தமிழக சட்டசபை தேர்தலில் முறைகேடுகளை தடுக்க ஒவ்வொரு தொகுதிக்கும் 2 பறக்கும் படைகள்

**சிவா** · **சிவா** Fri Feb 25, 2011 8:29 am

தமிழக சட்டசபை தேர்தலில் முறைகேடுகள் நடக்காமல் தடுக்க ஒவ்வொரு தொகுதிக்கும் 2 பறக்கும் படைகள் அமைக்கப்படுகின்றன. இதில் போலீஸ் அதிகாரிகளும், தாசில்தார்களும் இடம் பெறுவார்கள்.

தமிழக சட்டசபைக்கு ஏப்ரல் இறுதியிலோ அல்லது மே மாத தொடக்கத்திலோ தேர்தல் நடக்க இருக்கிறது.

சட்டமன்ற தேர்தல் நடத்துவது தொடர்பாக மாவட்ட கலெக்டர்கள், தேர்தல் அலுவலர்களுக்கு சென்னை மாநகராட்சி ரிப்பன் மாளிகையில் நேற்று முதல் பயிற்சி அளிக்கப்பட்டு வருகிறது. இதுதொடர்பாக தமிழக தலைமை தேர்தல் அதிகாரி பிரவீண்குமார் நிருபர்களுக்கு பேட்டி அளித்தார். அப்போது அவர் கூறியதாவது:-

2 பறக்கும் படைகள்

சட்டமன்ற தேர்தலில் வாக்காளர்களுக்கு பணம் கொடுப்பதை கண்காணித்து முற்றிலுமாக கட்டுப்படுத்த தேர்தல் ஆணையம் பல்வேறு வழிகாட்டி நெறிமுறைகளை வகுத்து கொடுத்துள்ளது. அதன்படி, பணம் பட்டுவாடா செய்யப்படுவதை தடுக்க தாசில்தார் அல்லது துணை தாசில்தார் அந்தஸ்தில் உள்ள ஒரு அதிகாரி (நிர்வாக மாஜிஸ்திரேட்), அந்தந்த பகுதி போலீஸ் இன்ஸ்பெக்டர், வீடியோகிராபர், ஆயுதம் தாங்கிய போலீஸ்காரர்கள் 4 பேர் ஆக மொத்தம் 7 பேர் கொண்ட பறக்கும் படை அமைக்கப்படும்.

ஒவ்வொரு சட்டமன்றத் தொகுதியிலும் 2 பறக்கும் படைகள் செயல்படும். இந்த பறக்கும் படையினர், தேர்தல் நடத்தை விதிகள் மீறப்படுகிறதா என்பதையும் தீவிரமாக கண்காணிப்பார்கள். ஓட்டுப்போடுவதற்கு பணம் வாங்க வேண்டாம் என்று வாக்காளர்களிடம் விழிப்புணர்வு பிரசாரம் செய்யப்படும். மாநில, மாவட்ட எல்லைகளில் உள்ள வாகன சோதனை சாவடிகளில் தீவிர கண்காணிப்பு மேற்கொள்ளப்படும்.

ஆன்-லைனில் கண்காணிப்பு

தமிழகத்தில் 99.88 சதவீதம் புகைப்பட வாக்காளர் அடையாள அட்டைகள் வழங்கப்பட்டுவிட்டன. அதுமட்டுமல்லாமல் புகைப்பட வாக்காளர் பட்டியலும் தயாராக உள்ளது. அதனால் கள்ள ஓட்டு போடுவது பெருமளவு தடுக்கப்படும். தமிழ்நாட்டில் உள்ள 234 தொகுதிகளிலும் 54 ஆயிரம் வாக்குச்சாவடிகள் உள்ளன. இவை அனைத்திலும் கேமரா பொருத்தி வாக்குப்பதிவை கண்காணிக்க முடியாது. அதனால், சென்னையில் உள்ள அனைத்து வாக்குச்சாவடிகள் மற்றும் பதற்றமான வாக்குச்சாவடிகள் உள்பட 10 ஆயிரத்திற்கும் மேற்பட்ட வாக்குச்சாவடிகளில் நடக்கும் வாக்குப்பதிவை தலைமை தேர்தல் அதிகாரி அறையில் இருந்தபடியே பார்க்கும் வகையில் அதிநவீன கேமரா பொருத்தி ஆன்-லைனில் வாக்குப்பதிவு கண்காணிக்கப்படும்.

இவ்வாறு பிரவீண்குமார் கூறினார்.

பேட்டியின்போது, கூடுதல் தலைமை தேர்தல் அதிகாரி அமுதா உடனிருந்தார்.

தமிழக சட்டசபை தேர்தலில் முறைகேடுகளை தடுக்க ஒவ்வொரு தொகுதிக்கும் 2 பறக்கும் படைகள்

தமிழக சட்டசபை தேர்தலில் முறைகேடுகளை தடுக்க ஒவ்வொரு தொகுதிக்கும் 2 பறக்கும் படைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக