மாவோயிஸ்டுகளால் கடத்தப்பட்ட கலெக்டர் விடுதலை 8 நாட்களுக்கு பிறகு வீடு வந்து சேர்ந்தார்

**சிவா** · **சிவா** Fri 25 Feb 2011 - 9:04

ஒரிசாவில்
மாவோயிஸ்டுகளால் கடத்தப்பட்ட கலெக்டர் விடுதலை
8 நாட்களுக்கு பிறகு வீடு வந்து சேர்ந்தார்

மாவோயிஸ்டுகளால் கடத்தப்பட்ட கலெக்டர் விடுதலை 8 நாட்களுக்கு பிறகு வீடு வந்து சேர்ந்தார் Col25

ஒரிசாவில், மாவோயிஸ்டுகளால் கடத்தப்பட்ட கலெக்டர், 8 நாட்களுக்கு பிறகு நேற்று விடுதலை செய்யப்பட்டார். அவர் பத்திரமாக வீடு திரும்பினார்.

கலெக்டர் கடத்தல்

ஒரிசா மாநிலத்தில் மல்காங்கிரி மாவட்ட கலெக்டராக பணியாற்றி வருபவர், ஆர்.வி.கிருஷ்ணா. 30 வயதான இவர், மலைப்பகுதியில் நடக்கும் வளர்ச்சி திட்டங்களை பார்வையிட, என்ஜினீயர் பபித்ரா மோகன் மஜி என்பவருடன் மோட்டார் சைக்கிளில் சென்றார்.

அப்போது அவர்களை மாவோயிஸ்டுகள் வழிமறித்து, தங்கள் கட்டுப்பாட்டில் இருக்கும் துலியாம்பா காட்டு பகுதிக்கு கடந்த 16-ந்தேதி பகலில் கடத்திச்சென்று விட்டனர். இந்த நிலையில் இருவரையும் விடுவிக்க, மாவோயிஸ்டுகளுடன் தொடர்புடையவர்களிடம் பேச்சு நடந்தது. இதன் பலனாக நேற்று முன்தினம் என்ஜினீயர் மட்டும் விடுதலை ஆனார்.

விடுதலை ஆனார்

நேற்று தொடர்ந்து பேச்சுவார்த்தை நடந்தது. அப்போது, சிறையில் இருக்கும் பத்மா என்ற பெண் தீவிரவாதி உள்பட 5 பேரை விடுவிக்க வேண்டும் என்று புதிய கோரிக்கையை மாவோயிஸ்டுகள் விடுத்து இருப்பதாக கூட்டத்தில் தெரிவிக்கப்பட்டது.

இந்த கோரிக்கை பற்றி அரசு பரிசீலித்து வருவதாக மாவோயிஸ்டுகளுக்கு தெரிவிக்கப்பட்டது. இதைத்தொடர்ந்து நேற்று இரவு 7 மணி அளவில், பத்திரிகையாளர்கள் மற்றும் கிராமவாசிகள் முன்னிலையில் கலெக்டர் கிருஷ்ணா விடுதலை செய்யப்பட்டார்.

மனைவி மகிழ்ச்சி

8 நாட்கள் மாவேயிஸ்டுகளிடம் பிணை கைதியாக இருந்த கலெக்டர் நேற்று இரவு 9 மணி அளவில் தனது வீட்டுக்கு பத்திரமாக வந்து சேர்ந்தார். அவரை பார்த்த அவரது மனைவி மற்றும் குழந்தை ஆனந்த கண்ணீர் விட்டனர்.

மாவோயிஸ்டுகளால் கடத்தப்பட்ட கலெக்டர் விடுதலை 8 நாட்களுக்கு பிறகு வீடு வந்து சேர்ந்தார்

மாவோயிஸ்டுகளால் கடத்தப்பட்ட கலெக்டர் விடுதலை 8 நாட்களுக்கு பிறகு வீடு வந்து சேர்ந்தார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக