விநாயகர் வழிபாடும் தோப்புக் கரணமும்

by **பிளேடு பக்கிரி** Mon Feb 21, 2011 2:13 pm

விநாயகரை மிகவும் சுலபமாய் வழிபடலாம். அணுகுவதற்கு மிக எளியவர் அவர். மஞ்சள் தூளில் நீர் சேர்த்தோ, களிமண்ணாலோ அல்லது சாண உருண்டையாலோ விநாயகரைப் பிரதிஷ்டை செய்து வழி பட முடியும். கேட்ட உடனேயே வரம் கொடுப்பவர் விநாயகர். ஆனால் நாம் வேண்டுவது பிறருக்கு நன்மை அளிக்கக் கூடியதாய் இருத்தல் வேண்டும். விநாயகரை வழிபடுவதால் எல்லா வினைகளும் வேரோடு அறுக்கப் படுகின்றன. கணங்கள் அனைத்துக்கும் அதிபதியான விநாயகர் வழிபாடு எப்படிச் செய்ய வேண்டும் தெரியுமா?

நம் உடலில் உள்ளங்காலில் இருந்து உச்சந்தலை வரை எண்ணற்ற நரம்புகள் உள்ளன. அந்த நரம்பு மண்டலம் சுறுசுறுப்பாய் இயங்கினால்தான் நம்மால் எந்த வேலையையும் சிறப்பாகச் செய்ய முடியும். அதற்கு வழி காட்டுவது விநாயக வழிபாடு. விநாயகர் சன்னிதிக்கு முன்னால் நாம் இரண்டு கைகளாலும் தலையின் இரு பொட்டுக்களிலும் குட்டிக் கொள்வோமே, அதன் காரணம என்ன தெரியுமா? நம்முடைய அந்த இரு நெற்றிப் பொட்டுக்களிலும் தான் சுறுசுறுப்பைத் தூண்டும் நரம்பு மண்டலம் ரத்த ஓட்டம் பாய்ந்து சுறுசுறுப்பைப் பெறும். அதுவும் இரண்டு கைகளையும் மாற்றி வைத்துக் கொண்டு வலது கையால் இடப்பாகத்திலும், இடது கையால் வலப்பாகத்திலும் குட்டிக் கொள்ள வேண்டும். பின்னர் வலது கையால் இடது காதையும், இடது கையால் வலது காதையும் பிடித்துக் கொண்டு "தோர்பி கரணம்" போட வேண்டும்.

யோக முறையில் ஒன்றான இதன் பெயர் சம்ஸ்கிருதத்தில் உள்ளது. இதன் அர்த்தம் கைகளால் காதைப் பிடித்துக் கொள்வது எனப் பொருள். இது தான் மருவி தோப்புக் கரணம் என்றாகி விட்டது. இவ்வாறு தோர்பி கரணம் போட்டு வழிபடுவதால் நம்முடைய உடலில் மூலாதாரம் என்று சொல்லப்படும் இடுப்பின் பின் பகுதியில் உள்ள சக்தி மேலெழும்பி உடல் எங்கும் பரவி சுறு சுறுப்பைக் கொடுக்கிறது. மனம் அமைதி அடையும், உடல் சுறுசுறுப்படையும். பள்ளியில் சில மாணவர்கள் அதிகமாய்ப் படிக்காமல் இருந்தால் அவர்களுக்குத் தோப்புக்கரணம் போடச் சொல்லித் தண்டனையை ஆசிரியர் கொடுப்பதைப் பார்த்திருப்பீர்கள். அதன் காரணம் என்னவென்று இப்போது புரிகிறதா? அந்த மாணவர்களின் மந்த நிலை மாறி சுறுசுறுப்படைந்து பாடங்களை ஒருமைப்பட்ட மனதுடன் கவனிப்பான் என்பதால் தான்.

தோப்புக் கரணம் இடும் முறை:

கிழக்கு அல்லது வடக்கு திசை நோக்கி நின்று கொள்ளவும். வலது காலை இடது காலுக்கு முன்னோ அல்லது இடது காலை வலது காலுக்கு முன்னோ வைத்துக் கொள்ளலாம். இரண்டு கைகளால் இரண்டு காதுகளைப் பிடித்துக் கொள்ளவும். இந்நிலையில் மெதுவாக நன்றாக அமர்ந்து, எழுந்து தோப்புக் கரணம் இடவும். கால்கள் முழுவதுமாக மடங்கும் அளவிற்கு அமர வேண்டியது முக்கியம். குறைந்தது மூன்று தோப்புக் கரணம் இடவும். முடிந்தால் 12, 24, 36 என 108 தோப்புக் கரணங்களோ அதற்கு மேலும் இடலாம். உடல், மனம், உள்ளத்தை அற்புத நிலையில் வைத்திருக்க உதவும் ஓர் ஒப்பற்ற வழிபாட்டு முறை. ஒவ்வொரு தோப்புக் கரணத்திற்கும் ஒரு இறை நாமத்தையோ, 108 அஷ்டோத்திர சத நாமாவளிகளில் ஒன்றையோ கூறவும். இது மிக முக்கியமான விதி முறையாகும். இறை நாமத்துடன் கூடி வராத எந்த ஆசனமும் வழிபாடாக அமையாது. வெறும் உடல் பயிற்சியில் கிட்டும் ஆரோக்யம் ஆடு, மாடுகளைப் போல் நம்மை நீண்ட நாள் உயிருடன் வைத்திருக்கும். அவ்வளவே. உடம்பை இறை நினைவுடன் வளர்த்தலே உண்மையான யோகாசனப் பயிற்சி ஆகும். உடலுடன் உயிரையும் வளர்ப்பதே இறைவனின் திருநாமம். இதை நன்றாக நினைவில் கொள்ளுங்கள். தோப்புக் கரணம் இட்ட பின் மூச்சுக் காற்று சகஜ நிலை அடையும் வரை சற்று நேரம் ஓய்வெடுத்துக் கொள்ளவும்.

விநாயகர் வழிபாடும் தோப்புக் கரணமும் Thoppu

by அன்பு தளபதி Mon Feb 21, 2011 2:18 pm

இந்த தோப்புக்கரணம் மேலை நாடுகளில் சூப்பர் ப்ரெய்ன் யோக என்று ஆட்டிசம் பாதித்த குழைந்தகளுக்கு போதிக்கப்படுகிறது மிக அற்புதமான பதிவு மாமா

by **பிளேடு பக்கிரி** Mon Feb 21, 2011 2:23 pm

maniajith007 wrote:இந்த தோப்புக்கரணம் மேலை நாடுகளில் சூப்பர் ப்ரெய்ன் யோக என்று ஆட்டிசம் பாதித்த குழைந்தகளுக்கு போதிக்கப்படுகிறது மிக அற்புதமான பதிவு மாமா

நம்ம ஆளுங்க மேட்டர மேலை நாட்டு ஆளுங்க காப்பி அடிக்கிறாங்க... நம்ம ஆளுங்க சொன்னா மூட நம்பிக்கை... அவங்க சொன்னா விழுந்து விழுந்து பண்றாங்க.. என்ன கொடுமை சரவணா

by அன்பு தளபதி Mon Feb 21, 2011 2:25 pm

பிளேடு பக்கிரி wrote:
நம்ம ஆளுங்க மேட்டர மேலை நாட்டு ஆளுங்க காப்பி அடிக்கிறாங்க... நம்ம ஆளுங்க சொன்னா மூட நம்பிக்கை... அவங்க சொன்னா விழுந்து விழுந்து பண்றாங்க.. என்ன கொடுமை சரவணா

சரியா சொன்னீங்க உருப்படாத மேலை நாட்டு கலாச்சாரத்தை நாம பின்பற்ற விரும்புறோம் அவங்க இந்திய கலாச்சாரத்தை நேசிக்கிறாங்க ஆமா இங்க எப்போ சரவணன் வந்தார்

by **பிளேடு பக்கிரி** Mon Feb 21, 2011 2:28 pm

maniajith007 wrote:
பிளேடு பக்கிரி wrote:
நம்ம ஆளுங்க மேட்டர மேலை நாட்டு ஆளுங்க காப்பி அடிக்கிறாங்க... நம்ம ஆளுங்க சொன்னா மூட நம்பிக்கை... அவங்க சொன்னா விழுந்து விழுந்து பண்றாங்க.. என்ன கொடுமை சரவணா

சரியா சொன்னீங்க உருப்படாத மேலை நாட்டு கலாச்சாரத்தை நாம பின்பற்ற விரும்புறோம் அவங்க இந்திய கலாச்சாரத்தை நேசிக்கிறாங்க ஆமா இங்க எப்போ சரவணன் வந்தார்

by பிரகாசம் Mon Feb 21, 2011 3:22 pm

விநாயகர் வழிபாடும் தோப்புக் கரணமும் 677196

by உதயசுதா Mon Feb 21, 2011 4:34 pm

அருமையான பதிவு இது பக்கிரி
உங்களுக்கு பிளேடு மட்டும்தான் போட தெரியும்ன்னு நினைச்சேன்

by மஞ்சுபாஷிணி Mon Feb 21, 2011 4:46 pm

பிள்ளையார் என்னோட இஷ்டக்கடவுள் லக்‌ஷ்மணா...
தோப்புக்கரணம் போடுவது பற்றிய முறையில் இருந்து விநாயகரை வழிபடும் விதம் வரை அழகாக சொல்லி இருக்கே.. என் இரண்டு பிள்ளைகள் பேரும் பிள்ளையார் பேர் தான் வெச்சிருக்கேன். விக்னேஷ்ராம், இபானேஷ்ராஜ்...
அருமையான பதிவுக்கு அன்பு நன்றிகள் லக்‌ஷ்மணா...

by **பிளேடு பக்கிரி** Mon Feb 21, 2011 4:52 pm

உதயசுதா wrote:அருமையான பதிவு இது பக்கிரிஉங்களுக்கு பிளேடு மட்டும்தான் போட தெரியும்ன்னு நினைச்சேன்

நன்றிக்கா..... சிரி

by **பிளேடு பக்கிரி** Mon Feb 21, 2011 4:53 pm

மஞ்சுபாஷிணி wrote:பிள்ளையார் என்னோட இஷ்டக்கடவுள் லக்‌ஷ்மணா...
தோப்புக்கரணம் போடுவது பற்றிய முறையில் இருந்து விநாயகரை வழிபடும் விதம் வரை அழகாக சொல்லி இருக்கே.. என் இரண்டு பிள்ளைகள் பேரும் பிள்ளையார் பேர் தான் வெச்சிருக்கேன். விக்னேஷ்ராம், இபானேஷ்ராஜ்...
அருமையான பதிவுக்கு அன்பு நன்றிகள் லக்‌ஷ்மணா...

அருமை... நன்றி மஞ்சு அக்கா சிரி