wed Mar 02, 2011 8:41 pm

அழகான கவிதை அருமையான வார்த்தைப் பிரயோகம்... வாழ்த்துகள் நியாஷ்..!

மஞ்சுபாஷிணி · மஞ்சுபாஷிணி Wed Mar 02, 2011 10:10 pm

நிதர்சனங்களின் சப்தங்கள் இங்கே உயிர் தாங்கிய வரிகளாக மனம் தாக்கும் கவிதையாக சுயம் இழந்து நாம் வெறும் மந்தையாக இருப்பதை சாடும் வரிகள் மிக மிக அருமை நியாஸ்..... அன்பு வாழ்த்துக்கள்....

**இளமாறன்** · **இளமாறன்** Thu Mar 03, 2011 1:25 am

சீரிய உணர்ச்சிகள் கொந்தளித்து கவிதையாய் மிக அழகாய் ஆழமாய் வாழ்த்துக்கள் ஏகாந்த நிஜங்கள்... !! 677196

ஆண்மையின் கீழ் பெண்மை கல்வி கலாசாரம் தகுதி என்ன எதனை பொலிவுடன் அழகான கவிதை ஏகாந்த நிஜங்கள்... !! 154550

இந்த பதிவைத் துவங்கியவர் நன்றி கூறியுள்ளார் இளமாறன்

நியாஸ் அஷ்ரஃப் · 15/06/2010

கலை wrote:அழகான கவிதை அருமையான வார்த்தைப் பிரயோகம்... வாழ்த்துகள் நியாஷ்..!

நன்றி கலை அண்ணா..

நியாஸ் அஷ்ரஃப் · 15/06/2010

மஞ்சுபாஷிணி wrote:நிதர்சனங்களின் சப்தங்கள் இங்கே உயிர் தாங்கிய வரிகளாக மனம் தாக்கும் கவிதையாக சுயம் இழந்து நாம் வெறும் மந்தையாக இருப்பதை சாடும் வரிகள் மிக மிக அருமை நியாஸ்..... அன்பு வாழ்த்துக்கள்....

மந்தையாக இருப்பதன் வெறுமையில் தான் இந்த வரிகள் அக்கா.. உங்கள் வாழ்துக்களுக்கு நன்றி..

Sponsored content · Sponsored content

ஏகாந்த நிஜங்கள்... !!

ஏகாந்த நிஜங்கள்... !!

Re: ஏகாந்த நிஜங்கள்... !!

Re: ஏகாந்த நிஜங்கள்... !!

Re: ஏகாந்த நிஜங்கள்... !!

Re: ஏகாந்த நிஜங்கள்... !!

Re: ஏகாந்த நிஜங்கள்... !!

Re: ஏகாந்த நிஜங்கள்... !!

Re: ஏகாந்த நிஜங்கள்... !!

Re: ஏகாந்த நிஜங்கள்... !!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக