கனவு களவுத் தொழிற்ச்சாலை

by D.SABARINATHAN Mon Feb 21, 2011 1:13 am

காற்றணுக்களை காயப்படுத்தும்
புகைபோக்கி வழி
என் உயிர் வெளித்தள்ளப்படுகிறது
மெதுமெதுவாய்!
கருந்துகள் காற்றில் அசைகையில்
நிகழும்
தூக்க அனுசரிப்பு!

கவிதையில் காதல் வயப்பட்ட
என் எழுதுகோலுக்கு
கணக்கீடுகள்மட்டும் செய்ய
கட்டுப்பாடு!

கணினி கட்டளைகளில்
விளங்கிடப்படும் கால்கள்!

வியர்வைதுளிகளுக்கு
மட்டுமான விலையில்
இரத்தத்தை ஆவியாக்குகிறேன்!

வானில் பறக்க
சிறகுகள் இருந்தும்
நடைப்பழக மட்டுமே
குறிப்புரை!

ஓடி ஓடி ஓய்ந்துபோய்
எனக்கும் தாகம்;
எழுதி எழுதி களைத்து
என் எழுதுகோலுக்கும்
மூச்சுத்திணறல்!

மூச்சுவாங்க
அமரநினைக்கும்போது
இலக்கை துரத்தும்
போராட்டம்!

உழைப்பிற்க்கான ஊதியத்தில்
கனவை
அடமானம் வைத்துவிட்ட
அவமானம் எனக்கு...............