நகைப்பதற்கா.... நகை.......??

by ஹாசிம் Sat Feb 26, 2011 12:28 pm

கன்னியுனை காண்போர் நகைக்கு
காட்சிப்படுத்திய கோலத்தில்
இக் கலியுகத்தின் தேவையெதுவோ
காலத்தின் கட்டாயமா
தற்பெருமையின் பிரதிபலனா

பிறர் நகைப்பதற்கு நகையணிந்து
நங்கையுன் புகழ்மறந்து
நலங்களேயற்ற நலம்பெற
நாடியதின் விளைவிதுவா

தங்கக்குவியல்களோடு மனதை
தகரங்களாகின்ற குணங்களாக்கி
பெண்களின் உலாவில்
பேதங்களும் உருவாகிறதே...

அளவுக்கு மீறிய ஆசையுடன்
அனர்த்தங்களை நோக்கிய
செயற்பாடு வேண்டியதில்லை
அர்த்தமுணர்ந்து களைவதில்
சமனிலை அடைந்திடலாமே...

by **பிளேடு பக்கிரி** Sat Feb 26, 2011 1:22 pm

சிந்திக்க வேண்டிய கவிதை... நகைப்பதற்கா.... நகை.......?? 677196

by **அருண்** Sat Feb 26, 2011 1:29 pm

பிறர் நகைப்பதற்கு நகையணிந்து
நங்கையுன் புகழ்மறந்து.

ஆசைக்கு அளவில்லை அண்ணா! தற்பெருமை காரர்களுக்கு இது ஒரு எடுத்துக்காட்டு. மகிழ்ச்சி

by ஹாசிம் Wed Mar 02, 2011 7:34 pm

மிக்க நன்றி நண்பர்களே....

by நியாஸ் அஷ்ரஃப் Wed Mar 02, 2011 7:40 pm

ஹாசிம் wrote:

எவ்ளோ தேறும் ???

by ஹாசிம் Wed Mar 02, 2011 7:45 pm

niash wrote:
ஹாசிம் wrote:

எவ்ளோ தேறும் ???

150கிலோவாம்........ என்ன கொடுமை சார் இது

by நியாஸ் அஷ்ரஃப் Wed Mar 02, 2011 7:50 pm

ஹாசிம் wrote:
niash wrote:
ஹாசிம் wrote:

எவ்ளோ தேறும் ???

150கிலோவாம்........

150 கிலோவா ?? இப்ப எங்க இருக்கும் ? அட்ரஸ் தெரியுமா ?? நகைப்பதற்கா.... நகை.......?? 89452

by மஞ்சுபாஷிணி Wed Mar 02, 2011 7:57 pm

சரியான கவிதை ஹாசிம்....
கேரளாவில் மட்டும் தான் இப்படி நகைப்பெட்டகாமாக நடக்க விடுவார்கள் பெண்ணை..... கிலோ கணக்கில் தங்கம் கொடுத்து பெண்ணையும் கொடுத்து பழக்கப்படுத்தி அதன்பின் ஏன் தட்சணை வாங்கமாட்டார்கள் மாப்பிள்ளை வீட்டார்?

தங்கம் இருப்போர் கொடுத்து ஊக்குவிப்பதால் ஏழைகளின் நிலை கேள்விக்குறியாகிவிடுகிறது என்பதை அழகிய வரிகளால் புரியவைத்த மற்றுமொரு கருத்து சொன்ன அருமையான கவிதைக்கு என் அன்பு தம்பி ஹாசிமுக்கு என் அன்பு வாழ்த்துக்கள்....

by கலைவேந்தன் Wed Mar 02, 2011 9:13 pm

அழகான சமூகச்சாடல்... பாராட்டுக்கள் ஹாசிம்..!

தங்க நகையணிந்து நங்கையின் நகை மறைந்து
அங்கமெல்லாம் தந்தையின் கண்ணீரே கவசமாய்
பெற்றோரின் எதிர்கால வளங்கள் நகைகளாய்
உற்றோரின் பெருமைக்காய் உருவிழந்தாய் மானிடனே..!