பாடகர் மலேசியா வாசுதேவன் மரணம்

by **Tamilzhan** Sun Feb 20, 2011 2:20 pm

பின்னணி பாடகர் மலேசியா வாசுதேவன் இன்று பகல் காலமானார்.

பிரபல பின்னணிப்பாடகரான மலேசியா வாசுதேவன் கடந்த 25 ஆண்டுகளில் எட்டாயிரத்திற்கும் அதிகமான தமிழ்த்திரைப் பாடல்களைப் பாடியுள்ளார். ‘’பூங்காற்று திரும்புமா.. என் பாட்டை விரும்புமா’’, ‘’ஆசை நூறு வகை வாழ்வின் நூறு சுவை’’ என்று ஏராளமாக பாடி ரசிகர்களை மகிழ்வித்துள்ளார்.
மேலும் இவர் முதல் வசந்தம், ஊமை விழிகள், திருடா திருடா உட்பட ஏராளமான திரைப்படங்களில் நடித்துள்ளார். தயாரிப்பாளராக இருந்தார்.

இவரது மகன் யுகேந்திரன், பின்னணிப்பாடகராகவும், நடிகராகவும் இருக்கிறார். இவரது மகள் பிரசாந்தினி பின்னணிப்பாடகராக உள்ளார்.

சமீபகாலமாக மலேசியாவாசுதேவன் உடல் நலக்குறைவால் வீட்டிலேயே இருந்தார். தன்னால் வளர்ந்தவர்களும், திரையுலக நண்பர்களும் தன்னை வந்து நலம் விசாரிக்கவில்லை என்று ஒரு பேட்டியில் வருத்தம் தெரிவித்திருந்தார்.

அவர் உடல்நிலை மோசமானதை அடுத்து சென்னையில் மருத்துவமனையில் அனுமதிக்கப்பட்டிருந்தார். அங்கு அவர் கவலைக்கிடமான நிலையில் சிகிச்சை பெற்றுவந்தார்.

இந்நிலையில் இன்று பகல் 1 மணிக்கு மலேசியா வாசுதேவன் சிகிச்சை பலனின்றி காலமானார்.

by உதயசுதா Sun Feb 20, 2011 2:25 pm

அருமையான குரலுக்கு சொந்தக்காரர் இவர்.
இவரது ஆத்மா சாந்தி அடைய என் பிரார்த்தனைகள்

by Guest Sun Feb 20, 2011 2:35 pm

ஆழ்ந்த இரங்கல்கள் ....

by **அருண்** Sun Feb 20, 2011 2:43 pm

இவரது ஆன்மா நித்திய சாந்தி அடையட்டும். சோகம்

by இசையன்பன் Sun Feb 20, 2011 6:05 pm

நல்ல அருமையான பாடகரை இசை உலகம் இழந்து விட்டது

by அன்பு தளபதி Sun Feb 20, 2011 6:46 pm

அன்னாரது ஆன்மா சாந்தியடைய பிரர்திக்கிறேன்

by கலைவேந்தன் Sun Feb 20, 2011 9:33 pm

தலை சிறந்த பாடகரும் நடிகருமாகிய மலேசியா வாசுதேவன் அவர்களின் ஆன்மா சாந்தி அடைய இறைவனைப் பிரார்த்திக்கிறேன்..!

by Guest Sun Feb 20, 2011 9:50 pm

இவரது ஆன்மா நித்திய சாந்தி அடையட்டும்.

by **Aathira** Sun Feb 20, 2011 10:02 pm

என்னம்மா கண்ணு செள்க்கியமா? என்ற குரல்....
இன்று மெளனமானது. நடிப்பிலும் அசத்தியவர்... இப்போதுதான் கொண்டபள்ளி ரெக்காடிங்க் தியேட்டரில் அவரது பெரிய படத்துக்கு மாலை அணிவித்து இரங்கல் தெரிவித்து இருந்ததைப் பார்த்து வந்தேன்.
அன்னாரது ஆன்மா சாந்தியடைய பிரர்திக்கிறேன்