இந்தியர்களை மீட்க நடவடிக்கை தினமும் 2 இந்திய விமானங்களுக்கு லிபிய அரசு அனுமதி

புதுடெல்லி, பிப்.26- லிபியாவில் சிக்கியுள்ள இந்தியர்களை மீட்பதற்காக தினமும் இரண்டு இந்திய விமானங்களுக்கு லிபிய அரசு அனுமதி அளித்துள்ளது. 10 நாட்களுக்கு இந்த அனுமதி நீடிக்கும்.

18 ஆயிரம் பேர்

லிபியாவில் அதிபர் கடாபிக்கு எதிராக புரட்சி வெடித்துள்ளது. அந்த நாட்டின் கிழக்கு பகுதியில் உள்ள நகரங்களை புரட்சியாளர்கள் கைப்பற்றி விட்டனர். ஆனால், தலைநகர் திரிபொலி உள்ளிட்ட பல்வேறு நகரங்களில் கலவரம் தொடர்ந்து வருகிறது. கலவரத்தில் தமிழ்நாட்டை சேர்ந்த 2 பேர் பலியாகி விட்டனர்.

இதனால், அங்கு வசிக்கும் 18 ஆயிரம் இந்தியர்களை மீட்கும் முயற்சியை மத்திய அரசு தொடங்கி உள்ளது. இதற்காக, இந்திய மீட்பு விமானங்களை தரை இறங்க அனுமதிக்குமாறு லிபிய அரசிடம் மத்திய அரசு கோரிக்கை விடுத்தது. அது தொடர்பான முயற்சிகளை அங்குள்ள இந்திய தூதர் மணிமேகலை மேற்கொண்டு வந்தார்.

10 நாட்களுக்கு அனுமதி

இந்த சூழ்நிலையில், தினமும் இரண்டு விமானங்கள் தரை இறங்குவதற்கு லிபிய அரசு அனுமதி அளித்துள்ளது. 10 நாட்களுக்கு இந்த அனுமதி வழங்கப்பட்டுள்ளது. அதன்படி, இன்று முதல் (பிப்.26) மார்ச் 7-ந் தேதி வரை தினமும் இரண்டு ஏர் இந்தியா விமானங்கள் லிபியாவில் தரை இறங்கும். அந்த விமானங்கள் மூலமாக அங்குள்ள இந்தியர்கள் பத்திரமாக மீட்கப்படுவார்கள்.

இந்த தகவலை மத்திய வெளியுறவு மந்திரி எஸ்.எம்.கிருஷ்ணா நேற்று டெல்லியில் தெரிவித்தார். ஒருவேளை, 10 நாட்களுக்குள் 18 ஆயிரம் இந்தியர்களையும் மீட்க முடியாவிட்டால் மேலும் சில நாட்களுக்கு இந்திய விமானங்கள் தரை இறங்க அனுமதி கேட்கப்படும் என்றும் அவர் கூறினார். முதல் விமானம் இன்று லிபியா செல்கிறது.

கப்பல்கள் மூலமாக மீட்பு

இதற்கிடையே, கப்பல்கள் மூலமாகவும் இந்தியர்களை மீட்டுவர நடவடிக்கை எடுக்கப்பட்டு இருக்கிறது. லிபியாவின் அண்டை நாடான எகிப்துக்கு கப்பல்கள் அனுப்பப்பட்டுள்ளன. லிபியாவில் இருந்து எகிப்துக்கு வரும் இந்தியர்களை எகிப்து துறைமுகத்தில் இருந்து கப்பல் மூலமாக அழைத்து வர திட்டமிடப்பட்டுள்ளது.

இது தவிர, மூன்று போர்க் கப்பல்களையும் லிபியா கடற்பகுதிக்கு அனுப்புவது குறித்து மத்திய அரசு பரிசீலித்து வருகிறது. இந்திய கடற்படையின் பெரிய கப்பல்களில் ஒன்றான ஐ.என்.எஸ். ஜலஸ்வா உட்பட 3 கப்பல்கள் அங்கு செல்லும்.

தினதந்தி

இந்தியர்களை அழைத்து வர 2 கப்பல்கள் இன்று லிபியா விரைகின்றன


கலவரத்தால் பாதிக்கப்பட்டுள்ள லிபியாவில், 18 ஆயிரம் இந்தியர்கள் சிக்கித் தவிக்கிறார்கள். அவர்களை மீட்டு இந்தியாவுக்கு அழைத்து வர, ஐ.என்.எஸ். ஜலஷ்வா, ஐ.என்.எஸ். மைசூர் ஆகிய இந்திய கடற்படை போர்க்கப்பல்கள் இன்று மும்பையில் இருந்து லிபியாவுக்கு விரைகின்றன. 8 முதல் 10 நாட்கள் பயணத்துக்கு பிறகு, இக்கப்பல்கள் எகிப்து நாட்டின் அலெக்சாண்டிரியா நகரை சென்றடையும். அங்கிருந்து, லிபியா நாட்டின் ஏதாவது ஒரு துறைமுகத்துக்கு சென்று, இந்தியர்களை ஏற்றி வரும்.

இக்கப்பல்களில், தலா ஆயிரம் பேருக்கு மேல் பயணம் செய்ய முடியும். இவற்றில் மருத்துவ வசதிகளும் உள்ளன.

அப்பா இந்த அளவுக்காவது இந்தியா அரசு உதவி செய்யுதேய்
அதுவரைக்கும் என் மனமார்ந்த நன்றிகள்