காதலனுடன் சேர்த்து வைக்கக்கோரி பொலிஸ் நிலையத்தில் காதலி போராட்டம்!

சென்னை திருவொற்றியூர் பாரத் நகர் 3வது தெருவைச் சேர்ந்தவர் ஆனந்த்ராஜ். இவரது மகள் சீமாதேவி (வயது 20). எதிர் வீட்டில் வசிக்கும் ஆறுமுகம் மகன் சரவணன் (27) என்பவரும் 2 ஆண்டுகளாக காதலித்து வந்தனர்.

சரவணன் மின்சார வாரியத்தில் காண்டிராக்ட் எடுத்து வேலை செய்து வருகிறார். காதல் விஷயம் தெரிந்ததும் இரண்டு குடும்பத்தாரும் பேசி முடிவு செய்து கடந்த 27.5.2010 அன்று நிச்சயதார்த்தம் செய்தனர்.

அதன் பிறகு சரவணனும் சீமாதேவியும் பல இடங்களுக்கு சென்று ஒன்றாக சென்றுள்ளனர். சீமாதேவியின் தந்தை ஆனந்தராஜ் வேலூர் மாவட்டம் சோளிங்கர் பகுதியில் புதியதாக வீடுகட்டி வருகிறார்.

இதனால் தாய் தந்தை அனைவரும் அங்கு சென்றுவிடுவார்கள். அப்போது சரவணன் சீமா தேவியின் வீட்டிற்கு சென்று இருவரும் உல்லாசமாக இருந்துள்ளனர். இந்தநிலையில் சரவணன் சீமாதேவியை திருமணம் செய்யமாட்டேன்.

என் பெற்றோர் சொல்லும் பெண்ணைதான் திருமணம் செய்து கொள்வேன் என்று கூறி திருமணத்திற்கு மறுத்து வருகிறார். அதே வேளையில் சீமாதேவியை திருமணம் செய்து கொள்ள வேண்டுமென்றால் 100 சவரன் நகையும் புது வீடும் கொடுக்க வேண்டும் என்று கேட்டு திருமணம் செய்ய மறுத்து வருகிறார்.

இதையடுத்து சீமாதேவி புறநகர் போலீஸ் கமிஷனர் அலுவலகத்தில் நிச்சயம் செய்துவிட்டு திருமணம் செய்யாமல் ஏமாற்றிவரும் காதலன் தன்னை திருமணம் செய்து கொள்ள நடவடிக்கை எடுக்க வேண்டும் என்று கூறி புகார் கொடுத்தார்.

புறநகர் போலீஸ் கமிஷனர் ஜாங்கிட் புகார் மனுவை விசாரிக்க எண்ணூர் மகளிர் போலீசுக்கு உத்தரவிட்டார். போலீசார் கடந்த 4 நாட்களாக விசாரணைக்காக சரவணன் தரப்பினரை தொடர்பு கொண்ட போது அவர்கள் நாட்களை தள்ளி கொண்டே வருகின்றனர்.

இதனால் சரவணன் தன்னை ஏமாற்றிவிட்டு வேறொரு பெண்ணை திருமணம் செய்து கொள்வாரோ என்று பயந்து போன சீமாதேவி, அவரது தந்தை ஆனந்த்ராஜ், தாயார் காந்திமதி மற்றும் உறவினர்கள் 30-க்கும் மேற்பட்டோர் சரவணனுக்கும் சீமாதேவிக்கும் உடனடியாக திருமணம் செய்துவைக்க நடவடிக்கை எடுக்க கோரி எண்ணூர் போலீஸ் உதவி கமிஷனர் பால்ராஜ் அலுவலகத்தின் முன்பு அமர்ந்து தர்ணா போராட்டம் நடத்தினர்.

அப்போது உதவி கமிஷனர் அங்கு இல்லாத தால் எண்ணூர் போலீஸ் இன்ஸ்பெக்டர் ரூபன் பிராங்கிளின் விரைந்துவந்து உரிய நடவடிக்கை எடுப்பதாக உறுதியளித்தார்.

பின்னர் புதுப்பெண் சீமாதேவியையும் அவரது உறவினர்களையும் போலீசார் சாத்தாங்காடு போலீஸ் நிலையத்துக்கு அழைத்து சென்றனர்.

அங்கும் சீமாதேவியும், அவரது உறவினர்களும் போராட்டம் நடத்தினார்கள். இதையடுத்து சீமாதேவியை சமரப்படுத்தி போலீசார் விசாரணை நடத்தி வருகிறார்கள்.