இன்று எகிப்து… நாளை இந்தியா? – பாரதி தம்பி

azeezm · azeezm Sun Feb 20, 2011 11:35 am

நவீன உலகின் மக்கள் புரட்சி எப்படிப்பட்டதாக இருக்கும்?சந்தேகமே
இல்லாமல், எகிப்தைக் கை காட்டலாம்! 30 வருட சர்வாதிகார ஆட்சியை,
வெகுமக்கள் போராட்டத்தால் தூக்கி வீசியிருக்கிறது கிளியோபாட்ரா தேசம்.கெய்ரோ
மாநகரின் தஹ்ரீர் சதுக்கத்தில் 18 நாட்களாக லட்சக்கணக்கில் திரண்ட
மக்கள், 30 ஆண்டுகளாக நாட்டை சர்வாதிகாரம் செய்துகொண்டு இருந்த அதிபர்
ஹோஸ்னி முபாரக்கை (82) நாட்டைவிட்டு ஓடவைத்தனர். இன்று எகிப்து… நாளை இந்தியா? – பாரதி தம்பி P62

இன்று எகிப்து… நாளை இந்தியா? – பாரதி தம்பி P62

எகிப்தின்
அடிப்படைப் பிரச்னை என்ன? வரலாற்றில் ரோம சாம்ராஜ்யம் என அறியப்படும்
ஒட்டுமொத்தப் பிரதேசத்துக்கும் ஒரு காலத்தில் தானிய ஏற்றுமதி செய்த செல்வச்
செழிப்பான நாடு எகிப்து. ஒரு வல்லரசு ஆவதற்கான தகுதியுடைய நாடுதான்.
ஆனால், எங்கும் வறுமை, உணவுப் பஞ்சம், வேலைவாய்ப்பு இன்மை. எகிப்தின் மொத்த
வளத்தையும் தன் சொந்த உடைமையாகக் கருதி கொள்ளை அடிப்பதிலேயே குறியாக
இருந்தார் அதிபர் முபாரக். கடுமையான பொருளாதார நெருக்கடி, குழு
மோதல்களாகவும் கலவரங்களாகவும் ஆங்காங்கே வெடித்தன. அப்போதுதான் நடந்தது
மற்றோர் அரபு நாடான துனிஷியாவின் மக்கள் புரட்சி. உண்மையில் தற்போதைய
எகிப்து எழுச்சியின் துவக்கப் புள்ளி துனிஷியாவில்தான் தொடங்குகிறது.

23 ஆண்டுகளாக துனிஷியாவை சர்வாதிகாரம் செய்து வந்தவர் அதிபர் பென் அலி. 74
வயதாகும் இவர், நாட்டின் பொருளாதார நெருக்கடி குறித்தோ, மக்களின்
வாழ்வாதாரம் குறித்தோ சிறிதும் கவலைப்படவில்லை. அரபு நாடுகளில் அதிகம்
படித்தவர்கள் உள்ள நாடு துனிஷியாதான். ஆனால், அங்கேயும் வறுமை. இதை
எதிர்த்துப் போராடினால், சிறையும் மரணமுமே பரிசு. அந்த நிலை யில்தான்,
முஹமது வுவாசி என்ற வேலை அற்ற பட்டதாரி இளைஞர் தீக்குளித்துத் தற்கொலை
செய்துகொண்டார். முஹமது செல்வாக்கானவரோ, புகழ்பெற்றவரோ இல்லை. ஆனால்,
மக்களின் கோபத்தை, அவரது மரணம் ஒருங்கிணைத்தது. ஒட்டுமொத்தத் துனிஷிய
மக்களும் கோபாவேசத்துடன் போராட, கடைசியில் அதிபர் பென் அலி, நாட்டை விட்டு
ஓடிப்போனார்.

இன்று எகிப்து… நாளை இந்தியா? – பாரதி தம்பி P63

இன்று எகிப்து… நாளை இந்தியா? – பாரதி தம்பி P63

துனிஷிய மக்கள் புரட்சி எப்படி ஒரு தற்கொலையால் துவக்கிவைக்கப்பட்டதோ, அதேபோல எகிப்துப் புரட்சியும், காலித் சையித் என்ற இளைஞனின் தற்கொலையில் இருந்துதான் துவங்கியது. எகிப்து போலீஸின் அத்துமீறல் வீடியோவை இணையத்தில்
வெளியிட்டார் என்ற ‘குற்றத்துக்காக’ போலீஸ் அவரைச் சித்ரவதை செய்து கொலை செய்தது. அதுவரை சிறுசிறு குழுக்களாக நடந்த மக்கள் போராட்டங்களை காலித் சையித்தின் மரணம் ஒன்று சேர்த்தது.

உண்மையில் துனிஷியா, எகிப்து… இரண்டு நாடுகளின் மக்கள் போராட்டத்தை ஒருங் கிணைத்ததும், வெற்றிபெற வைத்ததும் தொழில் நுட்பம்தான். twitter, facebook ஆகிய சமூக வலைதளங்களும், வீடியோ வலைதளமான youtube-ம் இந்தப் போராட்டங்களில் முக்கியப் பங்கு வகித்தன. எகிப்துப் போராட்டத்தில் கலந்துகொள்ள facebook மூலம் விடுக்கப்பட்ட அழைப்பால் வந்தவர்களின் எண்ணிக்கை 90 ஆயிரம். இந்த வலைதளங்களை எகிப்து அரசு தடை செய்தபோதிலும், வெளிநாடு வாழ் எகிப்தியர்களால் தகவல்கள் பரபரவெனக் கொண்டுசெல்லப்பட்டன. துனிஷியாவிலும் இப்படித்தான் தடை செய்தார்கள். ஆனால்,
இணைய இணைப்பு உள்ள கேமரா மொபைல் மூலம், போராட்டக் களத்தில் நின்றபடி உடனுக்குடன் எல்லாவற்றையும் இணையத்தில் பரப்புவதை யாராலும் தடுக்க முடியவில்லை. இணையத்தைத் தாண்டி, உண்மையை வெளி உலகுக்குச் சொன்ன அல் ஜஸீரா தொலைக்காட்சியின் அலுவலகத்தை மூடி, அதன் நிருபர்கள் ஆறு பேரைக் கைது செய்தது எகிப்து அரசு. எல்லா அடக்குமுறைகளையும் இறுதியில் மக்கள் புரட்சி வென்றுவிட்டது.

துனிஷியா, எகிப்து… எனப் பரவும் மக்கள் புரட்சியின் அடுத்த கட்டமாக, இப்போது ஏமன் நாட்டு சர்வாதிகாரி சலேவுக்கு எதிராக போராட்டங்கள் தொடங்கி இருக்கின்றன. உள்ளூர்ப் பொருளாதார நெருக்கடிக்கு எதிராக ஜோர்டானிலும் பெருந்திரள் போராட்டங்கள் நடைபெறுகின்றன. மத்தியக் கிழக்கின் அரபு நாடுகளில் ஓர்
அலையைப்போலப் பரவி வரும் மக்கள் போராட்டங்களைக் கண்டு அதிகம் அஞ்சுவது அமெரிக்காதான். ஏனெனில், பல காலமாக எண்ணெய் வளம் மிகுந்த அரபு நாடுகளில் நகாசு அரசியல் செய்து வருகிறது அமெரிக்கா. இப்போது தன் செல்வாக்கு எல்லையைத் தாண்டி மக்களின் போராட்டம் நடப்பதால், என்ன செய்வது எனத் தெரியாமல் திகைத்து நிற்கிறது.

இப்போது துனிஷியாவில் பென் அலி, எகிப்தில் முபாரக் போல… சில காலம் முன்பு இரானில்
மன்னர் ஷா, பிலிப்பைன்ஸில் மார்கோஸ், பனாமாவில் நொரீகா, இராக்கில் சதாம்… என அமெரிக்க விசுவாசிகள் பலர் இருந்தனர். மக்கள் புரட்சி வெடித்தபோது, அனைவரையும் அமெரிக்கா கடைசி நேரத்தில் கழுத்தறுத்துக் கைவிட்டதுதான் வரலாறு. தெற்காசியப் பிராந்தியத்தில் அமெரிக்காவின் அதி
தீவிர விசுவாசியாக இந்தியா இருக்கிறது. எனில், இந்தியாவின் முபாரக், இந்தியாவின் பென் அலி யார்?

நன்றி:-பாரதி தம்பி
நன்றி:- ஆ.வி

http://azeezahmed.wordpress.com/

நிசாந்தன் · நிசாந்தன் Sun Feb 20, 2011 11:39 am

சந்தேகமே இல்லை. மன்மோகன் சிங்கும், சுப்பிரமணிய சுவாமியும் தான்.

**பிரசன்னா** · **பிரசன்னா** Sun Feb 20, 2011 12:18 pm

நிசாந்தன் wrote:சந்தேகமே இல்லை. மன்மோகன் சிங்கும், சுப்பிரமணிய சுவாமியும் தான்.

சுப்பிரமணிய சுவாமி - மிகவும் சரியான ஒரு உளவாளி.

மன்மோகன் சிங் - காங்கிரஸ், சோனியா மற்றும் மலயாளிகளிடம் (கருணாநிதி குடும்பம்) இருந்து இந்தியாவை காபற்றுவர் என்று நம்புவோம்.

Guest · Guest Sun Feb 20, 2011 1:02 pm

இன்று எகிப்து… நாளை இந்தியா? – பாரதி தம்பி 502589

ன்மோகன் சிங் - காங்கிரஸ், சோனியா மற்றும் மலயாளிகளிடம் (கருணாநிதி குடும்பம்) இருந்து இந்தியாவை காபற்றுவர் என்று நம்புவோம்.

தமிழ் நாயகன் · தமிழ் நாயகன் Sun Feb 20, 2011 1:38 pm

இந்தியாவை உடைப்பதில்தான் உங்களுக்கு எவ்வளவு ஆனந்தம் நண்பர்களே

உதயசுதா · உதயசுதா Sun Feb 20, 2011 1:54 pm

கட்டுரயில் ஆசிரியர் solli இருக்கும் நாடுகளில் எல்லாம் சர்வாதிகார ஆட்சி நடந்தது.செய்தியாளர்கள் உட்பட யாருக்கும் அதிபரை எதிர்த்து குரல் கொடுக்க முடியாது.அப்படி குரல் கொடுத்தால் அவர்களுக்கு மரண தண்டனை கிடைக்கும். ஆனால் எனது தேசத்தில் அப்படி இல்லையே.யார் வேண்டுமானாலும் யாரை பற்றி வெனாலும் குறை சொல்லலாம்,நாட்டை பற்றி இழிவாக பேசலாம்.தான் தேசத்தில் வாழ வழி இல்லாமல் என் தேசத்துக்கு அடைக்கலம் தேடி வந்தவர்கள் கூட என் தேசத்தை பற்றி குறை கூறலாம்.அப்படி ஒரு ஜனநாயக நாடு என் தேசம்.அதனால் என் தேசத்துக்கு எகிப்து நிலைமை வராது.

**Tamilzhan** · **Tamilzhan** Sun Feb 20, 2011 1:55 pm

இப்படி ஒரு கட்டுரை எழுதி விட்டால் இந்தியா உடைந்து விடுமா...? நாட்டில் மனிதநேய மிக்கவர்கள் அதிகம் உண்டு இன்று இல்லையென்றாலும் நாளை அவர்களே நிலைத்து நிற்ப்பார்கள்.. மனிதநேயமிக்க இந்தியர்களாக வாழ்வோம் நிச்சயம்..! இன்று எகிப்து… நாளை இந்தியா? – பாரதி தம்பி 838572

இன்று எகிப்து… நாளை இந்தியா? – பாரதி தம்பி 838572

உதயசுதா · உதயசுதா Sun Feb 20, 2011 2:01 pm

Tamilzhan wrote:இப்படி ஒரு கட்டுரை எழுதி விட்டால் இந்தியா உடைந்து விடுமா...? நாட்டில் மனிதநேய மிக்கவர்கள் அதிகம் உண்டு இன்று இல்லையென்றாலும் நாளை அவர்களே நிலைத்து நிற்ப்பார்கள்.. மனிதநேயமிக்க இந்தியர்களாக வாழ்வோம் நிச்சயம்..!

இன்று வேணுமானால் என் தேசம் மற்றவர்கள் குறை கூறும் அளவுக்கு இருக்கலாம்.வருங்க்காலத்தில் என் தேசம் எல்லா குறைகளையும் களைந்து முன்னுக்கு வரும் என்பதில் எந்த சந்தேகமௌம் வேண்டாம்.அப்போது குறை கூறியவர்கள் எல்லாரும் காணாமல் போவார்கள்.

பாரதி தம்பின்னு பெயர வச்சுக்கிட்டு பாரதியோட நாட்டு பற்றில் கடுகளவு கூட இல்லாத ivar பாரதி பெயரை சொல்ல கூட அருகதை இல்லாதவர்

**Tamilzhan** · **Tamilzhan** Sun Feb 20, 2011 2:04 pm

பாரதி தம்பின்னு பெயர வச்சுக்கிட்டு பாரதியோட நாட்டு பற்றில் கடுகளவு கூட இல்லாத ivar பாரதி பெயரை சொல்ல கூட அருகதை இல்லாதவர்

இன்று எகிப்து… நாளை இந்தியா? – பாரதி தம்பி 677196

அன்பு தளபதி · அன்பு தளபதி Sun Feb 20, 2011 2:05 pm

சுதா அக்கா தமிழன் அண்ணா

இன்று எகிப்து… நாளை இந்தியா? – பாரதி தம்பி 154550

இன்று எகிப்து… நாளை இந்தியா? – பாரதி தம்பி 678642

Sponsored content · Sponsored content

இன்று எகிப்து… நாளை இந்தியா? – பாரதி தம்பி

இன்று எகிப்து… நாளை இந்தியா? – பாரதி தம்பி

Re: இன்று எகிப்து… நாளை இந்தியா? – பாரதி தம்பி

Re: இன்று எகிப்து… நாளை இந்தியா? – பாரதி தம்பி

Re: இன்று எகிப்து… நாளை இந்தியா? – பாரதி தம்பி

Re: இன்று எகிப்து… நாளை இந்தியா? – பாரதி தம்பி

Re: இன்று எகிப்து… நாளை இந்தியா? – பாரதி தம்பி

Re: இன்று எகிப்து… நாளை இந்தியா? – பாரதி தம்பி

Re: இன்று எகிப்து… நாளை இந்தியா? – பாரதி தம்பி

Re: இன்று எகிப்து… நாளை இந்தியா? – பாரதி தம்பி

Re: இன்று எகிப்து… நாளை இந்தியா? – பாரதி தம்பி

Re: இன்று எகிப்து… நாளை இந்தியா? – பாரதி தம்பி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக