கேள் காதலியே... ஏதோ ஒன்றை பரிசளி....!

by D.SABARINATHAN Mon 21 Feb 2011 - 5:40

கைபேசி காற்றில்தான்
சுவாசிக்கிறது
நம் காதல்!

நம் காதல் மொழி
காற்றிற்க்கும் தெரிந்திருக்கும்
காற்றலையில்
பேசிக்கொள்வதால்!

என் கன்னத்தைவிட
செவிகளுக்குத்தான்
உன் இதழ்கள் பரிச்சயம்!-
கைபேசியில் தானே
முத்தமிடுகிறாய் தினம்!

நடுநிசி நித்திரை கலைகிறது-
கனவில்
உன் காதல் மொழியால்!

நீ காற்றோடு
கைகோர்த்து நடைபோடுகிறாய் தனியே!
நான் விண்மீன்களை
எண்ணிக்கொண்டிருக்கிறேன் தனியே!

உன் தெருவிளக்குகள்
உன்மீது காதல்கொண்டு
கண்சிமிட்டுவதாய் சொன்னாய்!
என்னிடம்
நிலவும்கூட வெட்கம்கொண்டு
முகம்காட்டுகிறது
மெதுமெதுவாய்!-
இவைகளுக்கென்ன பொறாமை
நம் காதல் மேல்!

எப்போதும் இதுபோல்
சுவைத்ததில்லை-
நீ என்னை நினைக்கவில்லையென
பருக மறந்து
தாக்கத்தில் விக்கல் வந்தபின்
காத்திருந்து
பருகும் நீர்!

மௌனம் கலைக்க
ஒரு முத்தம்!
துயில் கலைக்க
ஒரு கனவு!
காதல் வளர்க்க
ஒருக்கவிதை!..........
ஏதாவது ஒன்றை
குறுந்தகவல் அனுப்பு,
அடுத்த மாதமாவது
விடுமுறைகிடைக்கும்
அதுவரை நான் வாழ!....................

by மஞ்சுபாஷிணி Mon 21 Feb 2011 - 12:48

தொலை தூரக்காதல் பிரிவுத்துயரை போக்க கேட்கும் வரிகள் மிக அருமை சபரினாதன். அன்பு வாழ்த்துக்கள் அருமையான வரிகளுக்கு...

by **இளமாறன்** Mon 21 Feb 2011 - 16:27

அழகான கவிதை...வாழ்த்துக்கள்

பிரிவின் வலியோ
நோக்கியாவின் அலைவரிசையில்
அன்பின் அதிர்வுகள்...
எஸ் எம் எஸ் தரும்
இன்ப கனவுகள்...

by D.SABARINATHAN Mon 21 Feb 2011 - 18:33

மஞ்சுபாஷினி அவர்களுக்கு நன்றிகள்

by D.SABARINATHAN Mon 21 Feb 2011 - 18:34

இளமாறன் அவர்களுக்கு என் நன்றிகள்

by **பிளேடு பக்கிரி** Mon 21 Feb 2011 - 18:39

தொலைதூர காதல் வலி கேள் காதலியே... ஏதோ ஒன்றை பரிசளி....! 677196

by D.SABARINATHAN Mon 21 Feb 2011 - 18:42

பக்கிரி அவர்களுக்கு நன்றிகள்

by உதயசுதா Mon 21 Feb 2011 - 19:08

காதல் பயணத்தில் நானும் இது போல சுகமான வேதனைகளை அனுபவித்து இருக்கிறேன்.அந்த சுகமான வேதனைகளை திரும்பி நினைக்க வைத்த உங்கள் கவிதை வரிகள் மிக அழகு,அருமை.
என் பாராட்டுகள்.

by D.SABARINATHAN Mon 21 Feb 2011 - 19:14

நன்றி

by கலைவேந்தன் Mon 21 Feb 2011 - 23:08

இனிமையான காதல் நினைவுகளை அசை போட வைத்த வரிகள்.. எம் காலத்தில் கைப்பேசி இல்லை .. கண்பேசித்தான் காதலைக் கண்டுணர்ந்தோம்.. அந்த இனிய நினைவுகளுக்கு கொண்டு சென்றமைக்கு நன்றி சபரி நாதன்...!