தூங்கட்டும் அன்னை! (கவிதை )

**kirikasan** · **kirikasan** Tue Feb 22, 2011 1:59 pm

நல்லதோர் வீரம் செய்தே -அதை
நலங்கெடப் புழுதியில் போட்டதென்றே
வல்லதோர் எம்தலைவன் -தன்னை
வாழ்வுக்களித்தவர் போக விட்டோம்
கொல்லுதே எம்விதியும் ஒரு
கொஞ்சமோ நெஞ்சமே நோகுதம்மா -ஒரு
வல்லமைதா இறைவா -எம்
வாழ்வில் தொலைத்தது கோடியய்யா

சொல்லவோ ஆகுதில்லை -ஒரு
சூரியன் தோன்றிய செந்தணலும் -இன்று
இல்லையோ எங்கள் மண்ணில் -நாம்
இங்கிட்டபாவங்கள் இன்னுமுண்டோ
எல்லையே இல்லை துன்பம் -எம்மை
எத்தனைநாள் இன்னும் தொட்டுவரும் -ஒரு
கல்லையோ நெஞ்சில் கொண்டு -அந்த
காக்கும் கடவுள் கண்மூடுதம்மா

எத்தனை துன்பப் பட்டாய் -அந்த
எத்தர்கள் வென்றதில் எக்காளித்தே -பெரும்
சத்தியதேவன் அன்னை -உன்னை
சஞ்சல மிட்டிட செய்ததென்ன -பெயர்
உத்தமனாம் ஒருவன் -அயல்
உள்ளவன் போ என வஞ்சமிட்டான் -இது
அத்தனையும் ஒருவன் -அந்த
அன்புமகன் நின்றால் ஆகிடுமோ?

நல்லவராய் நடித்தோர் -நெஞ்சில்
நஞ்சுகள் பொங்கி வழிந்ததம்மா -இனி
பொல்லா உலகத்திலே -இந்தப்
பூமியில் நல்லவர்க் கில்லையிடம் -நீயும்
செல்லும் இடமறியோம் -ஆயின்
சென்று அமைதிகொள், நாட்டினிலே -கொடுந்
தொல்லை கனத்ததம்மா உன்
தூயமனம் வேண்டும் தூக்கமம்மா

**கா.ந.கல்யாணசுந்தரம்** · 28/02/2009

கவிதை வெகு சிறப்பு.
சொல்லவோ ஆகுதில்லை -ஒரு
சூரியன் தோன்றிய செந்தணலும் -இன்று
இல்லையோ எங்கள் மண்ணில் -நாம்
இங்கிட்டபாவங்கள் இன்னுமுண்டோ
எல்லையே இல்லை துன்பம் -எம்மை
எத்தனைநாள் இன்னும் தொட்டுவரும் -ஒரு
கல்லையோ நெஞ்சில் கொண்டு -அந்த
காக்கும் கடவுள் கண்மூடுதம்மா

....நல்ல சொற்றொடர்கள். வாழ்த்துக்கள்.

மஞ்சுபாஷிணி · மஞ்சுபாஷிணி Tue Feb 22, 2011 3:38 pm

மிக அழகான வரிகளால் அமைத்த
நல்லதோர் வீணை செய்தே அதை நலம் கெட
புழுதியில் எறிவதுண்டோ..... இந்த ஸ்ருதியில் அழகான கவிதை...
வரிகளின் தாக்கம் உணரக்கூடிய வகையில் பாங்காய் அமைத்தமைக்கு அன்பு வாழ்த்துக்கள் ஐயா...

**இளமாறன்** · **இளமாறன்** Tue Feb 22, 2011 3:41 pm

தமிழுக்கு பஞசமில்லை நல்ல கருத்துக்கள் வாழ்த்துக்கள் தூங்கட்டும் அன்னை! (கவிதை ) 154550

Sponsored content · Sponsored content

தூங்கட்டும் அன்னை! (கவிதை )

தூங்கட்டும் அன்னை! (கவிதை )

Re: தூங்கட்டும் அன்னை! (கவிதை )

Re: தூங்கட்டும் அன்னை! (கவிதை )

Re: தூங்கட்டும் அன்னை! (கவிதை )

Re: தூங்கட்டும் அன்னை! (கவிதை )

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக