தலித் கிறிஸ்தவர்க‌ள் எஸ்.சி: பிரதமருக்கு கருணாநிதி கடிதம்

தலித் கிறிஸ்தவர்களை தாழ்த்தப்பட்டோர் பட்டியலில் சேர்க்க உடனடியாக நடவடிக்கை எடுக்க வேண்டும் என்று பிரதமர் மன்மோகன் சிங்கை முதலமைச்சர் கருணாநிதி வ‌லியுறு‌த்‌தியு‌ள்ளா‌ர்.

இது தொடர்பாக பிரதமருக்கு அவ‌ர் எழு‌தியு‌ள்ள கடிதத்தில், மதம் மாறிய கிறிஸ்தவர்களை தாழ்த்தப்பட்டோர் பட்டியலில் சேர்ப்பதற்கு நீங்கள் நேரடியாக தலையிட வேண்டும் என்று 2.4.2010 அன்று கடிதம் மூலம் தங்கள் கவனத்திற்கு கொண்டு வந்தேன். இது தொடர்பாக 25.10.1996 அன்றும், 7.8.2006 அன்றும் மத்திய அரசுக்கு நான் ஏற்கனவே கடிதம் எழுதியிருந்தேன்.

இந்த கோரிக்கையை மத்திய அரசிடம் தமிழக அரசு பலதடவை வலியுறுத்தியுள்ள போதிலும், மத்திய அரசு எந்த உத்தரவையும் இதுவரை பிறப்பிக்கவில்லை. இந்திய அரசியலமைப்புச் சட்டம் 1950 (தாழ்த்தப்பட்டோர்), திருத்திய சட்டம் 1956 மற்றும் தாழ்த்தப்பட்டோர் மற்றும் பழங்குடியின திருத்த சட்டம் 1976‌ன் படியும், இந்து மதம், சீக்கிய மதம், புத்த மதம் அல்லாத எவரும் தாழ்த்தப்பட்டோராக கருதப்படமாட்டார்கள்.

தாழ்த்தப்பட்டோர் எந்த மதத்தை சார்ந்தவராக இருந்தாலும் சமூக, பொருளாதாரத்தில் பின்தங்கியவர்களாகவே இருக்கின்றனர் என்று தமிழக அரசு கருதுகிறது. அதனால், தாழ்த்தப்பட்டோர் எந்த மதத்தைச் சேர்ந்தவர்களாக இருந்தாலும் அவர்களுக்கு தாழ்த்தப்பட்டோருக்கு வழங்கப்படும் அனைத்து சலுகைகளையும் வழங்குவதற்கு தேவையான நடவடிக்கைகளையும் இந்த அரசு எடுக்கும் என்று உறுதி அளித்துள்ளது.

மேலும், தலித் கிறிஸ்தவர்களை தாழ்த்தப்பட்டோர் பட்டியலில் சேர்க்க வேண்டும் என்று மத்திய அரசிடம் தமிழக அரசு வலியுறுத்தும் என்று கடந்த மாதம் 6ஆ‌ம் தேதி நடந்த சட்ட‌ப்பேரவை கூட்டத்தில் ஆளுந‌ர் பர்னாலா அறிவித்தார். டெல்லியில் கடந்த 21ஆ‌ம் தேதி பிரதமர் தலைமையில் நடந்த வெளி விவகாரங்களுக்கான மத்திய அமைச்சரவைக் கூட்டத்திலும் இந்த பிரச்சனை விவாதிக்கப்பட்டுள்ளது.

இந்த விவகாரம் கடந்த 15 ஆண்டுகளாக மத்திய அரசிடம் நிலுவையில் உள்ளது. எனவே, இந்த விடயத்தில் நீங்கள் நேரடியாக தலையிட்டு, அரசியலமைப்புச் சட்டப் பிரிவு 341 (2)-க்கு தேவையான சட்டத்தை நாடாளுமன்றத்தில் கொண்டு வந்து நிறைவேற்ற தேவையான நடவடிக்கைகள் எடுக்க வேண்டும் எ‌ன்று கருணா‌நி‌தி வ‌லியுறு‌த்‌தியு‌ள்ளா‌ர்.

இவரு மட்டும் இல்லைன்னா தபால் என்கிற முறை என்றோ அழிந்திருக்கும்

ரபீக் wrote:இவரு மட்டும் இல்லைன்னா தபால் என்கிற முறை என்றோ அழிந்திருக்கும்

ஆமாம் நண்பா. தாத்தா தான் இன்னும் லெட்டர் அனுபிக்கிட்டு இருக்கு